Македонија

Врие во Филхармонија поради изборот на новиот директор, Љутков тврди дека е согаласно закон

Поставувањето на Мустафа Имери за нов директор на македонска Филхармонија ги револтираше вработените во оваа културна установа.

Од Синдикатот на Филхармонија се гневни затоа што како што велат, Имери е политички договор на власта. Најавуваат и кривична одговорноста против министерот за култура Љутков.

-Непочитувањето на системот и законите и носењето погрешни одлуки во минатото веќе не чинеа прескапо. Вработените во Македонска филхармонија нема да дозволат најстарата институција во културата и бастион на класичната музика во нашата земја да биде уште една жртва на трулиот државен систем без вредности кој не почитува закони и промовира непрофесионалност. - Синдикат на Филхармонија

Во следниот период вработените велат дека ќе преземат поригорозни чекори.

-После концертот „Без зборови“ кој има хуманитарен карактер за настраданите од Кочани и е закажан за во четврток, вработените во Филхармонија заминуваат на бојкот. Веќе од наредниот период планираат и протести

Министерот Љутков пак за Канал 5 тврди дека конкурсот бил транспарентен, додавајќи дека Имери е компетентен за директорската функција.

Во изминатиот период, вработените во Филхармонија неколкупати протестираа пред Министерството за култура, револтирани против промените во нивната институција.

Рецепти

„Гответе со Дракче“ - Тортилја пица

Во среда (23.04.2025) во емисијата гостин ни бeше Јелена Спенџарска

Состојки за денешниот рецепт:

1 мала тортилја

2 јајца

1 ќесичка „бејби“ спанаќ

5 - 6 шери доматчиња

150 гр. рендан кашкавал

Погледнете како се подготвува овој рецепт:

Фудбал

Астон вила е заинтересирана за Кевин Де Брујне

Астон вила остварила преговори со застапниците на фудбалерот од средниот ред на Манчестер сити, Кевин Де Брујне, пишува „Sky Sports“.

На почетокот на април, 33-годишниот Белгиец најави дека на лето ќе го напушти Сити, каде што играше од 2015 година.

Де Брујне оваа сезона одигра 35 натпревари во сите натпреварувања, постигна пет голови и осум асистенции.

На четири кола пред крајот на сезоната во англиската фудбалска Премиер лига, Астон вила има 57 бодови и е во конкуренција за освојување место кое води во Лигата на шампионите следната сезона.

Тагови: Манчестер сити

Автомобилизам

Продажбата на „Тесла“ на пазарот на ЕУ со пад од 45 отсто

Продажбата на „Тесла“ на пазарот на ЕУ продолжи да паѓа во првиот квартал од 2025 година, со намалени регистрации за 45 отсто на годишно ниво, покажаа податоците на Европската асоцијација на производители на автомобили (ACEA).

Во ЕУ, бројот на регистрирани возила на „Тесла“ падна на 36.167 во споредба со 65.774 во првите три месеци од 2024 година, што е најголем релативен пад во тој период меѓу големите производители на автомобили.

Продажбата на „Тесла“ во Европската унија падна за 36 отсто во март во споредба со март 2024 година.

Тоа е продолжување на негативниот тренд за американскиот производител на автомобили во сопственост на милијардерот Илон Маск, иако падот е малку забавен во однос на почетокот на годината.

Помеѓу јануари и февруари, регистрациите паднаа за 49 отсто на годишно ниво.

Групацијата Фолксваген забележа благ пораст од речиси 5 отсто, додека БМВ забележа скромен пораст од 0,4 отсто. Мерцедес-Бенц, пак, забележа пад од 6,2 отсто.

Севкупно, регистрациите на нови автомобили во Европската унија се намалија за 1,9 отсто во првиот квартал, иако електричните возила (ЕВ) забележаа раст од 23,9 отсто, достигнувајќи пазарен удел од 15,2 отсто.

Регистрациите на електрични автомобили значително се зголемија во март во Германија, Белгија и Данска, а почнуваат да се зголемуваат во Шпанија и Италија, кои заостануваат далеку зад нивните европски соседи.

Од друга страна, тие се намалија во Франција (-14 отсто во однос на март 2024 година), каде се уште се чувствуваат ефектите од намалувањето на еколошкиот бонус.

Сигрид де Врис, генерален директор на ACEA, смета дека овој напредок во електричните возила во Европската унија не е доволен за автомобилското лоби, што укажува на „цврстиот јаз меѓу амбициозните цели за декарбонизација и реалноста на побавно од очекуваното прифаќање од страна на потрошувачите“.

Тагови: ЕУ тесла