Вооружен маж е убиен откако со возило влетал во синагога во Вест Блумфилд, во околината на Детроит - Канал 5

Вооружен маж е убиен откако со возило влетал во синагога во Вест Блумфилд, во околината на Детроит

Полицијата на државата Мичиген денеска извести за инцидент со пукање во синагогата Темпл Израел, во Вест Блумфилд, Мичиген, а таа се наоѓа на местото на настанот.

Вооружен маж е убиен откако со возило влетал во синагога во Вест Блумфилд, во околината на Детроит

Американските медиуми дознаваат дека маж вооружен со пушка влетал со возило во најголемата реформска синагога во САД, во предградието на Детроит, и дека обезбедувањето го убило.

Возилото се запали кога влета во синагогата Темпл Израел во Вест Блумфилд, рече лице запознаено со случајот кое не сакаше да биде именувано.

Истражителите сè уште работат на идентификување на напаѓачот и утврдување на можниот мотив за нападот. Извори наведуваат дека дека истрагата е сè уште во рана фаза.

Обезбедувањето во синагога во близина на Детроит разменило оган со најмалку едно лице денеска, рече шерифот.

Локалната телевизија објави дека камионот влетал во синагогата Темпл Израел во Вест Блумфилд.

Телевизиските снимки покажуваат чад како се крева од покривот на синагогата. Снимките од местото на настанот покажуваат десетици полициски возила околу зградата.

Шерифот на округот Оукленд, Мајк Бушар, на прес-конференција потврди дека обезбедувањето на синагогата разменило оган со најмалку едно лице и дека никој не е притворен.

„Во моментов не знаеме за повредени лица, освен можеби напаѓачот“, изјави шерифот Бушар за Си-Ен-Ен.

Директорот на Федералното истражно биро на САД (ФБИ), Кеш Пател, изјави дека агентите се на местото на инцидентот и дека се чини дека станува збор за сообраќајна несреќа со возило и активен стрелец со оружје во близина на синагогата.

Канцеларијата на шерифот на округот соопшти дека властите ја евакуираат зградата. Десетици родители побрзаа да ги извлечат своите деца од образовниот центар во зградата откако полицијата им даде дозвола за тоа.

Училиштата во Вест Блумфилд беа блокирани.

Гувернерката на Мичиген, Гречен Витмер, изјави дека ги следи случувањата и рече дека еврејската заедница треба да може да живее и да ја практикува својата вера во мир.

Еврејските организации низ САД работат под засилени безбедносни мерки откако САД и Израел започнаа воена операција против Иран на 28 февруари, што ја предизвика и интензивираше војната на Блискиот Исток.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Трамп: Канада е една од најлошите земји во светот

Американскиот претседател Доналд Трамп изјави дека Канада е „една од најлошите земји во целиот свет“. 

Трамп: Канада е една од најлошите земји во светот

Оваа изјава доаѓа во време на зголемени тензии меѓу Вашингтон и Отава, кои ги оптоваруваат историски пријателските односи. „Проблемот е што тие се однесуваа многу неправедно кон Соединетите Држави. Тие беа една од најлошите земји во светот. Знаете, ние добро соработуваме со Кина, добро соработуваме со луѓето и склучуваме добри договори“, рече Трамп во Овалната соба.

„Но, навистина беше многу тешко да се соработува со Канада.

Тие воведоа царини од 400 отсто и повеќе за нашите земјоделци. Тие ја злоупотребуваат нашата доверба“, додаде тој. Трамп: Канада е една од најлошите земји во светот. Тие ја злоупотребуваат нашата доверба. Денес стапи на сила забраната на Трамп за увоз на канадски стоки во вредност од речиси една милијарда долари, што претставува нова ескалација на трговскиот спор меѓу двете земји. Забраната се однесува на млечни производи, моторни возила и низа алкохолни пијалаци од Канада.

При потпишувањето на извршните налози за забраната, Трамп како причина ја наведе „дискриминацијата“ на американските производи.

Односите меѓу САД и Канада се невообичаено лоши за време на вториот мандат на Трамп. Причината не се само трговските спорови, туку и потезите на претседателот насочени кон припојување на Канада кон Соединетите Држави. Ситуацијата ескалираше во август по неуспехот на трговските преговори, по што двете земји воведоа меѓусебни царини. Претходно овој месец, Карни истакна дека неговата земја премногу се потпирала на „лесни“ економски врски со САД.

„Изминатите 40 години беа период на длабока економска интеграција со Соединетите Држави. Точно е дека тоа беше лесен пат, но нè направи премногу зависни од еден економски партнер. Јасно е дека тоа време помина“, изјави Карни во видео објавено на YouTube на почетокот на септември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Владата препорача работа од дома за вработените во институциите во зградата на „Нова Македонија“

Владата препорача работа од дома за вработените во осумте државни институции, лоцирани во административната зграда „Нова Македонија“, по поплавата која вчера се случи во објектот по пукање на топловодна цевка. 

Владата препорача работа од дома за вработените во институциите во зградата на „Нова Македонија“

Поради ризикот за електричните инсталации, од безбедносни причини исклучена се и струјата и водата..

Владата препорача работа од дома за вработените во институциите во зградата.

-Имајќи ги предвид последиците, особено продирањето на вода во дел од електричните инсталации, како и потребата од спроведување на сите неопходни технички и безбедносни проверки пред повторно ставање на објектот во редовна функција, владата донесе заклучок со кој се препорачува на институциите сместени во објектот да го реорганизираат своето тековно работење односно вработените привремено да ги извршуваат своите работни обврски преку работа од дома, без физичко присуство во зградата - информираат од владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Десетгодишно дете од Скопје е тешко повредено откако било удрено од автомобил управуван од 70-годишна жена

Десетгодишно дете од Скопје е тешко повредено откако било удрено од автомобил „шевролет“, управуван од 70-годишна скопјанка.

Десетгодишно дете од Скопје е тешко повредено откако било удрено од автомобил  управуван од 70-годишна жена

Несреќата се случила во неделата околу 20 часот на крстосницата од улицата „Христо Татарчев” и улицата „Франк Харкорт Манинг” во Скопје.

„Пријавено е дека 70-годишната М. Г. од Скопје, управувајќи патничко возило ‘шевролет’ со скопски регистарски ознаки, удрила во 10-годишно дете од скопје“,информираат од МВР.

Детето се здобило со тешки телесни повреди, констатирани во болницата „Свети Наум Охридски” во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер