Култура

Во време на пандемија сè повеќе се читаат книги

Се чита сè, но најмногу трилери, како и романтични и психолошки романи.

Во време на корона-пандемија и на сè поголема социјална затвореност и изолираност меѓу луѓето, а и кога театарските претстави, изложби и други културни настани во живо се сведени на минимум и сè повеќе се одржуваат онлајн, сè поголем број граѓани на Велес се зачленуваат и позајмуваат книги во локалната библиотека „Гоце Делчев".

Интересен е податокот дека последниве месеци многумина од читателите со едно одење во библиотеката позајмуваат одеднаш по три-четири книги, за да имаат што да читаат во овие долги денови и ноќи кога најчесто се дома, информира за МИА, Гордана Васковска, в. д. директорка на оваа локална установа од областа на културата.

Годинава во велешката библиотека има 5014 читатели, од кои поголем дел или 2838 се во одделот за возрасни и 2176 во одделот за деца. Споредено со 2018 година, кога биле вкупно 4339, е повеќе за 675 читатели.

– Се чита сè, но најмногу трилери, како и романтични и психолошки романи. За љубителите на трилери, приказни со многу моќни пресврти, кои овозможуваат возбуда, неизвесност, сомнеж до последната страница. Приказни за љубовта, страста, предавството, мистерии од нашите постари книги, но и од најновите изданија, кои библиотеката ги набави годинава од повеќе реномирани издавачки куќи, информира Васковска.

Таа посочува дека од најновите книги набавени годинава според евиденцијата на библиотеката најчитани се од ИК „Матица македонска": „Сестрата на сонцето" – Лусинда Рајли, „Часови по заборав" – Нермин Јилдирим, „Белата хризантема” – Мери Лин Бракт, „Крадачка на книги” – Маркус Зусак. Од ИК „Сакам книги": „Тајната на Алексови" – Наде Стоилковиќ, „Сите цвеќиња во Париз" – Сара Џио, „Без каење" – Колин Хувер, „Сурова љубов" – Колин Хувер. Од Издавачки центар „Три": „Вие сте вашите уверувања" – Смиљан Мори, „10 минути и 38 секунди во овој чуден свет" – Елих Шафак, „Разбудете го џинот во себе" – Ентони Робинс. Од „Култура": „Сестрите Романови" – Хелен Рапапорт, „Жената во белото кимоно" – Ана Џонс, „Ти подарувам ѕвезди" – Џоџо Мојес. На „Топер": „Дневникот на едно смотано девојче 7,8,9,10 книга – детски, „Тајниот живот на писателите"-Гијом Мисо…

Васковска информира дека библиотеката годинава набавила 209 наслови и вкупно 873 различни книги за возрасни и деца.

Од 209 набавени наслови, најголем дел, 172 наслови се за возрасните и 37 за децата, претежно лектира, но и други книги наменети за деца и млади.

За децата, односно за учениците збогатени се изданијата за школска лектира, а има и други интересни книги од сите области, информира Васковска.

– Децата се нашето најголемо богатство, нашата иднина, во која ние возрасните вложуваме и затоа книгите од разни области се многу важни за нивно учење и напредување во сите области, потенцира Васковска.

Набавени се книги од сите жанрови: психолошки, трилери, романтични, историски. За љубителите на трилери, приказни со многу моќни пресврти, кои овозможуваат возбуда, неизвесност, сомнеж до последната страница.

Таа информира дека локалната библиотека „Гоце Делчев" – Велес набави книги белетристика и лектири од следниве издавачки куќи: Издавачки центар „Три", „Матица македонска", „Антолог", „Просветно дело", „Арс ламина", „Култура", „Топер", „Сакам книги", „Фонд на холокаустот".

Библиотеката, освен читателска, има и други важни функции, меѓу кои како посебно важно е афирмацијата на националниот и културен идентитет.

Таа потсетува дека основната дејност на библиотеката е набавување, истражување, собирање, стручно обработување и проучување, заштитување, чување, објавување, информирање, презентирање и давање на користење библиотечен материјал.

Библиотеката како културна установа од јавен карактер е место каде што се складира и чува културното богатство, каде се негуваат и надградуваат културните, воспитно-образовните вредности на младите и воопшто на граѓаните.

Како културен центар ќе го зачувува, ќе го промовира наследството, традицијата, литературата на разни култури, преку набавка на разни збирки и преку пристап до печатени книги на разни јазици.

Библиотеката обезбедува трајно и организирано комплетирање на библиотечните фондови, нивна стручна обработка и откривање на нивните содржини за давање информации и задоволување на потребите на образованието, науката и другите области на живеење.

– Библиотеката како јавен центар во кој се негува творештвото има важна улога во развојот и градењето на едно демократско општество и афирмација на националниот културен идентитет. Во едно мултикултурно општество, библиотеката има обврска да ги зачувува, да ги промовира различните култури и да го унапредува економскиот, културниот и социјалниот живот, потенцира Васковска.

Таа информира дека унапредувањето на културата на живеење го реализира преку поттикнување на читањето кај децата од најмали години, развој на креативноста кај младите, поддржување на разноликоста во културите, обезбедување предуслови за користење на информациите од страна на членовите.

Визијата на велешката библиотека е да биде во чекор со технологијата

Визијата на локалната библиотека „Гоце Делчев" од Велес е задоволување на потребите и интересите на сите возрасти од читателската публика, со тоа што ќе овозможи непречен, континуиран пристап до информациите, до научни, образовни и културни добра и ќе создаде најдобри услови за истражување, креативност, учење. Потенцира дека визијата на библиотеката е да информира, да едуцира и да го поттикнува културниот, образовниот и социјален развој на нашата заедница.

– Визија на библиотеката е да биде културно катче каде што нашите членови, покрај книгите, ќе ги користат и современите технолошки можности што ги овозможува современото општество во библиотечното работење, најавува в. д. директорката Гордана Васковска.

Читателите задоволни од изборот на книгите

Соња Петрова, вработена во фабрика, долгогогодишна читателка на локалната библиотека „Гоце Делчев", за МИА вели дека е задоволна со книгите со кои располага библиотеката и затоа што секоја година набавуваат најнови наслови од домашни автори и светски бетселери.

– Редовно одам и земам книги, па во овие денови на пандемија на корона, книгата ми е и единствена разонода затоа што нема културни настани. Најчесто земам по две-три книги, а можам да ги пофалам дека изборот е одличен и за сечиј вкус, оценува Петрова.

Славко Николовски е професор во пензија и вели дека редовно зема книги и дека изборот во библиотеката е одличен.

– Има и историски романи и бетселери и ги задоволува моите потреби како читател. Задоволен сум што секоја година набавуваат нови наслови од домашните и од светските автори, кои секогаш се интересни за читање. Книгата ми е другар во овие тешки денови и месеци на пандемијата на корона, кога најчесто седиме дома и ретко излегуваме, потенцира Николовски.

Инаку велешката локална библиотека „Гоце Делчев" е најстара во земјава. Има богат библиотичен фонд од 100 илјади книги од сите жанрови. Меѓу книгите има и 200 многу стари и ретки книги, од кои најстарата е од 1773 година.

Македонија

Анѓеловски: „Дуизацијата“ е најопасен процес на испумпување средства од буџетот

„Ниту некој ќе се определува меѓу Русија и ЕУ, ниту некој ќе се определува меѓу изолација и ЕУ“

И пред кампањата започна реториката на безалтернативност на СДСМ и онаа на „зелените“ дека имаме избор меѓу Русија и ЕУ. Ниту некој ќе се определува меѓу Русија и ЕУ, ниту некој ќе се определува меѓу изолација и ЕУ, тоа се големите лаги пред јавноста. Ние ќе се определуваме меѓу иднина за Македонија и македонските граѓани, внатре во државата без разлика како тој пат ќе се вика. И најубавата куќа ако внатре е нечиста, децата ќе сакаат да ја напуштат. Прво да си го средиме сопствениот двор.

Повикот за обединување на Мицкоски е за јасно и недвосмислено обединување на сите кои чувствуваат дека Македонија е доведена до ѕид, дека нема правда за никого, тоа е повик до сите што се чувстввуваат така за да се прекине поцесот на „заевизација“ и „дуизација“ на Макеоднија. Дуизацијата е најопасниот процес на испумпување на средства од буџетот на лица блиски до ДУИ, за да се создадат монструми што подоцна ќе владеат со економските, политичките и општествените процеси во државата, рече Страшо Ангеловски во Само Вистина.

Живот

Меган Маркл се враќа на телевизија, ќе води кулинарска емисија

Војвотката од Сасекс Меган Маркл се враќа на малите екрани, а наскоро би требало да ја видиме во ново шоу за готвење.

Дедлајн објави дека Арчевел продукција, продукциската куќа на Маркл и нејзиниот сопруг принцот Хари, е во „рана фаза“ на работа на две нови серии. Една од нив ќе биде за поло, спорт кој е голема страст на принцот Хари, а другата ќе биде за градинарство и готвење, а домаќинка ќе биде Маркл.

Моментално е познато, како што напиша Deadline, дека тоа ќе биде шоу кое „ги слави радостите на готвењето, градинарството, забавата и пријателството“, Маркл ќе биде извршен продуцент, а се знае и кои луѓе веќе работат на ова шоу.

Во целиот проект се вклучени режисерот Мајкл Стид, кој работеше на шоуто Ентони Бурдејн: Запознавање со непознатото, како и Леа Харитон, која стои зад готвачкото шоу на пејачката Селена Гомез, Selena + Chef, кое се емитува на HBO.

Серијата е во рана продукција, а насловите и датумите на издавање се очекува да бидат објавени во наредните месеци. Покрај тоа, извор потврди за Дејли Меил дека Нетфликс веќе изнајмил дом за снимање во Монтесито, Калифорнија.

Сето ова, како што пишува People, е дел од договорот што Меган Маркл и принцот Хари го потпишаа со Нетфликс, вреден 100 милиони долари. Кога го потпишаа во 2020 година, најавија дека ќе работат на документарни емисии и серии, играни филмови и емисии за деца, а сега изгледа решија да направат чекор понатаму.

Македонија

Марковска: Никој нема да добие избори со црна кампања

„Помалите партии кои имаат понепосредна комуникација со граѓаните, тоа може да им донесе поголем бенефит на изборите“

Актуелната кампањата е веќе видена работа. Во Македонија триесет години ништо не се менува, особено што и актерите кои се во кампањата, не се менуваат. Во држава со милион и осумстотини илјади население е контрапродуктивно ова водење на кампања кога и малите дечиња да ги знаат учесниците, граѓаните од старт се изморуваат, особено што две кампањи се спојуваат во една поради спорените избори, а желбата е да се придобијат неопределените, кои вака и онака нема да излезат на гласање.

Мицкоски има добра желба, но имаме комплетно разединување на терен. Не е работата „кој прв почна“, а фрчат негативни кампањи. Никој нема да добие избори со црна кампања, туку со претставување на личноста и кој какви планови има и што мисли да направи. Кај Сиљановска, за сега нема лични навреди, за разлика од другата страна што дава лични кваливикации и тоа не е вкусно. Сведување на кампањата во „митингарење“ во која се повторуваат едната или другата страна, е лош начин на водење кампања. Дури мислам дека помалите партии кои имаат понепосредна комуникација со граѓаните, тоа може да им донесе поголем бенефит, на изборите рече Ѓулистана Марковска во Само Вистина.

притисни ентер