Македонија

Волшебна глетка во дивината на Шар Планина – мајка Мечка со своите малечки (ВИДЕО)

Ursus arctos – кафеава мечка на Шар Планина!

Кафеавата мечка е еден од највпечатливите и најзначајни видови на Шар Планина. Овој сештојад вид се храни со растенија, плодови, инсекти, како и со мали и поголеми животни. Како строго заштитен вид, мечката има суштинска улога во одржувањето на природната рамнотежа во нашиот национален парк и пошироко на Балканот.

Во видеото што го споделија од Националниот парк “Шар Планина”, планинари на високопланинските пасишта среќаваат мечка со две мечиња, родени во jануари–февруари 2025 година. Малечките во следните две години ќе учат од својата мајка како да преживуваат и се приспособуваат во дивината. Во видеото тие се љубопитни, но се оддалечуваат од луѓето, избегнуваат средба – типично однесување за мечки.

Интересен факт: Во зима мечките не спијат целосен „зимски сон“, туку паѓаат во состојба на длабок мир. Ако се вознемират или ако времето е невообичаено топло, можат да се разбудат и да го напуштат леглото. За жал, оваа година населението од шарпланинските села имаше почести средби со мечки, кои веројатно се движеле поблиску до населените места поради лесно достапната храна од диви депонии и вознемирувањето од моторни возила во внатрешноста на планината.

Од Националниот парк “Шар Планина” споделија совет при средби со кафеава мечка – што треба да знаете?

Средбите со мечки при планинарење, качување, планински велосипедизам или движење по ферати се исклучително ретки, бидејќи мечките се многу срамежливи и ги избегнуваат луѓето. Тие имаат извонредно развиени сетила за мирис и слух и можат да детектираат човек од голема оддалеченост.

Како да избегнете средба?

View this post on Instagram

A post shared by Канал 5 Телевизија (@kanal5televizija)

-Зборувајте погласно, пејте или правете шум при движење.

-Избегнувајте густи грмушки.

-Не оставајте храна или отпад зад себе.

Селфи со мечка?

Не се обидувајте да фотографирате мечка. Привлекувањето мечка е опасно и има контраефект!

Што да направите ако видите мечка?

-Застанете мирно.

-Со смирен, гласен говор направете да ве забележи.

-Не трчајте! Трчањето може да предизвика реакции на потера.

-Полека движете се настрана, без нагли движења.

-Обидете се да изгледате поголеми: исправете се, кренете ги рацете.

-Разговарајте смирено за мечката да препознае дека сте човек.

-Ако имате спреј за мечки, користете го само ако мечката се приближува премногу.

А ако видите младенче?

Секогаш има мајка во близина — повлечете се полека и смирено.

Ако мечката се подигне?

Тоа не е напад! Само се обидува да добие подобар поглед или мирис.

Што ако дојде до напад?

Легнете на земја, со рацете зад вратот. Престанете да се движите и симулирајте неподвижност. Почекајте мечката да се оддалечи.

Опрема за поголема безбедност:

-Спреј за мечки – ефикасен на далечина до околу 8 метри.

-Ѕвонче за мечки – дава рано предупредување и ја спречува блиската средба.

Видеото што го споделија од Националниот парк “Шар Планина” е прекрасен потсетник дека кафеавата мечка е вреден, редок и строго заштитен вид на Шар Планина. Да ја почитуваме, да и оставиме простор и да придонесеме сите за безбедноста и на природата и на луѓето.

Шар Планина е дом – да ја чуваме заедно!

Министерство за животна средина и ПП / Ministria e Mjedisit Jetësor dhe PH

Министерство за земјоделство, шумарство и водостопанство

Prespa Ohrid Nature Trust – PONT

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Преговорите меѓу Русија и Украина ќе продолжат наскоро, ќе се придружат ли европски претставници?

Има напредок во преговорите меѓу Русија и Украина, нов состанок е веќе закажан, а европски претставници би треало да се вклучат во преговорите веќе од наредниот состанок.

Изјавија двајцата американски медијатори - Стив Виткоф и Џеред Кушнер. Според најавите, следната рунда преговори би можеле да се оддржат во рок од две недели, меѓутоа учество на Европа засега не е потврдено од ниту еден европски претставник.

Вчера, на состанокот на Европската политичка заедница, дел од европските лидери се спротиставија на барањето на Русија безбедносната архитектура на Европа да се дискутира како дел од мировните преговори за Украина.

Францускиот претседател Емануел Макрон порача дека безбедноста на Европа ќе се одлучува во Европа, додека пак, високиот претставник на ЕУ – Каја Калас посочи дека постои редослед на дипломатскиот процес – прво прекин на огнот во Украина па мировно решение, а во последната фаза би можело да се дискутира за пост-воената европска безбедносна архитектура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Скопје го одбележува Денот на ослободувањето – 13 Ноември

На денешен ден пред 82 години, на 13 ноември 1944 година, Скопје беше ослободено од фашистичката окупација.

По повод празникот, предвидено е положување цвеќе пред Споменикот на ослободителите на Скопје на Партизанските гробишта во Бутел, на Алејата на заслужните граѓани на гробот на генералот Михајло Апостолски на гробиштата во Бутел, како и пред споменикот на Ослободителите на Скопје пред зградата на Владата.

Скопје денеска го одбележува 13 Ноември, Денот на ослободувањето на градот во Втората светска војна .

Од Град Скопје информираат дека вечерва во Македонската опера и балет ќе се одржи свеченото доделување на наградата „13 Ноември“.

На денешен ден пред 82 години, на 13 ноември 1944 година, Скопје беше ослободено од фашистичката окупација. Во ослободителните операции учествувале 42. и 50. Народноослободителна дивизија на македонската војска и 16. Македонска бригада, кои по неколкудневни жестоки борби влегле во градот.

Борбите се воделе на повеќе локации низ Скопје, меѓу кои на улицата „Илинденска“, кај Главната пошта, Офицерскиот дом, Народната банка и Старата железничка станица. Македонските борци ја спасиле хидроцентралата „Матка“ од уништување, додека граѓани учествувале во одбраната на Камениот мост од минирање.

Во борбите за ослободување на Скопје загинале повеќе од 420 борци, а за време на целата Втора светска војна животот го загубиле околу 4.600 скопјани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Бесплатни скрининг тестови за рак на простата денеска во Железничар

Во здравствениот дом Железничар денеска ќе има бесплатни тестирања за рак на простата.

Бесплатниот скрининг е наменет за мажи над 45 години и ќе се спроведува во рамки на кампањата „Мовембер“ односно ноември - месец за подигнување на свеста за машкото здравје. Бесплатните прегледи ќе се одвиваат од 13 часот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.