Вучиќ испрати мистериозна порака по средбата со Си Џинпинг во Пекинг - Канал 5

Балкан

Вучиќ испрати мистериозна порака по средбата со Си Џинпинг во Пекинг

Српскиот претседател Александар Вучиќ, кој е во неколкудневна официјална посета на Кина, изјави дека со потпишувањето на нови билатерални договори, Србија и Кина отворија ново поглавје .

Вучиќ испрати мистериозна порака по средбата со Си Џинпинг во Пекинг

Српскиот претседател Александар Вучиќ, кој е во неколкудневна официјална посета на Кина, изјави дека со потпишувањето на нови билатерални договори, Србија и Кина отворија ново поглавје во соработката во економијата, науката, иновациите, образованието и развојот на иницијативата „Еден појас, еден пат“, објави Телеграф.

По средбата со кинескиот претседател Си Џинпинг и потпишувањето на неколку договори, Вучиќ изјави дека новите партнерства ќе имаат конкретни последици за развојот на Србија и животот на граѓаните.

„Со потпишувањето на бројни договори, дополнително ги зајакнавме темелите на партнерството кое носи конкретни резултати за граѓаните на Србија и го менува лицето на нашата земја“, рече Вучиќ во објава на Инстаграм.

Посебно внимание за време на разговорот беше посветено на новите инвестиции, инфраструктурните проекти, енергетиката, индустрискиот развој, модерните технологии, вештачката интелигенција и дигиталниот сектор, како и на понатамошното зајакнување на трговската соработка меѓу двете земји.

Вучиќ потсети дека Србија и Кина го продолжуваат патот дефиниран пред две години во Белград, кога беше потпишана Заедничката изјава за продлабочување на сеопфатното стратешко партнерство и заедничка иднина во новата ера.

Според него, денешните договори за Србија претставуваат многу повеќе од формална дипломатија.

„Ова е потврда за искреното пријателство, меѓусебното почитување и довербата што нашите две земји ги градат и негуваат со години“, нагласи српскиот претседател.

Вучиќ особено го нагласи ставот на кинескиот претседател кон Србија и српскиот народ.

„Србија никогаш нема да ја заборави почитта што ни ја покажа претседателот Си Џинпинг, ниту сè што направи за нашиот народ. Србија ќе знае да го почитува и да го памети тоа“, рече Вучиќ.

Тагови: Александар Вучиќ Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. 

Утре сончево и топло со мала до умерена облачност

Ќе дува слаб до умерен ветер, во западните од западен, кој наместа повремено ќе засилува, а долж Повардарието и во источните делови од југоисточен правец.

Минималната температура ќе биде во интервал од 7 до 16, а максималната ќе достигне од 27 до 34 степени.

Во Скопје, сончево и топло со мала облачност. Ќе дува слаб до умерен ветер претежно од југоисточен правец. Минималната температура ќе се спушти до 13, а максималната ќе достигне до 34 степени.

Во текот на новата седмица ќе преовладува топло време. Во вторник ќе има локален развој на нестабилна облачност, а во среда на повеќе места се очекува нестабилно време со пороен дожд, грмежи и засилен ветер. Од четврток ќе преовладува сончево време со променлива облачност во текот на денот.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху му го честита 80-тиот роденден на Трамп: „Мирот доаѓа преку силата“

Израелскиот премиер Бенјамин Нетанјаху денес му го честиташе 80-тиот роденден на американскиот претседател Доналд Трамп со пораката дека „мирот доаѓа преку силата“.

Нетанјаху му го честита 80-тиот роденден на Трамп: „Мирот доаѓа преку силата“

„Среќен роденден, Доналд“, напиша Нетанјаху на мрежата „X“, истакнувајќи дека роденденот на Трамп оваа година доаѓа во „соодветно време“, кога „Америка, голема нација изградена врз слободата и верата слави 250 години слобода“.

Нетанјаху рече дека мирот доаѓа преку силата, што е можен коментар за новиот Меморандум за разбирање со Иран.

„Ви посакувам континуирана сила и енергија додека ја водите Америка кон светла иднина на мир постигнат преку силата и додека продолжуваме да го воздигнуваме сојузот САД-Израел на сè поголеми височини“, напиша Нетанјаху.

Тагови: Бенјамин Нетанјаху Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

КОВЗРГ ќе ја одбележи 40-годишнината од упокојувањето на Архиепископот Ангелариј

Настанот ќе се одржи во храмот „Свети великомаченик Димитриј“ во Скопје.

КОВЗРГ ќе ја одбележи 40-годишнината од упокојувањето на Архиепископот Ангелариј

Комисијата за односи со верските заедници и религиозни групи, во соработка со Македонската православна црква – Охридска архиепископија, на 15 јуни 2026 година ќе организира одбележување на 40-годишнината од упокојувањето на блаженоупокоениот Архиепископ охридски и македонски г.г. Ангелариј.

Настанот ќе се одржи во храмот „Свети великомаченик Димитриј“ во Скопје, каде што се наоѓа вечното почивалиште на Архиепископот Ангелариј, со почеток во 10:00 часот.

Во рамките на одбележувањето ќе биде отслужен помен со кој ќе чиноначалствува Неговото Блаженство, Архиепископот Охридски и Македонски и на Јустинијана Прима г.г. Стефан, во сослужение на архиереи и свештенство. По поменот е предвидено кратко обраќање на Поглаварот на Македонската православна црква – Охридска архиепископија, по што ќе следи полагање свежо цвеќе пред гробот на Архиепископот Ангелариј.

Одбележувањето претставува израз на почит кон животот, духовното дело и историското наследство на Архиепископот Ангелариј, кој со своето архипастирско служење остави значаен белег во современата историја на Македонската Православна Црква.

Тагови: КОВЗРГ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер