Во Велес отворена мултимедијална патувачка стрип изложба „Cаn for Balkans“ - Канал 5

Во Велес отворена мултимедијална патувачка стрип изложба „Cаn for Balkans“

По презентирањето во Романија, Албанија, Белгија и Србија, синоќа во Ликовниот салон во Велес е отворена мултимедијалната патувачка стрип изложба „Can for Balkans“.

Во Велес отворена мултимедијална патувачка стрип изложба „Cаn for Balkans“

Со тоа Велес до 27 март до кога е отворена изложбата, како единствен град во земјава каде е претставена ќе биде и е центар на стрип културата во земјава.

Во Велес вчера на дебати, разговори и промоции на стрип публикации, како и на свеченото отворање присуствуваа голем стрип уметници и сценаристи, стрип теоретичари, професори кои го изучуваат стрипот и љубители и читателска публика на стрипот од земјава, како и гости од Србија, Романија, Албанија и Белгија. Настанот го организирана Стрип центар на Македонија-Велес како партнер во проектот CAN for Balkans, кофинансиран од Европската Унија преку програмата „Креативна Европа“, со поддршка од Општина Велес и ЛУ Народен музеј - Велес.

На изложбата има 70 стрип автори од Романија, Србија, Албанија и Белгија, БиХ, Украина, Бугарија и Кина, информира за МИА, Томе Трајков од СЦМ-Велес, које и член на жири комисијата на проектот.

Освен на паноа, во специјално во ѕвездички симболите на ЕУ се поставени и таблети на кои секој посетител може да ги проследи најнови стрипови во рамки на проектот. Интересно е што изложбата е во знак на црвената петокрака а секој крак претставува една земја која е претставена, а во средината има тунел каде е претставен периодот за време на Николае Чаушеску во Романија и потоа каде се вртат видео бимови со настани и стрипови од тој период.

Изложбата „CAN for Balkans”, како што информира за МИА Трајков, е составена од две тематски целини, од кои на првата се презентирани графичко-секвенцијални дела пристигнати на минатогодишниот меѓународен стрип-конкурс на тема „Балканот низ историјата”.

На втората, која е резултат од повеќегодишните истражувачки студии за историскиот стрип на Балканот, изложени се најрепрезентативните историски стрипови на романски, српски, албански и македонски автори, односно на историски стрипови од земјите од каде што се партнерските организации на проектот.

Изложбата беше отворена во октомври во Брашов Романија, во Тирана во декември, во Брисел за време на новогодишните празници и на почетокот на годината во најважниот светски музеј за стрип во Брисел, а во февруари годинава во Културниот центар во Лесковац, Србија.

Николае Пепене од Брашнов, Романија кој е координатор на изложбата, појасни дека изложбата „Can for Balkans“ е мрежа на стрипови на Балканот, а во изминатите две години преку оваа мрежа успеале да ги направат првите истражувачки проекти за историските стрипови на Балканот и отвориле онлајн платформа.

Го создавале првиот меѓународен повик за оригинални стрипови за Балканот низ историјата и ја создавале најважната патувачка европска изложба посветена на историските стрипови.Тој истакна дека тое е мислењето на медиумите во Србија, Романија и останатите земји, а се надева дека такво ќе биде мислењето и на медиумите во земјава.

-Покажавме дека можеме дека е возможно.Покажавме што значи што е Can или Може Балканот Може, а тоа е креативност, сложување, пријателство, натпреварување, напредок. За овие резултати сакам да се заблагодарам на сите мои колеги со кои работевме заедно, потенцираше координаторот Пепене.

Тој рече дека концептот на оваа изложба е ѕвездата симбол на она што е обележано во сите историски стрипови на Балканот од комунистичкиот период до денес.

-Големата црвената ѕвезда на историјата на стриповите од Балканот во период помеѓу 1989 до 1990 година со синиот Тунел на клишеата и стереотипите од романскиот историски стрип. Малите ѕвезди се историјата од знамето на Европската Унија и тие вклучуваат таблети со новите дела од нашиот проект кои се посветени на историјата на Балканот, сето тоа бидејќи овој проект е финансиран под знамето на ЕУ, потенцира координаторот Пепене.

Пред изложбата во Локалната библиотека „Гоце Делчев се одржи презентација на македонски историски стрип од Александар Стеванов. Разговор со Бошко Караџов автор на книгата „Естетика на стрипот“, а имаше и промоција на книгата „Стрип и моќ-Хероите и суперхероите како геололитичка алатка“ која ја публикува италијанскиот амбасадор во земјава, Андреа Силвестри.

На крајот имаше и дебата „Can for Balkans“ Балканот во историјата низ призмата на пропаганда, клишеа и стереотипи во која се вклучија сите учесници и гости.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Запален автомобилот на Александра Пријовиќ и Филип Живојиновиќ

Џип во сопственост на  мегапопуларната пејачка Александра Пријовиќ и нејзиниот сопруг, продуцентот и менаџер Филип Живојиновиќ бил запален во текот на ноќта на Бежанијска коса, пред нивниот семеен дом.

Запален автомобилот на Александра Пријовиќ и Филип Живојиновиќ

Драма во текот на ноќта во елитната населба во белград, Бежанијска коса, каде интервенирала полицијата и екипа на итната помош

Џип во сопственост на мегапопуларната пејачка Александра Пријовиќ и нејзиниот сопруг, продуцентот и менаџер Филип Живојиновиќ бил запален во текот на ноќта на Бежанијска коса, пред нивниот семеен дом.

Автомобилот бил паркиран во непосредна близина на куќата на Александра и Филип, а пламените јазици го зафатиле возилото што се наоѓало до џипот.

Полициските службеници набргу започнале со истрага и прибирање траги што би можеле да помогнат во расветлувањето на сите околности на овој инцидент.

Сега влезот во семејниот дом на Прија и Филип е обезбеден од припадници на полицијата, а ролетните на прозорците од куќата се спуштени. Засега сè уште нема официјални информации за тоа како се случил инцидентот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Разговори за иднината во 12:05“ -Нелегално стекнатиот имот со политичката корупција мора да почне да се конфискува!

Новиот Кривичен законик е резултат на притисокот на Европската Комисија, која и во годинешниот Извештај за напредокот на Македонија забележи за крајно негативните последици од скандалозните измени на кривичното законодавство од 2023. 

Разговори за иднината во 12:05“ -Нелегално стекнатиот имот со политичката корупција мора да почне да се конфискува!

Во врска со најавата за донесување нов Кривичниот законик Организаторите на „Разговори за иднината во 12:05“ го соопштуваат следниот став:

Новиот Кривичен законик е резултат на притисокот на Европската Комисија, која и во годинешниот Извештај за напредокот на Македонија забележи за крајно негативните последици од скандалозните измени на кривичното законодавство од 2023. Факт е дека најавата за нов Кривичен законик е чекор напред во борбата против политичката корупција, но апсолутно не дава одговор како да се спроведе правдата и исполнат очекувањата на граѓаните.

Борбата против политичката корупција не смее да се сведе на гола реторика и обиди за перење совест за претходните гревови!

Тоа што едни наводно изразуваат каење и ги оценуваат измените на Кривичниот законик во 2023 како грешка, а другите сега популистички најавуваат нова казнена регулатива која наводно ќе важела само за сегашните нивни функционери, а не и за претходните, не ја менува горчливата правосудна реалност. Мнозинството граѓани со право се сомневаат дека меѓу актуелната власт и опозиција постои договор за меѓусебна амнестија. Да не заборавиме дека измените на Кривичниот законик во септември 2023 се усвоија во итна постапка, водена со ЕУ знаме, немаше ниту еден амандман од тогашната опозиција која направи кворум на гласањето, указот беше веднаш потпишан од тогашниот претседател на државата, а иницијативата за испитување на уставноста на овие измени и барањето за времена мерка со која ќе се стопираше примената на овие одредби беше конечно запрена од Уставниот Суд на 25 февруари 2026. Со скандалозните измени на Кривичниот законик се намалија затворските казни за злоупотреба на службената положба што отвори можност за брзо застарување на кривичните дела сторени со политичка корупција, се избришаа одредби кои предвидуваа казни за злоупотреба на јавни набавки и оштетувања на државниот Буџет. Проценката кажува дека околу 800 поранешни и сегашни носители на функции ги злоупотребуваат овие скандалозни измени на Кривичниот законик за ослободување од кривична одговорност.

Нема никаква дилема дека со скандалозните измени на Кривичниот законик од 2023 дел од политичарите - пазарџии и објавија војна на правдата во Македонија. Заради иднината на државата сметаме дека е дојдено крајно време од декларативни заложби да се премине на дела. Тоа и го должиме на актуелната младина и на генерациите кои доаѓаат. Корумпираните политичари без разлика на етничка, верска и партиска припадност мора да одговараат и покрај скандалозните измени на Кривичниот законик во 2023. Затоа, предлагаме:

После членот 112 од актуелниот Кривичен законик со кој се дефинира „незастарливост на кривични дела геноцид и воени злосторства“, да се додаде нов член 112-а со кој ќе се дефинира незастарливост на кривичниот прогон и конфискацијата на противправно стекнат имот и за кривичните дела сторени од сите избрани и именувани лица како и од јавни и државни службеници во централната и локалната власт кои располагаат со буџетски средства и државен капитал а кои со незаконито однесување и политичка корупција стекнале противправна имотна корист. Со ваква законска интервенција ќе се испрати јасна порака дека никогаш повеќе нема да има ниту јавна ниту скриена амнестија за политичари;

Во актуелниот Кривичен законик, во главата триесетта каде се дефинирани „кривични дела против службената должност“, во членот 359-а кој го дефинира кривичното дело „противправно стекнување и прикривање имот“ да се зголемат минималните казни затвор и тоа од шест месеци на три години и од една на пет години, а максималните казни затвор да се зголемат од пет на десет години и од осум на петнаесет години;

Конечно усвојување на посебен Закон за потекло на имот со кој ќе се создадат неопходните правни механизми за испитување на потеклото на движен и недвижен имот на сите сегашни и претходни избрани и именувани лица и нивните потесни семејства.

ОРГАНИЗАТОРИ НА „РАЗГОВОРИ ЗА ИДНИНАТА ВО 12:05“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ЈП Комунална хигиена-Скопје: Во текот на викендот опожарени четири контејнери за одлагање комунален отпад

Во текот на изминатиов викенд, непознати сторители опожариле четири садови наменети за одлагање на комуналниот отпад.

ЈП Комунална хигиена-Скопје: Во текот на викендот опожарени четири контејнери за одлагање комунален отпад

Опожарени се два пластични контејнера со зафатнина од 1,1 м3, лоцирани во населбата Ново Лисиче во скопската општина Аеродром, како и два метални контејнера со зафатнина од 1,1 м3, лоцирани на булеварот Македонско-косовска бригада во општината Чаир.

Со цел да не се наруши динамиката на одлагање, собирање и транспорт на комуналниот отпад, ЈП Комунална хигиена-Скопје во најкус можен рок опожарените садови ги замени со нови.

ЈП Комунална хигиена-Скопје апелира да престане уништувањето на садовите за одлагање отпад, со цел екипите на Претпријатието да можат навремено да ги извршуваат своите работни обврски на терен, согласно Оперативната програма за работа. Сите случаи на опожарување на контејнерите се пријавени до надлежните органи и се очекува да бидат преземени соодветни мерки за да се пронајдат и санкционираат сторителите.

Во текот на изминатата седмица, екипите на ЈП Комунална хигиена-Скопје отстранија вкупно 760 кубни метри мешан комунален, кабаст и градежен отпад одложени на јавни и собраќајни површини во сите скопски општини. Најголемо количество отпад од диви депонии – вкупно 190 кубни метри, е расчистено во општината Центар.

Воедно, во ООУ „Кирил Пејчиновиќ“ во општината Кисела Вода, беа реализирани еко-предавања за правилно постапување со отпадот и придобивките од неговата примарна селекција. Со едукативните активности беа опфатени вкупно 100 ученици од четвртите одделенија во училиштето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер