Балкан

Вучиќ и Херцог раговараа за потпишување на Договор за слободна трговија

Српскиот претседател Александар Вучиќ по средбата со израелскиот претседател Исак Херцог денес во Белград изјави дека е горд што во Србија нема изливи на антисемитизам.

На средбата е разговарано за потпишување на Договор за слободна трговија. Исак Херцог порача дека Израел е во борба и порача дека целиот свет треба да се спротивстави на теророт, јави дописникот на МИА од Белград.

-Денеска разговаравме за сите важни прашања за меѓусебната соработка на нашите две земји и за тоа што се договоривме, а ќе видите подоцна и по нашата голема и важна средба поврзана со иновациите, технологијата, вештачката интелигенција, ИКТ секторот, потпишувањето на неколку договори. За нас е исклучително важно што поскоро да склучиме договор за слободна трговија со Израел, рече Вучиќ во своето обраќање.

Тој истакна дека е горд што во Белград и во Србија нема изливи на антисемитизам и дека еврејската заедница се чувствува безбедно, како и сите гости спортисти и културни работници.

-Денеска го информирав претседателот Херцег за се што се случува на Косово и Метохија и зборував за потребата да се почитува меѓународното јавно право, Повелбата на ОН ...зборувавме за тоа, исто како што претседателот Херцег ме запозна со ситуацијата во Израел и Блискиот Исток во целина и многу внимателно го слушав, изјави Вучиќ.

Тој додаде дека со Херцог разговарале и за војната во Европа, Украина и Русија, како и дека му се заблагодарил на Израел што не ја поддржал резолуцијата за Сребреница за време на гласањето во ОН, а на претседателот на Израел му порачал дека Евреите се пријателски народ на Србите.

Вучиќ по средбата со Херцог изјави дека со него разговарал и како да се обиде да го спаси животот на израелскиот и српскиот државјанин Алон Охел.

Претседателот на Израел Исак Херцог изјави дека за жал Израел е во борби и порача дека целиот свет треба да застане против теророт. Тој се заблагодари за искрениот пречек.

-Можеме да се потсетиме на моментите кои ги прживеавме заедно, го осудивте киднапирањето заложници од страна на Хамас, рече Херцог и посочи дека двете земји имаат бескрајни можности за соработка.

Израелскиот претседател Исак Херцог му се заблагодари на претседателот Вучиќ за неговото емотивно спомнување на израелските заложници. Тој ја покани мајката на Алон Охел да се фотографира со нив.

Алон Охел, млад човек кој има двојно српско-израелско државјанство, е еден од заложниците што Хамас ги држи во Газа речиси една година. Како талентиран пијанист, тој беше киднапиран од музички фестивал во октомври, само неколку недели пред да планираше да ја посети Србија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Се преврте камион со азотна киселина-издадено предупредување за екстремна опасност! – „БЕГАЈТЕ ВЕДНАШ!“

Камион што превезувал азотна киселина се превртел во текот на ноќта на автопатот А57, во близина на градот Крефелд во западна Германија.

Притоа дошло до истекување на опасната материја, поради што властите издадоа предупредување за екстремна опасност и наложија затворање на одредени училишта и градинки за тој ден. Возачот на камионот е повреден во несреќата и пренесен е во болница, изјави портпаролот на противпожарната служба, пренесува „Шпигел“.

Надлежните служби го предупредија населението за сериозни здравствени ризици поради ослободувањето на азотна киселина, која има исклучително корозивни својства.

Преку системот за итно предупредување „Нино“ (Nino), граѓаните беа известени за највисокото ниво на опасност, со совет веднаш да побараат засолниште во затворени простории, да ги затворат прозорците и вратите, како и да ги исклучат уредите за вентилација и климатизација.

Поради инцидентот, железничкиот сообраќај во тој дел од покраината Северна Рајна-Вестфалија беше делумно во прекин.

Во интервенцијата учествуваат околу 150 припадници на противпожарната служба, кои работат на запирање на истекувањето и преточување на киселината од камионот.

