Возачите доживуваат паника на најдолгиот мост на светот- преминот трае до 30 минути - Канал 5

Живот

Возачите доживуваат паника на најдолгиот мост на светот- преминот трае до 30 минути

 На прв поглед, обичната сообраќајница над вода се претвора во вистински тест за нервите на многу возачи. Причините стануваат јасни дури кога ќе се тргне по мостот.

Возачите доживуваат паника на најдолгиот мост на светот- преминот трае до 30 минути

Станува збор за Лејк Поншартрен Козвеј (Lake Pontchartrain Causeway) во американската сојузна држава Луизијана - најдолгиот континуиран мост над вода на планетата, долг речиси 39 километри. Мостот ги поврзува местата Метари и Мандевил, а неговата изградба започнала среде минатиот век за побрза и поефикасна врска преку езерото Понтчартрејн. И покрај импресивната должина, мостот бил завршен за само 14 месеци, што го сместува меѓу најголемите инженерски достигнувања. Секоја година преку него поминуваат околу 12 милиони возила. Возењето во нормални услови трае околу 30 минути, а јужниот коловоз e патарина. Безбедноста ја следат специјални единици- „Козвеј полиција“ (“Causeway Police”) и „Патролa за помош на возачи“ (“Motorist Assistance Patrol”), кои интервенираат при сообраќајни незгоди, густа магла или ако возачите не можат да продолжат поради страв.

До 2011 година мостот држел Гинисов рекорд како најдолгиот мост над вода, а и ден денес важи за најдолгиот мост над вода. Возачите опишуваат дека преминот е особено непријатен кога копното целосно исчезнува од видик, создавајќи чувство на изолација и дезориентација. Некои доживуваат напади на паника, особено за време на густа магла или бури. Но и покрај стравот што го предизвикува, за дел од луѓето поминувањето по мостот е секојдневна рутина. Еден од вочите се присетил дека како дете возењето преку мостот при зајдисонце му изгледало како пат кон крајот на светот, додека денес тоа му претставува само половина час од вообичаениот ден. На мостот постојат точки за свртување, но до нив се стигнува само со полициска придружба.

Тагови: мост

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер