Додека повеќето луѓе би го преместиле мебелот или би ги промениле завесите, Војин Кушиќ од Србац, Босна и Херцеговина, решил да направи нешто што ретко кој би го замислил – изградил куќа што ротира околу својата оска, за неговата сопруга секогаш да може да го избере погледот што најмногу ѝ се допаѓа.

„Се уморив од нејзините поплаки и постојаното преуредување на нашата семејна куќа, па ѝ реков: Ќе ти изградам куќа што ќе можеш да ја вртиш како што сакаш“, изјавил Кушиќ за Ројтерс во 2021 година. Неговата необична приказна тогаш го обиколи светот.

Од постојано рушење ѕидови до неверојатна идеја

По изградбата на семејната куќа, сопругата не била задоволна од распоредот на просториите. Војин прво рушел и преградувал ѕидови на горниот кат, потоа и во приземјето, но промените никогаш не биле доволни.

Тогаш добил идеја која целосно му го променила животот – да изгради куќа што ќе може да се врти.

Кога им ја претставил идејата на градежници и проектанти, никој не сакал да се впушти во таков проект. Наместо да се откаже, решил сам да ја реализира.

фОТО: youtube/PIXSELL

Куќа што за 22 секунди го менува целиот поглед

Куќата е изградена во рамнината кај вливот на реката Врбас во Сава и може да ротира со различна брзина.

При најбавното движење прави цел круг за 24 часа, а при најбрзото – за само 22 секунди.

Тоа значи дека за неколку моменти погледот може да се смени од полиња со пченка, кон шума, па кон река.

Бидејќи и влезната врата ротира заедно со куќата, Војин на шега вели дека, ако пристигнат непосакувани гости, доволно е само да ја свртат куќата на другата страна.

Целата куќа ја носел во својата глава

Најневеројатниот дел од приказната е што Војин никогаш не направил проект на хартија. Целиот механизам го осмислил во својата глава.

Кога поради срцеви проблеми завршил во болница, го замолил лекарот да му помогне да издржи барем уште една година.

„Ако се исклучи компјутерот во мојата глава, никој нема да знае како да ја доврши куќата“, рекол тогаш.

Изградбата траела околу шест години. Многу делови пронашол на отпад, а механизмот за ротирање, според регионалните медиуми, користи валјаци од воен транспортер.

фОТО: youtube/PIXSELL

Инспирацијата ја пронашол кај Тесла и Пупин

Кушиќ вели дека отсекогаш му се восхитувал на Никола Тесла и Михајло Пупин. Бидејќи пораснал во сиромашно семејство и немал можност за високо образование, самиот научил да конструира и поправа различни механизми.

„Ова не е некаква голема иновација. Потребни се само волја, знаење и многу трпение“, вели скромно.

Иако можел да ја патентира својата идеја, решил тоа да не го направи. Наместо тоа, со задоволство ги пречекува сите што сакаат да ја посетат неговата необична куќа и да видат како функционира.

А сопругата, која несвесно ја инспирирала оваа необична градба? Таа никогаш јавно не ја коментирала куќата. Очигледно, некои работи остануваат само нејзина тајна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Владата на Христијан Мицкоски не направи ништо и не воведе мерки кои би го ублажиле ударот врз граѓаните.

Без разлика дали тоа е поради неспособност или намерно - граѓаните сепак ја плаќаат цената.

За 10 илјади денари е поскапена синдикалната кошничка за последните 2 години и надмина 70.000 денари.

Граѓаните со празни џебови и празни фрижидери не можат да врзат крај со крај во месецот а Мицкоски наместо да ја смени политиката и да преземе мерки сака да ја смени пресметката.

Само манипулации му се во главата.

Сега новото поскапување на горивата ќе донесе нов бран поскапувања на храната, поради тоа што поскап транспорт значи и повисоки трошоци за компаниите.

Тоа значи граѓаните ќе продолжат да ја плаќаат цената, затоа што оваа Влада нема ниту план, ниту волја да го сопре економскиот пад.

Мицкоски најавуваше проверка на трговските ланци, јавно изјави дека знае но нема да каже.

Значи сè кај Мицкоски е фарса. Сè е лага.

Економијата е во колапс, буџетот е празен, а наскоро нема да има пари ниту за пензии.

Понеспособна влада во историјата на Македонија досега немало.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тоа што не се донесе Изборниот законик е доказ дека СДС, Левица и ДУИ, го блокираат напредокот на државата, а политичките игри им се пред интересот на граѓаните.

Недонесувањето на новиот Изборен законик е уште еден доказ дека СДС, Левица и ДУИ се подготвени да го блокираат секој процес што значи напредок за државата, само заради сопствени политички интереси.

Изборниот законик не е прашање на дневна политика, туку важен реформски процес. Неговото донесување е потребно за усогласување со препораките на ОБСЕ/ОДИХР, за исполнување на обврските од Реформската агенда и за обезбедување дополнителен напредок и придобивки за граѓаните.

Македонија успешно реализираше 9 од 10 реформи од Реформската агенда. Единствената пречка е блокадата предводена од СДС, Левица и ДУИ.

Однесувањето на СДС, ДУИ и Левица покажува дека кога имаат можност, наместо да работат за државните интереси, избираат опструкции и политички калкулации. За нив поважна е партиската стратегија отколку напредокот на Македонија и придобивките за граѓаните.

СДС, ДУИ и Левица наместо да преземат одговорност и да придонесат за донесување на закон што е во интерес на сите, тие се обидуваат да создадат политичка драма и да се претставуваат како жртви.

Граѓаните треба да знаат кој го кочи развојот и кој работи против реформите. Пропуштената можност за навремено усвојување на Изборниот законик значи и ризик од губење на дополнителни средства и можности од Планот за раст.

Политичките игри на СДС, ДУИ и Левица нема да го спречат патот на реформите. Владата на ВМРО-ДПМНЕ ќе продолжи да работи за напредокот на државата, а одговорноста за блокадите останува кај оние што ги предизвикуваат.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.