Забава

Vogue Singapore ја претстави првата манекенка со вештачка интелигенција на светот (ФОТО)

Жената која ја краси насловната страница на Вог Сингапур всушност не постои.

Таа е проект за вештачка интелигенција и првиот модел со вештачка интелигенција во светот. Модниот магазин беше првиот што направи таков чекор со тоа што на насловната страница на своето мартовско издание стави вештачка интелигенција.

Во кампањата наречена „Корени“, Вог истражува како ќе изгледаат традиционалните амблеми во иднина, а одговорите ги пронашле користејќи вештачка интелигенција во соработка со креативниот директор Варун Гупта.

На корицата всушност се претставени три модели кои ја претставуваат културната различност, именувани Aadhya, Faye и Melur. Првите модели со вештачка интелигенција се всушност компјутерски генерирани аватари со етнографски карактеристики, а со овој потег Vogue прв го прифати предизвикот на новата ера во која вештачката интелигенција зазема сѐ поважно место.

„Придружете ни се во моментот кога модата се среќава со револуцијата на вештачката интелигенција. Добредојдовте во Алтиверзумот“, стои во описот на објавата на официјалниот профил на Инстаграм.

Иако инфлуенсерите на вештачката интелигенција се на сцената долго време, еден моден лидер за прв пат го претстави концептот на модел со вештачка интелигенција, а дали овој тренд ќе го зафати или дури целосно ќе го заземе модниот свет, останува да видиме.

Свет

Иранската влада свика итен состанок по смртта на Раиси

Иранската влада за денеска свика итен состанок по смртта на иранскиот претседател Ебрахим Раиси и министерот за надворешни работи на земјата Хосеин Амир Абдолахиан во хеликоптерска несреќа, јави иранската државна новинска агенција ИРНА.

Според фотографијата што ја објави агенцијата, столицата на која обично седи Раиси е празна и покриена со црна лента во спомен на претседателот.

Иранските државни медиуми емитуваат исламска молитва меѓу извештаите за смртта на Раиси и уште осум други лица откако хеликоптерот со кој патуваа се урна во иранската провинција Источен Азербејџан.

На профилот на Раиси на Х се објавени стихови од Куранот.

„Мир со Ебрахим. Навистина, така ги наградуваме оние што прават добро. Тој беше еден од нашите верни слуги“, се вели во стиховите од Куранот на профилот на Раиси.

Раиси беше втората најмоќна фигура во политичката структура на Иран по врховниот лидер ајатолахот Али Хамнеи.

Свет

Во Мексико девет лица загинаа во два напада врз кандидати за локалните избори

Девет лица загинаа во два напада врз кандидати на локалните избори на 2 јуни во Чиапас, јужно Мексико, соопшти синоќа обвинителството во тој регион познат по организираниот криминал.

Еден од двајцата кандидати е повреден во нападите што се случија ноќта меѓу саботата и неделата, се наведува во соопштението.

Чиапас веќе неколку дена е цел на напади врз кандидатите за општинските избори.

Од септември, најмалку 28 кандидати за локална функција се убиени низ Мексико, според најновите податоци на невладината организација Дата Сивика.

Насилството ги погодува сите партии и владејачката левичарска Морена, како и опозициските партии и коалиции.

Нарко картелите и организираните криминални банди сакаат да „наметнат кандидати“ на изборите, изјави неодамна локалниот обвинител.

Според него, начинот на работа е речиси ист. „Криминалците избираат кандидат и им даваат до знаење на другите дека немаат право да се кандидираат“, рече тој.

На 2 јуни, Мексико се подготвува да ги одржи најголемите избори во својата историја - претседателски, парламентарни, регионални и локални.

Свет

Во руски напад врз областа Харков загинаа 11 лица

 Русија погоди одморалиште во близина на Харков и ги нападна околните села, при што загинаа најмалку 11 луѓе, а повеќе се повредени.

Ракетните напади се најнови во серијата континуирани руски напади во последните недели врз регионот на вториот по големина град во Украина во североисточна Украина, каде руските сили започнаа офанзива.

Украинскиот претседател Володимир Зеленски повторно ги повика западните сојузници да испратат дополнителни системи за воздушна одбрана во Киев за да го заштитат Харков и другите градови.

„Светот може да го запре рускиот терор, а за да се направи тоа, мора да се надмине недостигот на политичка волја меѓу лидерите“, напиша Зеленски на Телеграм.

„Два 'Патриота' за Харков можат да направат темелна разлика. Системите за противвоздушна одбрана за другите градови и дополнителната поддршка за војниците на фронтот ќе го осигураат поразот на Русија, додаде Зеленски.

притисни ентер