Вучиќ: Изборите во Белград може да се одржат на 28 април или на 5 мај - Канал 5

Балкан

Вучиќ: Изборите во Белград може да се одржат на 28 април или на 5 мај

Ако претседателот на српскиот Парламент се избере на 11, 12 или 13 март, не е важно, изборите мора да се одржат до 11 или 12 мај.

Вучиќ: Изборите во Белград може да се одржат на 28 април или на 5 мај

Претседателот на Србија, Александар Вучиќ денеска изјави дека изборите во Белград може да се одржат на 28 април или на 5 мај, кога е Велигден, јави дописникот на МИА од Белград.

- Ако претседателот на српскиот Парламент се избере на 11, 12 или 13 март, не е важно, изборите мора да се одржат до 11 или 12 мај. Значи тие можат да се одржат на 28 април, во законскиот рок помеѓу 45 и 60 дена. Па може да бидат на 28 или на петти. А на петти е Велигден. Сакате да имаме избори на Велигден?, истакна Вучиќ.

Тој коментирајќи ги барањата на опозицијата да не се одржат изборите на 28 април поради празникот, тој кажа дека мора да се почитуваат законските норми и додаде дека опозицијата не дошла на консултации кај претседателот на Републиката да побара нешто.

Тој ги отфрли обвинувањата на опозицијата за изборни манипулации, посочувајќи дека Србија е единствената земја во светот која ја повика ОДИХР на локални избори.

- Ако веруваа дека изборите се украдени, ќе излезеа скокајќи од радост, бидејќи ние сме единствената земја што некогаш го поканила ОДИХР да присуствува на локалните избори. На секое избирачко место ќе има трипати повеќе набљудувачи. Јасно им е дека немаше кражба. И јасно им е дека за да победиш на избори треба да ја добиеш довербата од народот, рече Вучиќ.

Тој додаде дека ќе му честита на секој што ќе победи на изборите, но дека никогаш, како што рече, нема да ги прифати лагите и измамите, кои, според него, се дел од геополитичките игри во кои сакаат да ја уништат Србија.

Тој ги коментираше обвинувањата на одредени медиуми дека жители од Мала Крсна се доселуваат во Белград за да гласаат на претстојните белградски избори и рече дека во последните 72 часа во Белград се преселиле еден до двајца согласно законските услови.

Исто така, тој ги предупреди сите членови на Српската напредна странка (СНС) дека ќе бидат законски санкционирани доколку се обидат да направат каква било измама поврзана со изборите.

Вучиќ истакна и дека е задоволен што се прифатени две препораки на ОДИХР и што е започната нивната имплементација.

- Едната се однесува на јавниот простор, сите партии да имаат право, сите учесници на изборите ќе имаат исто право да го користат секој јавен простор, секоја зграда, секој центар на културата, сите под исти услови. И таа контакт група беше дадена преку Министерството на локалната самоуправа, како и на кој начин тоа да се регулира, изјави српскиот претседател.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху го навреди еден од своите најголеми сојузници

Израелскиот премиер Бенјамин Нетанјаху го привлече вниманието на јавноста откако даде серија провокативни коментари за Обединетото Кралство за време на едно интервју.

Нетанјаху го навреди еден од своите најголеми сојузници

Зборувајќи во порелаксиран формат, во студиски стил, Нетанјаху ја искористи можноста да даде саркастични коментари за британското општество, а истовремено се осврна и на главниот ривал на Израел, Иран.

За време на разговорот, израелскиот премиер се осврна на демографската и политичката ситуација во Европа, јасно таргетирајќи го Лондон.

Според него, ситуацијата е таква што: „Британија би можеле да ја наречете „Исламска Република Британија“.

„Некој рече дека првата исламска република со нуклеарно оружје ќе биде Исламската Република Британија“, додаде Нетанјаху.

Сепак, оваа остра забелешка за европските сојузници послужи првенствено како вовед во главната порака упатена до Иран.

Продолжувајќи го својот саркастичен коментар за Велика Британија и нејзиниот нуклеарен арсенал, израелскиот премиер рече: „Загрижени сме дека ќе има уште една, знаете, во Иран“. Таквата реторика, иако изречена со навидум лежерен тон, претставува сериозна дипломатска провокација. Останува да се види како официјален Лондон ќе реагира на ваквото етикетирање на израелскиот премиер.

Тагови: Бенјамин Нетанјаху

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Зеленски: Нема да го признаеме Косово. Рама: Албанија е доволно зрела да го прифати

Посетата на украинскиот претседател Володимир Зеленски на Србија минатата недела предизвика низа жестоки реакции низ целиот Балкан. 

Зеленски: Нема да го признаеме Косово. Рама: Албанија е доволно зрела да го прифати

Зеленски се сретна за прв пат во Белград со српскиот претседател Александар Вучиќ, а потоа изјави дека Украина нема да ја признае независноста на Косово, што дополнително ја влоши ситуацијата во регионот.

Одговорот од Косово дојде речиси веднаш. Голем сино-жолт транспарент со натпис „Слободна Украина“, кој беше поставен во 2022 година, беше отстранет од главниот пат во Приштина. Градоначалникот Перпарим Рама рече дека се сочувствува со „луѓето кои се соочуваат со војна, насилство и прогон“, но додаде дека „почитувањето мора да биде взаемно“.

Албанскиот премиер Еди Рама исто така зборуваше за сè на „X“ денес.

„Мојот драг пријател Володимир Зеленски беше во Белград и рече дека Украина не го променила својот став и нема да го признае Косово.

Не помина ниту еден час, а најгласните националисти во Тирана и Приштина веќе посегнаа по геополитичкиот калкулатор: можеби треба да ја казниме Украина, да престанеме да навиваме за слободните и да тагуваме за оние што ги бомбардираат. Најнеодговорните меѓу нив нè нападнаа затоа што не се откажавме од Украина. Некои дури и навиваа за Русија!

Каква штета е да се изгуби од вид едноставната вистина дека слободата не функционира по принципот на враќање на парите. Спротивставувањето на агресивната војна и застапувањето за праведен мир не е сметка што ќе ја искинете кога жртвата на варварска агресија ќе ве разочара. Тоа не е услуга заменета за контрауслуга, туку прашање за тоа кој сте и за што се залагате во овој хаотичен свет.

„Албанија е доволно зрела да прифати две вистини“

За среќа, Албанија не е ситна личност која пресметува кој што на кого му должи, туку Европа на Балканот, која го покажува патот со својата вера во слободата, демократијата и мирот и со моќта на сопствениот пример. Украина може да биде, и да не е во право кога станува збор за Косово.

Но, нејзиното право на слобода останува неоспорно, а борбата за тоа право значи борба за Европа и за нас самите. Овие две вистини можат совршено да се вклопат во истата реченица. Албанија е доволно зрела да ги прифати обете и ќе го стори тоа“, рече Рама.

Извор: Индекс.хр

Тагови: Володимир Зеленски Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четврт век од Охридскиот договор: Свечена седница во владата и пораки за иднината без тензии

Со свечена седница во владата и пораки за стабилност, Македонија одбележува јубилејни 25 години од потпишувањето на Охридскиот рамковен договор.

Четврт век од Охридскиот договор: Свечена седница во владата и пораки за иднината без тензии

Централната прослава продолжува вечерва на Камен мост со уметничко-музичка програма, токму таму е нашата Маја Стојановска.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер