Во Велес свечено отворени 57-те Рацинови средби - Канал 5

Култура

Во Велес свечено отворени 57-те Рацинови средби

На сцената во амфитеатарот во Младинскиот парк во Велес синоќа свечено беа отворени 57-те Рацинови средби. 

Во Велес свечено отворени 57-те Рацинови средби

Средбите за отворени традиционално ги прогласи градоначалникот Аце Коцевски во својство на организатот на оваа меѓународна културна манифестација, кој потсети на големото значење на безвремениот Коста Солев Рацин и на неговата стихозбирка „Бели Мугри" издадена во ноември 1939 година во Самобор, Хрватска што е преведена на сите светски јазици.

Традиционалната „Беседа за Рацин" годинава ја одржа проф д-р Васил Тоциновски, кој потенцира дека е познато егзистенцијалното правило, оти многу нешта во животот остануваат едни и единствени во најубавата смисла на зборот, недостижни. Тој заклучи дека таков си останал и втемелувачот на современата македонска литература Кочо Рацин меѓу неговите два брега и две стрмнини.

-Рацин остана недофатлив со сите значења и димензии на неговите хоризонтали и вертикали. Нема друг таков пример во македонската практика каков што е Рациновиот кому му се посветени најдобри страници. Во тој фонд се неколку десетици монографски трудови чии потписници се бележити домашни и странски автори. Воедно и уште по десетици толку помножено неговата библиотека ја разубавуваат посебни зборници меѓу кои посебно место имаат оние од научните собири на традиционалните Рацинови средби. Неговиот лик го оживотвориле многу ликовни уметници кои притоа создале своевидна ликовна биографија за големиот човек, поет и револуционер кој зрачел и значел и низ моќните медиуми радиото, филмот и телевизијата. Најголем дел од неговите стихови станале подлога на бројни музички дела. Не само што е лектирен автор, туку како природно задолжение неговиот македонски народ наизуст ги знае неговите стихови и секојдневно се потсетува на нив ги гласноговори како утеха и помош, потенцира проф д-р Тоциновски за Рацин.

Потоа се одржа и традиционалниот Поетски митинг на кој учество земаа македонски поети и гости од соседна Србија и Бугарија, а онлајн настап на видео бимот со свои стохови имаа поети од повеќе земји во светот како Италија, Јапонија, Аргентина, Индија и други. Вечерта беше збогатена со концерт на групата „Синтезис".

Инаку, вчера 57-те Рацинови средби започнаа со Меѓународна конференција „75 години современ македонски јазик, азбука и правопис" а беа промовирани и „Зборниците од меѓународните научни конференции" во рамки на Рациновите средби.

Попладнето, организаторите и учесниците положија букети свежо цвеќе на спомениците на Рацин, а беа засадени и дрвца во „Шумата на Рацин" кај Спомен костурницата од НОВ каде меѓу борците почива и Коста Солев Рацин.

Програмата на 57-те Рацинови средби во Велес продолжува попладнево во 17:40 часот со традиционалната посета на Спомен куќата на Рацин во стариот дел на Велес. Таму ќе биде промовирана збирка поезија „Млади поети 2019, Слушни ја тишината" во издание на Агенцијата за млади и спорт, а промотори ќе бидат проф д-р Христо Петрески и проф д-р Кристина Николова.

Свеченото затворање на 57-те Рацинови средби е вечерва во 19:00 часот во Народниот театар „Јордан Хаџи Константинов-Џинот" каде ќе се одржи „Рацин во фрагмент" во изведба на актери од велешкиот Народен театар. Потоа на видео бим ќе бидат претставени портретите на добитниците на Рациновото признание за 2020 – Томислав Османли и на Почесното Рациново признание – проф д-р Виктор Фридман од Чикаго САД и проф д-р Јоуко Сакари Линстед од Хелсинки Финска, по што ќе се додели Рациновото признание на Томислав Османли за неговата книга раскази „Парадоксион" во издание на ВиГ Зеница Скопје. Свеченоста ќе заврши со настап на Градскиот Камерен оркестар./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Чешка дозволи брзина од 150 км/час, но само под еден услов

Чешка ја зголеми максималната дозволена брзина на делница од автопатот D3 од 130 на 150 км/ч, но возачите нема да можат да ја користат оваа дозволена брзина во секое време.

Чешка дозволи брзина од 150 км/час, но само под еден услов

Новото правило е дел од пилот-проект во кој ограничувањето се менува во реално време во зависност од условите на патот.

Тестот се спроведува на делница од 47 километри што ја поврзува Прага со австриската граница. Државата инвестираше околу два милиони евра во нова сигнализација, паметни знаци и систем за следење на условите за возење на оваа рута.

Паметните сензори одлучуваат кога е безбедно да се вози со 150 км/ч

За разлика од традиционалните ограничувања на брзината, овој систем автоматски го прилагодува ограничувањето на брзината врз основа на податоците од метеоролошките станици, камерите и сензорите вградени во асфалтот.

Возачите ќе можат да возат со 150 км/ч само кога се исполнети сите услови: целосно сув пат, одлична видливост и низок интензитет на сообраќај.

Во случај на дожд, магла или голем број возила на патот, системот автоматски ќе ја намали дозволената брзина за да се одржи безбедноста.

Чешките власти веруваат дека овој пристап може да овозможи побрзо возење без да ги загрози учесниците во сообраќајот, бидејќи брзината се прилагодува на реалната ситуација на патот.

Заштедата на време не е голема, но тестот продолжува

Според теоретските пресметки, зголемувањето на брзината од 130 на 150 км/ч заштедува околу шест минути на 160 километри континуирано возење.

Иако временската разлика не е огромна, чешките власти сакаат да соберат што е можно повеќе податоци за однесувањето на возачите и влијанието на поголемите брзини врз безбедноста во сообраќајот.

Пилот-проектот на автопатот Д3 требаше да заврши порано, но Чешка одлучи да го продолжи до крајот на 2026 година за да добие подетална анализа.

Првичните резултати покажуваат дека возачите генерално ги почитуваат променливите ограничувања и дека досега нема докази за значително зголемување на бројот на сериозни сообраќајни несреќи.

Доколку тестот се покаже како успешен, можно е сличен модел да се примени во иднина и на други европски автопати каде што временските услови често го менуваат нивото на ризик.

Тагови: брзина Чешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во сообраќајка во Уганда загинаа над 20 деца- светот е во шок од состојбата на автобусот (ВИДЕО)

Најмалку 20 ученици и еден возрасен загинаа откако автобус што превезувал ученици на екскурзија се урна во источна Уганда, соопштија локалните власти.

Во сообраќајка во Уганда загинаа над 20 деца- светот е во шок од состојбата на автобусот (ВИДЕО)

Како што објави Би-Би-Си, ова е една од најлошите сообраќајни несреќи во земјата во кои учествувале деца во последните години.

Десетици други, вклучително и вработени, беа повредени во несреќата во областа Капчорва во четврток вечерта.

Прелиминарните истраги покажуваат дека автобусот имал механички дефект пред возачот да ја изгуби контролата врз возилото на ридот Чекватит, дел од патот што е место на неколку сериозни несреќи, соопштија локалните власти.

„Возачот наводно ја изгубил контролата врз возилото, кое излетало од патот, удрил во голема карпа покрај патот и се превртел“, соопшти полицијата.

Автобусот, кој превезувал ученици од основното училиште „Крал Дејвид“ во Ндеја, се урна околу 20 часот по локално време (17 часот по Гринич) во селото Чекватит, округот Кавово, соопшти полицијата.

„За жал, 20 деца и еден возрасен, кој беше основач и директор на училиштето, г-дин Тадео Секаде, отидоа да бидат со Господ“, напиша министерот за локална самоуправа Балам Атењи Баругахара на платформата X додека беше на местото на несреќата.

Видеата споделени од очевидци покажаа дека автобусот е тешко оштетен додека локалното население брзаше да им помогне на повредените деца.

Учениците се враќаа од студиско патување, а локалните медиуми објавија дека претходно ги посетиле водопадите Сипи, популарна туристичка област.

Илјадници луѓе умираат во сообраќајни несреќи во Уганда секоја година. Брзината, лошо одржуваните возила и опасните патишта се меѓу главните причини, според сообраќајните власти.

Најновата несреќа се случува во време кога повторно се покрена загриженоста за безбедноста на училишниот превоз, откако во земјата во последните недели беа пријавени неколку сериозни автобуски несреќи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Да продолжиме заедно, обединети, храбри и одговорни, за Битола која расте

Вечерва, по повод одбележувањето на роденденот на Општинскиот комитет на ВМРО-ДПМНЕ Битола, имав чест да се обратам пред членовите, ветераните, младите, Унијата на жени и бројните поддржувачи на нашата партија.

Мицкоски: Да продолжиме заедно, обединети, храбри и одговорни, за Битола која расте

Ако постои една лекција што ја научивме низ сите изминати години, тогаш тоа е дека ВМРО-ДПМНЕ е најсилно кога е обединето. Ниту една функција, ниту една позиција и ниту едно лично несогласување не може да биде поважно од довербата што ни ја дава народот. Нашата сила никогаш не била во поединците, туку во заедништвото и чувството дека припаѓаме на нешто поголемо од нас самите. Довербата не е сопственост на ниту една партија и ниту еден политичар, таа е позајмена од граѓаните и трае само додека работиме чесно, посветено и одговорно. Нашата победа има вистинска смисла само ако ја претвориме во подобар живот за граѓаните во нови работни места, повисоки плати и пензии, подобро здравство и образование, посилни институции и држава во која успехот зависи од трудот, знаењето и чесноста.

Верувам во Македонија затоа што верувам во нашиот народ. Верувам во Битола затоа што знам колку сила, талент и достоинство има во луѓето на овој град. Нашите најдобри денови не се зад нас, туку пред нас, доколку останеме блиску до народот, доколку не дозволиме функциите да нè променат и доколку секоја победа ја сфатиме како нова обврска.

Да продолжиме заедно, обединети, храбри и одговорни, за Битола која расте, за Македонија која победува и за иднината што сме должни да ја изградиме, објави на ФБ претседателот на ВМРО-ДПМНЕ и премиер, Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер