Врховниот суд ѝ го одзеде стрателството на Северина врз синот: Моето дете не е вреќа компири - Канал 5

Шоу биз

Врховниот суд ѝ го одзеде стрателството на Северина врз синот: Моето дете не е вреќа компири

На хрватската ѕвезда Северина Вучковиќ ѝ е одземено старателството над синот Александар (11).

Врховниот суд ѝ го одзеде стрателството на Северина врз синот: Моето дете не е вреќа компири

Врховниот суд ја поништи пресудата на Жупанискиот суд во Сплит и ја поништи одлуката Северина да има заедничко старателство над синот Александар со нејзиниот поранешен сопруг Милан Поповиќ.

Врховниот суд во Хрватска целосно му го врати стрателството на таткото на Александар, пишува Национал и таа одлука ќе стапи во сила веднаш.

Оваа одлука ја потресе Северина:

- Сега врховните судии ја дадоа својата пресуда. Кренаа рака во името на моето дете кое никогаш не го виделе, со кое никогаш не разговарале, кое има свој живот, свои мисли и кое десет години ја трпи тортурата на системот, а јас заедно со него. Не сакам сега да барам неправилности во одлуките на Врховниот суд, не сакам повеќе да барам никакви неправилности, особено оние кои беа изнесени против правната практика на Уставниот суд, како што вели мојот адвокат. Ама ќе се борам до последна капка крв за моето дете без кое бев 20 месеци, нема да си играте со моето дете. Со кое право? Моето дете не е вреќа компири со која ќе тргувате - изјави Северина за Вечерњи лист.

Пејачката потоа на социјалната мрежа Инстаграм ги објави најтрогателните моменти со својот син.

Таа објави фотографии кога Александар бил бебе, а тој се топи во прегратките на мајка си и ѝ го „гризе“ образот, а насмевките на нивните лица покажаа колку љубов има меѓу нив.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Зошто не треба да спиете голи во лето?

Кога температурите остануваат високи ноќе, спиењето без облека изгледа како најлесниот начин да се разладите.

Зошто не треба да спиете голи во лето?

Сепак, Џулиус Патрик, кој се бави со физиологија на спиењето, предупредува дека лесната облека може да биде подобар избор.

„Иако е примамливо да спиете без облека за да се разладите, ова може да го влоши вашиот сон. Кога спиете голи, потта останува на вашата кожа“, рече Патрик. Затоа препорачува лесна облека за спиење. „Ако носите лесна облека, таа ја апсорбира потта и затоа може поефикасно да ве разлади“, објасни тој.

Важно е да се запомни дека температурата на вашето тело природно паѓа во текот на ноќта, па она што се чувствува удобно на почетокот на спиењето подоцна може да стане премногу ладно.

Како полесно да заспиете кога е жешко

Еден од првите чекори е да спречите вашата спална соба да стане премногу жешка во текот на денот. Затоа е добра идеја да ги затворите завесите или да ги спуштите ролетните кога е најжешко надвор. Ако е постудено надвор отколку внатре ноќе, отворете ги прозорците и обидете се да создадете провев. Ова може да помогне да се олади просторијата пред да си легнете.

Не мора да се откажете ниту од целата постелнина. Патрик препорачува да имате при рака лесен памучен чаршаф, бидејќи може да ја апсорбира потта. Дебел јорган не е неопходен во топлите ноќи, но тенок чаршаф може да биде корисен.

И туширањето може да помогне

Патрик, исто така, препорачува брзо туширање пред спиење. Не мора да биде ладно - некои луѓе може да сметаат дека топол туш или када се поудобни. Тој вели дека топол туш може да помогне во намалувањето на телесната температура, што може да ви помогне полесно да заспиете и да останете заспани подолго.

Значи, ако ви е премногу топло во жешка ноќ, спиењето голи не е вашата единствена опција. Лесна облека, пространа памучна постелнина, ладна соба и туширање пред спиење можат да бидат едноставни начини да ви помогнат да се справите со топлината.

Фото: ВИ

Извор: Индекс.хр

Тагови: спиење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Два инциденти за помалку од 24 часа: Уште еден воз излета од шините во Англија

Патнички воз во Есекс, источна Англија, излета од шините денес, помалку од 24 часа откако во сличен инцидент во воз на релација Лондон-Истборн беа повредени 20 лица.

Два инциденти за помалку од 24 часа: Уште еден воз излета од шините во Англија

Според фотографиите од местото на настанот, возот со девет вагони излетал од шините и удрил во надземна жичана греда кога застанал, објавува Телеграф.

Излетувањето од шините се случило само неколку часа откако лидерите во индустријата инсистирале дека железниците се безбедни за употреба во топло време.

Инцидентот се случил на најжешкиот ден во годината, кога температурите достигнале 38 степени Целзиусови.

Сликите од местото на несреќата покажуваат дека возот тргнувал од Саутенд Викторија кон Лондон Ливерпул Стрит во 13:51 часот.

Засега нема информации дали има повредени во инцидентот.

Тагови: Англија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Прекини на електричната енергија во четири азиски земји

Казахстан, Киргистан, Таџикистан и Узбекистан денес известија за прекини на електричната енергија, кои се случија „поради ненадејна промена во протокот на енергија“ од централноазиската мрежа, објави Министерството за енергетика на Казахстан.

Прекини на електричната енергија во четири азиски земји

Министерствата за енергија на сите четири земји, чии мрежи се меѓусебно поврзани, потврдија прекини на електричната енергија. Тие изјавија дека се работи на враќање на снабдувањето со електрична енергија.

Репортерите на Ројтерс во Алмати, најголемиот град во Казахстан, и Бишкек, главниот град на Киргистан, известија за прекини на електричната енергија. Локалните медиуми во Таџикистан известија за прекини во главниот град Душанбе и вториот по големина град Хуџанд.

Прекините на електричната енергија се чести во Централна Азија

Узбекистанските власти известија за прекини на електричната енергија во некои јужни делови од земјата, главно во близина на границата со Таџикистан.

Недостатокот на електрична енергија е честа појава во Централна Азија, каде што традиционалното потпирање на хидроенергија предизвикува проблеми бидејќи климатските промени ги прават хидроцентралите ранливи на недостиг на вода.

Фото: ВИ

Тагови: Азија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер