Вработена мајка ужива додека претура по контејнери: Не сум сиромашна, наоѓам богатства (ВИДЕО) - Канал 5

Живот

Вработена мајка ужива додека претура по контејнери: Не сум сиромашна, наоѓам богатства (ВИДЕО)

Џенифер Лерас (40) од Балтимор е вработена мајка која води сопствена маркетинг фирма и заработува пристојно.

Вработена мајка ужива додека претура по контејнери: Не сум сиромашна, наоѓам богатства (ВИДЕО)

Но, таа има една малку необична навика која ја стекнала во помладите денови. Џенифер обожава да претура по контејнери, односно туѓо ѓубре, но не да „собере“, туку тоа го прави со благородна цел.

Сѐ започнало за време на факултетот, кога професор по уметност им предложил на студентите да бараат интересни материјали во контејнерите.

Денес, таа е мајка на тинејџери, се грижи за нив, но сепак наоѓа време да ги прегледа контејнерите.

Џенифер тврди дека открила несакано богатство „вредно најмалку два милиони долари“, пренесува New York Post.

@eldestmillenial Just an after holiday jackpot! Such a huge waste. #donatedontdump #dumpsterdiving ♬ original sound - Jennifer

„Ги проверувам контејнерите еднаш неделно, кога одам на работа. Забавно ми е, како лов на богатство. „Понекогаш пронајдените работи треба да се исчистат или поправат, но тоа не е непријатност“, објаснува жената.

Важно е да се истакне дека најголемиот дел од „уловот“, како неносена или сочувана облека, училишен прибор, храна која не се расипува Џенифер го донира во социјалните институции, потоа во училиштата и библиотеките.

„Кога ќе размислам за тоа што најдов, сигурно вредеше најмалку 100.000 долари годишно“, истакна таа.

Така „спасила“ скапи правосмукалки, домашни безбедносни системи, накит, дизајнерски чанти, скап кујнски прибор...

Џенифер признава дека претресувањето на контејнери не е за секого, особено затоа што е нелегално во некои држави.

@eldestmillenial The dumpster dive that broke me. I cried in my truck because stores would rather trash toys than help children. Sorry im winded, it was hard. #dumpsterdiving #donatedontdump ♬ original sound - Jennifer

„Но, не во Мериленд, каде што прописите се порелаксирани“, рече таа.

Екстравагантноста што ја забележува понекогаш ја остава без зборови.

„Еднаш најдов контејнер полн со детски уметнички материјали. Тоа ме погоди. Продавниците можеле да ги донираат, а не да ги фрлат во контејнерот“, посочува на крајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски: Во Гостивар има техничка вода, но за пиење и подготвување на храна уште да се користи флаширана

По повеќеркатни испитувања на водата во Гостивар, анализите покажвуаат дека конечно водата може да се користи како техничка вода – ќе може да се користи за капење и сите останати домаќински потреби.

Тошковски: Во Гостивар има техничка вода, но за пиење и подготвување на храна уште да се користи флаширана

По повеќеркатни испитувања на водата во Гостивар, анализите покажвуаат дека конечно водата може да се користи како техничка вода – ќе може да се користи за капење и сите останати домаќински потреби, но не и за пиење, ниту пак за подготвување на храна. Ова на прес конференција го кажа министерот за внатрешни работи, Панче Тошковски, кој посочи дека ќе се продолжи со обезбедување на флаширана вода за пиење.

„Во координација сме со Општината во делот на сето она кое треба да се преземе понатаму. Сакам лично да изразам благодарност, прво на гостиварчани за нивното разбирање, потоа и на сите експерти кои помогнаа да дојдеме до оваа фаза, техничка вода. Се надевам до сите одговорни во рамки на опшините, се надевам дека ова ќе биде за памет и дека ќе постапуваат максимално професионално и во делот на квалитетот на водата, затоа што играње со здравјето на граѓаните нема“, рече Тошковски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украинците ги нападнаа руските градови Ростов и Белгород- има загинати (ВИДЕО)

Украински беспилотни летала го нападнаа рускиот пограничен регион Белгород и градовите во јужна Русија во текот на ноќта, објавија локалните власти и каналите што ги следат воените настани.

Украинците ги нападнаа руските градови Ростов и Белгород- има загинати (ВИДЕО)

Оперативниот штаб на регионот Белгород објави на Телеграм дека 12 лица се повредени во Белгород. Во нападот беа запалени станбена зграда и 15 паркирани автомобили. „Покрај тоа, една куќа беше делумно уништена, а неколку станбени згради беа оштетени“, објави штабот.

Регионот Белгород се наоѓа по должината на границата со Украина, а градот Белгород е оддалечен само околу 27 километри од североисточниот дел на Украина.

Експлозии и во градот на брегот на Азовското Море

Подоцна во текот на ноќта, експлозии одекнаа и во јужниот руски град Ростов на Дон, објави Телеграм каналот Егзиленова Плус.

Градоначалникот на Ростов на Дон, Александар Скрјабин, го потврди украинскиот напад и рече дека една станбена зграда е оштетена. Гувернерот на регионот Ростов, Јуриј Сљусар, рече дека две лица се убиени во градот, додека уште пет се повредени. Тој додаде дека во нападите биле запалени магацини и неколку куќи.

„Две лица, брачна двојка, беа убиени во Ростов на Дон. Пет лица беа повредени, од кои двајца во тешка состојба, вклучувајќи и тинејџер. Прозорци беа скршени во неколку куќи, како и на горните катови од станбена зграда и социјален објект“, рече Шљусар.

Експлозии беа пријавени и во крајбрежниот град Таганрог на брегот на Азовското Море, според каналот на Телеграм Супернова Плус.

Тагови: Ростов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со шпанскиот државен секретар за ЕУ, Фернандо Мариано Сампедро Маркос

Министерот за надворешни работи и надворешна трговија, Тимчо Муцунски, денеска оствари средба со Фернандо Мариано Сампедро Маркос, државен секретар за ЕУ во Министерството за надворешни работи, ЕУ и соработка на Шпанија.

Средба на министерот Муцунски со шпанскиот државен секретар за ЕУ, Фернандо Мариано Сампедро Маркос

Во фокусот на разговорите беа европската интеграција на Македонија и актуелните случувања во процесот на проширување на Европската Унија. Министерот Муцунски изрази благодарност за доследната и принципиелна поддршка од Шпанија за европската перспектива на земјата, како и за нејзината посветеност проширувањето да остане меѓу стратешките приоритети на Унијата.

Муцунски ја нагласи важноста од блиска соработка и координација со Шпанија во претстојните дискусии за иднината на политиката на проширување.

„Процесот на пристапување мора да остане кредибилен, предвидлив, еднаков за сите и заснован на заслуги, со јасна крајна цел – полноправно членство во ЕУ, паралелно со унапредувањето на практичните форми на постепена интеграција“, истакна министерот.

Воедно, тој го информираше соговорникот за резултатите од спроведувањето на Реформската агенда и за посветеноста на Владата кон доследно спроведување на европските вредности и стандарди на национално ниво.

Соговорниците ја потврдија важноста од натамошно продлабочување на билатералната соработка во рамките на европските процеси, како и неопходноста од зачувување на кредибилитетот на политиката на проширување и забрзување на пристапниот процес на земјата, соопшти МНРиНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер