Во описот зошто се одбива, наведени се технички причини: во барањето не била наведена целосна формулација на називот на комисијата, придавката Северна била испуштена, но и во делот на потпис не го напишале името на претседателот на Собрание Талат Џафери. За корекција, Џафери им дава 15 дена. Пратениците од ВМРО ДПМНЕ пак го обвинија дека неосновано им го скратил правото за расправа на собраниска седница.
- Ако имаат доволно аргументи дека СЈО работело законито, дека Катица Јанева работела совесно, стручно и законски, ќе имаме расправа на дневен ред и на пленарната седница нека се изјаснат, нека гласаат воздржано или против, но нека не го скратуваат правото да се расправа за ова и да ги понудиме аргументите во таа насока,вели Антонио Милошоски – пратеник од ВМРО ДПМНЕ.
Од СДСМ остануваат на ставот дека не се исполнети условите за формирање на ваква комисија, со оглед што СЈО веќе не постои. Ако имаат доволно аргументи дека СЈО работело законито, дека Катица Јанева работела совесно, стручно и законски, ќе имаме расправа на дневен ред и на пленарната седница нека се изјаснат, нека гласаат воздржано или против, но нека не го скратуваат правото да се расправа за ова и да ги понудиме аргументите во таа насока. Велат дека пратениците имале можност да дебатираат двапати годишно кога СЈО доставуваше финансиски извештаи до Собрание, но тогаш не реагирале за ништо.
Инаку од опозициската партија освен проверка на тоа како СЈО за 4 години потрошило 15 милиони евра, бараат да се провери и начинот на кој се вработувале блиски роднини и пријатели. Најавија дека ќе инсистираат овие теми да се расправаат најпрво на собраниска седница, па потоа детално разгледани од анкетна комисија.