Компанијата Волво Карс потпиша договор со шведската компанија за челик „SSAB“ за снабдување со рециклиран челик со речиси нула емисии на јаглерод диоксид, а испораките ќе започнат веќе оваа година.

^{Така, Волво стана првиот производител на автомобили што го користи овој иновативен челик во сериско производство.}

^{Новиот материјал ќе биде инсталиран во целосно електричниот „SUV EX60“, како и во други модели базирани на новата механичка платформа „SPA3“.}

^{Огромен чекор кон намалување на емисиите}

^{„Челикот е одговорен за околу 25 проценти од вкупните емисии на материјали во ново возило на Волво“, рече Франческа Гамбони, директорка на синџирот на снабдување во компанијата.}

^{Рецикрилираниот челик што го испорачува „SSAB“ ги намалува емисиите на CO₂ за речиси 100 проценти во споредба со конвенционалниот челик, додека ја одржува истата цврстина и безбедност.}

^{Климатски цели до 2040 година}

^{Волво планира да постигне нето нулта емисија на јаглерод диоксид до 2040 година, додека целта за 2030 година е да се намалат емисиите по возило за 65 до 75 проценти.}

^{Дотогаш, 30 проценти од материјалите во нивниот возен парк треба да се рециклираат, а новите модели од 2030 година ќе содржат најмалку 35 проценти рециклирани компоненти.}

^{Со овој потег, Волво дополнително ја зајакнува својата позиција како лидер во одржливата трансформација на автомобилската индустрија.}

^{Извор: Б92}

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.