Ангажирани се и специјализирани единици за интервенции во случаи на опасни материи. Просторот околу местото на несреќата е обезбеден во радиус од еден километар.

Азотната киселина е една од важните индустриски хемикалии и, меѓу другото, се користи во производството на вештачки ѓубрива и експлозиви. Во случај на неконтролирано истекување, таа може да претставува сериозна опасност за здравјето на луѓето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Институциите да постапат за скандалот со објектот во Влае за кој Пендаровски призна дека е на Муслиу

Случајот со изградбата на објектот во Влае за кој Пендаровски призна дека е на неговиот близок соработник Еролд Муслиу заслужува конкретни одговори.

Стево Пендаровски треба јавно да објасни што точно знае за овој објект, каква е неговата поврзаност со Муслиу и зошто овој случај отвора сомнежи за можен судир на интереси.

Прашањето е од каде потекнуваат средствата за ваква инвестиција?

Дали имотната состојба и пријавените приходи на Муслиу соодветствуваат со вредноста на инвестицијата? Дали се пријавени сите деловни интереси и дали постојат евентуални недозволени поврзаности од времето кога ја извршувал јавната функција?

Муслиу да каже дали може да го објасни потеклото на средствата за изградбата. Да се провери имотна состојба и пријавените приходи.

Неопходно е да се испита дали постои судир на интереси или поврзаност со неговото претходно службено работење.

Надлежните институции да извршат проверка на документацијата, финансирањето и законитоста на инвестицијата.

Јавното обвинителство и Државната комисија за спречување на корупцијата не смеат да останат неми набљудувачи.

Граѓаните имаат право да знаат дали луѓето кои извршувале високи јавни функции можат да го оправдаат своето богатство со законски стекнати приходи.

Нема недопирливи. Нема привилегирани. Законите мора да важат подеднакво за сите.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Голден Стејт подготвува максимален договор за Никола Јокиќ

Поранешниот НБА шампион, Голден Стејт Вориорс би можеле значително да го променат тимот за следната сезона, бидејќи планираат да доведат многу кошаркари, а еден од нив би можел да биде Никола Јокиќ.

Голден Стејт ја следи ситуацијата околу најдобриот светски центар, Никола Јокиќ и се надева дека српскиот ас би можел да биде достапен следното лето, тврди НБА новинарот Џејк Фишер.

„Вориорси се меѓу тимовите што прашуваат: ’Дали сме сигурни дека Никола Јокиќ нема да биде достапен следното лето?‘. Тие се надеваат дека ќе имаат доволно простор во буџетот за максимален договор, а го имаат и Стеф Кари“, изјави Фишер.

Тој се повика на лице запознаено со ситуацијата во клубот, според кое „Вориорс“ сè уште веруваат дека можат да доведат голема ѕвезда. Како пример го наведе Џими Батлер, чие доаѓање – според него – било на добар пат пред тој да се повреди.

„Не успеаја да го доведат Јанис Адетокунмбо, а Кевин Дурант не сакаше да се врати кога се разговараше за тоа кон крајот на еден од претходните преодни рокови. Сепак, тие сè уште веруваат дека следното лето можат да доведат големо име, било преку размена или на пазарот на слободни играчи“, додаде Фишер. Фишер не спомна никаква понуда или преговори во врска со Јокиќ. Засега, станува збор само за тоа дека „Голден Стејт“ ја следи можноста за отворање на таква прилика.

„Голден Стејт Вориорс“ сериозно сметаат на можноста трикратниот МВП да го напушти Денвер, а во Сан Франциско веруваат дека присуството на Стеф Кари би можело да биде одлучувачки адут во нивниот обид да го доведат најдобриот центар на денешницата. Србинот во повеќе наврати изјави дека сака да остане во Колорадо, но прашање е колку долго ќе има трпение доколку „Нагетс“ не состават тим способен да се бори за титулата!

Тагови: НБА Никола Јокиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.