Војник го сменил полот и станал ММА борач, кој ги претепува соперничките (ВИДЕО)

Трансродната личност Алана Меклафлин (38) дебитираше во ММА со победа.

Алана е поранешен припадник на специјалните сили на Армијата на САД, каде беше од 2004 до 2010 година, а сега е професионален ММА борец во женска категорија. Во петокот вечерта, таа победи на настанот Combate Global: Perez vs. Roa во Мајами.

Тоа беше лесна борба против Селин Провост. Алана победи за три минути и 32 секунди во првата рунда.

По напуштањето на војската, Алана одлучила да го промени полот. Таа го направила тоа пред пет години. Сега сака да ги следи стапките на Фалон Фокс, првата трансродна личност која се бореше во ММА пред девет години.

"Ги следам нејзините стапки. Се надевам дека ќе бидам пример за другите. Ако сакаме да видиме повеќе трансродови спортисти, треба да работиме повеќе на тоа. Време е трансродовите луѓе да бидат прифатени во светот на спортот, “, рече Меклафлин.

Многумина го сметаат Алан за измамник бидејќи има предност пред другите жени.

Ривалот на Орбан најавува екстрадиција на Груевски ако победи на изборите

Питер Марки – Заи, лидерот на здружената опозиција во Унгарија и ривал на Виктор Орбан, најави екстрадиција на екс премиерот Никола Груевски доколку победи на парламентарните избори до година.

– Оградата ќе остане и ќе ги избркаме криминалните мигранти населени од „Фидес“. Ќе ги екстрадираме Никола Груевски од Македонија, Заид Нафа од Јордан и други криминални мигранти населени од Фидес“, напиша Марки - Заи на својот „Твитер“ профил, а пред неколку дена истото го порача и од партиски собир.

-Кај што европските вредности и нашите европски сојузници и лојалноста кон НАТО ќе ја детерминираат нашата надворешна политика каде што оградата се уште постои и ќе ги екстрадираме криминалните мигранти кои Фидес ги насели и Груевски ќе биде предаден на властите и останатите криминални мигранти од Фидес,изјави- Питер Марки – Заи – Лидер на опозицијата во Унгарија.

Груевски избега во Унгарија каде во октомври 2018та доби азил. Според правилата на земјата по три години, кои се поминати, се прави ревизија на одлуката. Но засега нема информации дали му е обновен азилот. Во меѓувреме од македонското министерство за правда велат дека нема да се откажат од барањето за екстрадиција за што до унгарските власти се испратени и повеќе замолници.

-Министерството за правда нема да се откаже од намерата Никола Груевски да биде екстрадиран назад во земјава. До сега е направено се согласно законите тој да биде екстрадиран, а до унгарските власти се испратени и повеќе замолници-Министерство за правда.

Дали и колку се остварливи намерите на Марки – Заи зависи од исходот на изборите кои Унгарија треба да ги спроведе пролетта следната година. Според рејтинзите кои ги објавуваат тамошните медиуми, опозицијата е во мало водство пред партијата Фидес предводена од Орбан.

-Според последните анкети на Медиан Институтот, околу 47% од Унгарците ќе поддржат промена на власта следниот април, наспроти 44% кои би сакале Владата да ја продолжи работата. Значи населението е поделено на речиси 50 – 50, но има повисока шанса во моментов опозицијата да победи во април, – Петер Креко – Политички научник и професор.

Груевски е осуден на затворски казни за набавката на мерцедесот и за случајот Насилство во Општина Центар, а обвинет е уште во неколку други предмети кои ги отвори сега згаснатото СЈО.

Македонските Бугари неизбежен декор во бугарското предизборие

Стануваат ли здруженијата на македонски Бугари адут за изборна победа кај нашиот источен сосед?

По средбата со бугарскиот претседател Радев, претставниците на неколку здруженијата турнејата за поддршка во Софија ја продолжија и кај поранешниот премиер и лидер на ГЕРБ, Бојко Борисов чија партија според анкетите е фаворит за победа. На средбата која Борисов на социјалните мрежи ја пренесуваше во живо, претставниците на здруженијата му се пожалија за односот на македонската држава кон нив, Борисов пак им вети дека нема разговори со Македонија додека бугарското малцинство не биде вметнато во уставот на земјава.

-Ние како решение на партијата, без тоа да биде впишано во вашиот устав бидејќи вие сте македонски граѓани, некои од вас и македонски, но вашата самосвест е таква, нема да има разговори. Категорично. / Тие знаат дека за да ја добијат нашата поддршка во каква и да е форма, дали на власт или во опозиција. Малцинството треба да се вметне во уставот. Точка.- Бојко Борисов – Поранешен премиер и претседател на ГЕРБ.

На средбата на која присуствуваше и поранешната шефица на дипломатијата Екатерина Захариева, беа упатени и критики кон бугарскиот претседател Радев за изолацијата на земјата и справувањето со Ковид кризата. Ваквата реторика дел од бугарските аналитичари велат дека не очекуваат да се промени до изборите бидејќи темата за Македонија носи гласови во Бугарија. Политичкиот аналитичар Владимир Владимиров вели и дека Бугарија со промена на фокусот на спорот од историски кон човекови права прави политички маневар за поддршка од европските партнери.

-Јас лично сметам дека тоа не е случајно и дека е поврзано со изборите во Бугарија. Темата за Македонија, патриотската тема јавно е дел од политичката дебата и тематика пред изборите во Бугарија. / Поранешните барања на Бугарија кон Македонија беа доста неразбрани, не само за самата Македонија туку и за бугарските партнери во НАТО и ЕУ. Во суштина, Бугарија не доби никаква поддршка од ниту една страна од ЕУ и НАТО, така што, да, човековите права се многу по конкретна и јасна тема. - Владимир Владимиров – Бугарски аналитичар.

Барањето за вметнувањето на Бугарите во македонскиот устав е инаку дел од т.н. 5+1 план за деблокада на македонските евроинтеграции кој меѓудругото го опфаќа и делот за немешање во внатрешните работи во Бугарија.

Колку кампањата меѓу двата изборни круга ќе ја зголемат (не)излезноста

Повиците за масовна излезност во недела на два дена пред финишот на кампањата ги интензивираа и од СДСМ и од ВМРО-ДПМНЕ.

Заев преку видео обраќање повикува на обединување на прогресивните сили за земјата да продолжи да се движи напред, Мицкоски, пак синоќа од Злетово побара глас плус за нова иднина и промени.

“Излезете и гласајте, остварете го своето право. Излезете и потврдете ја шансата за нашата земја да продолжи да се нормализира, да се стабилизира и никогаш повеќе да не падне под режим! Изберете го најдоброто за вас, за вашата општина, за вашето место и за нашата заедничка татковина. Само така ќе го останеме на вистинскиот, стратешки колосек“, порача Заев во видео обраќање.

Освен зачестени повици за излезност, последните денови од кампањата донесоа и заострување на реториката, меѓусебни обвинувања и дискредитирања. Според аналитичарот Петар Арсовски ваквата црна кампања нема да влијае мотивирачки врз гласачите, туку дека ќе ги дестимулира да излезат на гласачките места.

На партиите и кандидатите им останува само уште еден ден да ги убедат гласачите да излезат и да гласаат за нив. Од утре на полноќ започнува изборниот молк.

притисни ентер