Во Велес отворена самостојна изложба на Стефан Хаџи-Николов - Канал 5

Култура

Во Велес отворена самостојна изложба на Стефан Хаџи-Николов

Ова е негова втора самостојна изложба во Велес по пауза од 15 година, откако во 2009 година беше отворена првата негова изложба во овој град.

Во Велес отворена самостојна изложба на Стефан Хаџи-Николов

Во организација на Народниот музеј од Велес со поддршка од Министерството за култура синоќа во Ликовниот салон во овој град беше отворена самостојната изложба на сликарот Стефан Хаџи Николов на која се претставени 38 слики, од кои најголемиот дел се изработени последниве две години, а има и слики од неговото творештво од 2009 наваму.

Ова е негова втора самостојна изложба во Велес по пауза од 15 година, откако во 2009 година беше отворена првата негова изложба во овој град.

Како што појасни промоторот Елица Николова од Народниот музеј изложени слики се со фигуративна тематика и апстрактни композиции од циклусот „Пејсажи на душата“, избор од претходните 15 години како и десетина нови дела.

Хаџи-Николов во изјава за МИА вели дека целта на изложбата му била да го донесе најдоброто што го има во неговото ликовно студио според просторот што го нуди овој ликовен салон.

- На оваа изложба ги претставив моите дела за кои мислам дека се најинтересни изработени во овој период за велешката публика да види што сум работел во меѓувреме. Тие можат да видат дека фигурацијата и понатаму ја продолжувам, но имам и една серија каде фигурите се минимилистички прикажани со едноставна позадина со едноставен фонд кој е бел, црвен, зелен, сив. Исто така изложив и доста нефигуративни слики, а тоа ми се пејсажи на душата, каде ги сликам некои мои душевни пејсажи кои не личат на некој пејсаж кој го гледаме во природата, туку тоа излегува од мојата душа, како размислувам и како нешто би требало да изгледа. Имам и три дела кои се поврзани со виното и грозјето, рече Хаџи-Николов.

Хаџи Николов планира за три до четири години да ја направи и својата јубилејна 100-та изложба./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Американска пливачка собори два светски рекорда во ист ден

Американската пливачка Кејт Даглас собори два светски рекорда во ист ден на Првенството во пливање „Пан Пацифик“ во Ирвин, Калифорнија.

Американска пливачка собори два светски рекорда во ист ден

Во финалето на трката на 50 метри слободен стил, Даглас дополнително го подобри рекордот што го постави само неколку часа претходно во квалификациите.

Во финалето, Даглас ја заврши трката за 23,19 секунди, надминувајќи го сопствениот резултат од 23,49 секунди од утринските квалификации за дури 30 стотинки.

Со тоа, таа повторно го презеде светскиот рекорд во оваа дисциплина од својата сонародничка Гречен Волш.

Волш претходниот светски рекорд од 23,55 секунди го постави на 28 јуни на митингот „Сет Коли Трофи“ во Рим, но Даглас двапати го собори светскиот рекорд во текот на истиот ден.

Американката претходно учествуваше во соборувањето на светскиот рекорд во штафетата 4x100 метри мешано на првата вечер од натпреварувањето, заедно со Гречен Волш, Ван Матијас и Вил Модглин. Даглас е освојувач на пет олимписки медали.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Поплави во Шпанија, загинаа две жени, седум региони се под предупредување.

Две постари жени загинаа, а две бебиња се повредени во поплави и одрони предизвикани од обилни врнежи во рурална област во северозападна Шпанија.

Видео: Поплави во Шпанија, загинаа две жени, седум региони се под предупредување.

Локалните власти ја потврдија информацијата.

Поради најавените невремиња и обилни врнежи, во недела е на сила жолто предупредување за временските услови во седум региони, пренесува Ројтерс.

Службите за итни интервенции во автономната заедница Кастиља и Леон соопштија дека загинатите жени имале приближно 60 и 80 години. Несреќата се случила доцна во саботата вечерта во селото Манзанедо де Валдуеза, недалеку од Понтеведра. Надлежните исто така објавија дека две доенчиња се здобиле со нагмечувања и им била укажана лекарска помош.

Шпанската агенција за цивилна заштита издаде предупредувања за невреме и обилни врнежи од дожд за недела, кои опфаќаат седум региони во централните и северните делови на земјата.

Овие поплави доаѓаат по повеќенеделен период на рекордно високи температури, за време на кој земјата беше погодена и од серија големи шумски пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Подигнати авиони на НАТО – добиена дозвола за напад

Романското Министерство за одбрана денеска соопшти дека рано утринава во неделата, авион на НАТО соборил беспилотно летало што нелегално навлегло во романскиот воздушен простор.

Подигнати авиони на НАТО – добиена дозвола за напад

Беспилотното летало било уништено од пилотите на авионите Ф-18 на шпанското воено воздухопловство, распоредени во Романија, пренесува порталот Digi24.ro.

„Во текот на ноќта меѓу 15 и 16 август, во 4:44 часот наутро, системите за надзор на воздушниот простор на романското Министерство за одбрана регистрираа навлегување на воздушна цел во националниот воздушен простор од правец на Република Молдавија, на околу 24 километри северно од Галац“, се наведува во соопштението на романското Министерство за одбрана.

Авион Ф-18 на шпанското воено воздухопловство, кој извршуваше борбена задача во рамките на мисијата за воздушно патролирање од воздухопловната база „Михаил Когалничану“, успешно го собори дронот, а како можна локација за падот на неговите остатоци е идентификувана ненаселена област меѓу местата Балени и Кудалби, во округот Галац. Според соопштението, воздушната тревога за округот Галац заврши во 5:20 часот наутро.

Тагови: авиони дрон НАТО Романија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер