Времето во кое ноќе се будите открива што не е добро во вашето тело

Во текот на 24 часа, телото дава различни енергии на различни органи.

Доколку константно се будите во исто време, тоа може да значи дека некои енергии се блокирани или погрешно насочени. Тоа ја нарушува вашата природна рамнотежа и циклус, а со тоа се нарушува и здравјето на органите. На вашите органи им е потребна енергија за да се излечите и функционирате.

Еве една листа која ја објаснува поврзаноста на времето и органите во телото. Многу од тие блокади треба да се разгледуваат и од физички, но и од емоционален аспект. Треба да размислите што и кога сте јаделе, затоа што тоа може да биде причина за вашите симптоми и причината заради која се будите среде ноќ.

21:00 – 23:00 часот

Тоа е просечното време кога поголемиот дел од луѓето се обидуваат да заспијат. Ова е времето кога нашиот ендокрин систем се ребалансира и се полни со ензими. Ендокриниот систем управува со хормоните и метаболизмот.

Доколку имате проблеми со спиење во овој период, вие се уште сте психички заглавени во настаните кои се случиле во текот на денот или се подготвувате за утрешните предизвици. Повторувајте позитивни мантри и ослободете се од причината која ви предизвикува напнатост. Доколку правилно не се храните или пак предоцна јадете, тоа може да доведе до блокади.

23:00 – 01:00 часот

Ако често се будите во овој период, тоа може да биде заради некои грижи и замерки кои ги носите во себе. Ова е време во циклусот од 24 часа кога енергијата „јин“ се претвора во „јанг“. „Јанг“ енергијата е многу активна, а оваа енергија телото треба да ја сочува за следниот ден. Зголемете ја љубовта и почитувањето кон самите себе, дајте се од себе да се смирите и да ја зачувате енергијата. Ова е време кога жолчниот меур ги разбива мастите. Можеби внесувате премногу нездрави масти.

01:00 – 03:00 часот

Ова е клучно време за детоксикација и процес на обновување. Вашиот црн дроб ги испушта отровите и создава свежа крв. Будење во ова време укажува на лутина, фрустрација и негативни мисли. Доколку не се ослободувате од овие духовни отрови, вашиот „духовен црн дроб“ се обидува да ви го привлече вашето внимание на овие проблем.

03:00 – 05:00 часот

Ова е време кога вашите бели дробови се опоравуваат и го опремуваат вашето дело со кислород. Проверете дали ви е доволно топло за да можете да ја олесните работата на телесните функции. Ако се разбудите за време на овој период, обидете се да правите вежби за дишење. Проблемите со белите дробови често се однесуваат и на некоја внатрешна болка и тага.

05:00 – 07:00 часот

Сите отрови кои се испуштени и разградени за време на ноќта излегуваат од системот. Дебелото црево е активно за време на овој период. Лошата исхрана или јадењето предоцна може да доведе до проблеми кои ќе ве разбудат во овој период.

Ѓоковиќ се уште не избрал нов тренер

 Српскиот тенисер Новак Ѓоковиќ изјави дека се уште не знае кој ќе му биде тренер. Пред тоа ја прекина соработката со Горан Иванишевиќ. Србинот истакна дека Хрватот е негова драга личност и нивното пријателство нема да заврши.

-Се уште не знам точно кој ќе биде новиот тренер и дали воопшто ќе има таков. Имам тренери уште од детството, сега се обидувам да се потпрам на моите чувства и самостојно да одлучувам што ми треба, што е позгодно за мене. Ако некој се приклучи на тимот, тоа ќе биде објавено, изјави Ѓоковиќ.

Ѓоковиќ и Иванишевиќ почнаа да соработуваат од 2018 година. Покрај Ѓоковиќ, Иванишевиќ беше тренер на Хрватот Марин Чилиќ, Чехот Томаш Бердих и Канаѓанецот Милан Раониќ.

Од 2018 година, Ѓоковиќ четири пати ги освои Австралија Опен и Вимблдон, како и Ролан Гарос и УС Опен по два пати. /МИА

Фифти Сент ќе бара самостојно старателство над синот

Американскиот рапер Фифти Сент ќе побара самостојно старателство над синот што го има со Дафне Џој, откако таа е посочна како наводна сексуална работничка во тужбата против музичарот Шон Комбс - „Диди“.

„Со оглед на најновите случувања и вести за вмешаноста на Дафне Џој во тужбата на Диди, Фифти Сент ќе бара самостојно старателство над неговиот син“, изјави извор близок до двојката за „Ју-ес викли“ (Us Weekly).

Портпаролот на Фифти рече дека нема коментар за овие наводи.

Раперот и Дафне беа во врска во 2011. и 2012 година. Тие се разделија набргу по раѓањето на нивниот син Сајр. По последните наводи, Фифти на својот интернет-простор објави фотографија од себе со пура и не многу пријателски коментар за поранешната девојка.

„Не знаев дека си сексуална работничка. Мала сексуална работничка. 'ЛОЛ'. Овие г**нарии се претворија во филм", напиша музичарот.

Според западните медиуми, во судските документи Дафне Џој е обвинета дека била вмешана како сексуална работничка, заедно со Јанг Мајами и Џејд Рејми, во наводниот синџир за секс-трговија на Диди. За нив, наводно, раперот „се фалел“ дека им плаќал „месечна стипендија“ за нивната сексуална работа./МИА

Индустриското производство во февруари зголемено за 0,3 отсто

Индустриското производство во февруари годинава во однос на истиот месец лани е поголемо за 0,3 отсто. 

Во периодот јануари – февруари 2024 година, пак, споредено со првите два месеца од 2023, растот изнесува 1,5 проценти, соопшти Државниот завод за статистика.

Гледано по сектори, индустриското производство во секторот Рударство и вадење на камен во февруари 2024 година, во однос на февруари 2023 година, бележи пораст од 5.6 %, во секторот Преработувачка индустрија бележи пораст од 0.8 %, а во секторот Снабдување со електрична енергија, гас, пареа и климатизација опаѓање од 14.5 %. Зголемувањето во секторот Преработувачка индустрија е резултат, пред сѐ, на зголеменото производство во следните оддели: Производство на прехранбени производи, Производство на текстил, Производство на хартија и производи од хартија, Производство на хемикалии и хемиски производи, Производство на основни фармацевтски производи и фармацевтски препарати, Производство на производи од гума и производи од пластични маси, Производство на електрична опрема, Производство на машини и уреди, неспоменати на друго место, Производство на моторни возила, приколки и полуприколки, Производство на останата опрема за транспорт, Производство на мебел, Останата производствена индустрија и Поправка и инсталирање на машини и опрема.

Според главните индустриски групи, производството во февруари 2024 година, во однос на февруари 2023 година, бележи пораст кај Интермедијарни производи, освен енергија за 5.9 %, Капитални производи за 4.8 % и Трајни производи за широка потрошувачка за 3.4 %, додека опаѓање бележи кај Енергија за 15.4 % и Нетрајни производи за широка потрошувачка за 5.9 %

притисни ентер