Вработените во Арсенал огорчени: Клубот им го наплатува патот за финалето на Лигата на шампионите - Канал 5

Фудбал

Вработените во Арсенал огорчени: Клубот им го наплатува патот за финалето на Лигата на шампионите

Вработените во Арсенал наводно се огорчени откако клубот им понудил пакет од 859 фунти за патување до финалето на Лигата на шампионите. 

Вработените во Арсенал огорчени: Клубот им го наплатува патот за финалето на Лигата на шампионите

„Топџиите“ ќе се соочат со актуелниот шампион ПСЖ во Будимпешта на 30 мај, во само второто финале на Лигата на шампионите во историјата на клубот, пишува „Дејли меил“.

Според „Телеграф“, на членовите на персоналот кои не работат директно на организацијата на финалето им е понуден по еден непренослив билет. Потоа клубот им понудил чартер летови по цена од 859 фунти, со назнака: „Доколку има слободни места, колегите што одат на финалето ќе можат да купат место на тие летови“.

Се вели дека неколкумина од персоналот биле запрепастени од цената на пакетот, кој вклучува лет од Лутон на денот на натпреварот и враќање на време за можна парада доколку трофејот биде освоен на 31 мај. Оние кои ќе одлучат да патуваат по свои аранжмани ризикуваат да ја пропуштат прославата, на која дел од персоналот би морал да работи.

Сосема различен пристап од ПСЖ

Таквиот пристап е во остра спротивност со потегот на противникот на Арсенал во финалето, ПСЖ, кој одлучи да ги покрие сите трошоци за патување и билети за сите свои вработени за да присуствуваат на натпреварот во Пушкаш Арената во Будимпешта. Францускиот шампион со тоа го повтори гестот од минатата година, кога исто така плати за патувањето на персоналот до финалето во Минхен, каде што ПСЖ убедливо го победи Интер Милан со 5:0.

Претседателот на ПСЖ, Насер Ал-Келаифи, им се обрати на персоналот во писмо: „Минатата година многумина од вас имаа можност да бидат во Минхен и да го поддржат тимот во финалето. Тоа беше моќен момент кој совршено го отелотвори заедништвото и чувството на припадност што го дефинира нашиот клуб.

Во истиот дух, за мене беше важно сите вработени повторно да добијат можност да бидат дел од последниот дел од нашето европско патување. Затоа би сакале да ги поканиме сите членови на персоналот да се приклучат на тимот во Будимпешта во оваа исклучителна пригода.“

Клучен крај на сезоната за „топџиите“

Арсенал се соочува со клучен крај на сезоната, бидејќи „топџиите“ се само на две победи од освојување на нивната прва англиска титула од 2004 година. Тимот на Микел Артета ќе ја обезбеди титулата ако ги победи Барнли дома и Кристал Палас на гости, по што ќе го насочи вниманието кон финалето на Лигата на шампионите во унгарската престолнина.

Тагови: Арсенал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Пристигнува долгоочекувана функција за „Windows 11“

Наскоро ќе можете да го видите статусот на батеријата на сите поврзани уреди директно на заклучениот екран и на таблата со виџети (Widgets Board).

Пристигнува долгоочекувана функција за „Windows 11“

Се чини дека „Microsoft“ работи на нов, корисен виџет за „Windows 11“ кој ќе го прикажува статусот на батеријата на вашиот уред, како и на сите безжични периферни уреди поврзани со вашиот компјутер. Спомнувања за овој виџет првпат беа забележани на „Discord“, во најновите пробни верзии (preview builds) на „Windows 11“, иако сè уште не изгледа дека е целосно функционален.

Новиот виџет за батерија ќе биде достапен на таблата со виџети во „Windows 11“, а ќе може да се постави и на самиот заклучен екран. Иако сè уште не е во функција, кодот и графичките елементи се веќе присутни во најновите верзии на системот, откривајќи како ќе функционира виџетот и како всушност ќе изгледа.

Виџетот поддржува и светли и темни режими на приказ и ќе ги прикажува уредите во вертикална листа, почнувајќи со батеријата на вашиот компјутер на самиот врв. Секој уред ќе има соодветна икона, заедно со неговото име и процентот на наполнетост на батеријата. Дополнително, виџетот ќе покажува кога уредот се полни и дали е вклучен или исклучен режимот за заштеда на енергија.

Се разбира, другите платформи со години имаат некаква форма на виџет за батерија. И „Android“ и „iOS“ имаат виџети што го прикажуваат нивото на батеријата за поврзаните додатоци, а „Windows 11“ сега го надополнува тој јаз со воведување на истата функционалност.

Новиот виџет за батерија ќе биде добредојдено дополнување на таблата со виџети – функција која многумина ја сметаа за главно бескорисна уште од нејзиното воведување во 2021 година. Иако некои апликации ја искористија, повеќето од нив не го сторија тоа.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Безбедни училишта“ и „Полицијата и учениците се дружат“ – превентивна активност на ОВР Македонски Брод

Во рамки на активноста, на учениците им беа поделени и едукативни материјали со содржини насочени кон подигнување на нивната свест за безбедно учество во сообраќајот.

„Безбедни училишта“ и „Полицијата и учениците се дружат“ – превентивна активност на ОВР Македонски Брод

Со почетокот на новата учебна година, полициски службеници од ОВР Македонски Брод вчера (11.09.2026) во основното училиште „Св. Климент Охридски“ во Македонски Брод и во основното училиште „Кемал Ататурк“ во село Пласница реализираа превентивна активност во рамки на проектите „Безбедни училишта“ и „Полицијата и учениците се дружат“.

Во непосредна комуникација со учениците, полициските службеници ги запознаа со основните правила и прописи во сообраќајот, со посебен акцент на безбедното движење на релација од домот до училиштето и обратно.

Во рамки на активноста, на учениците им беа поделени и едукативни материјали со содржини насочени кон подигнување на нивната свест за безбедно учество во сообраќајот.

Тагови: Македонски Брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода девет лица за „безобѕирно управување со возило“

Во текот на изминатото деноноќие, на територијата на целата држава, полициски службеници лишија од слобода девет возачи поради „безобѕирно управување со возило“.

Лишени од слобода девет лица за „безобѕирно управување со возило“

Четворица од возачите управувале возило под дејство на алкохол, и тоа од Куманово, Скопје и Делчево. Кај еден од нив, кој управувал мотоцикл, биле измерени 2,37 промили алкохол во крвта.

Четворица возачи управувале возило без положен возачки испит, од Гостивар, Тетово, Куманово и Скопје. Меѓу нив е и малолетник од Гостивар, додека возачот од Тетово управувал мопед без положен возачки испит.

Еден возач од Виница управувал возило и покрај тоа што имал активна забрана за управување со моторно возило.

По целосно документирање на случаите, ќе бидат поднесени соодветни кривични пријави.

Министерството за внатрешни работи продолжува со засилените сообраќајни контроли, со цел навремено санкционирање на возачите кои со своето однесување ја загрозуваат безбедноста во сообраќајот. Почитувањето на сообраќајните правила и прописи, како и одговорното однесување на секој учесник во сообраќајот, се клучни за спречување на сообраќајни незгоди и за поголема безбедност на сите.

Тагови: безобѕирно возење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер