Во Велес отворена изложбата „Креативност и Мизерија“ на Трајче Чатмов - Канал 5

Култура

Во Велес отворена изложбата „Креативност и Мизерија“ на Трајче Чатмов

Во организација на Народниот музеј од Велес синоќа во велешкиот ликовен салон беше отворена изложба на академскиот сликар Трајче Чатмов.

Во Велес отворена изложбата „Креативност и Мизерија“ на Трајче Чатмов

По десет години ова е второ претставување на Трајче Чатмов пред неговата домаша велешка ликовна публика, со изложбата насловена „Креативност и Мизерија“ на која се претставени 44 слики - масло на платно од неговото богатo творештво.
Како што појасни на отварањето рецезентот на изложбата Ели Василевска Илиевска, ориентиран од експресионистичкиот изразен метод, академскиот уметник Трајче Чатмов на својата изложба „Креативност и Мизерија“ претставува платна на кои се насликани доживувањата на суштината на човековиот емоционален аспект.

- Тој потполно се апстрахира од визуелниот домен на реалноста, и го напушта секое вообичаено нешто кое обичното око има тенденција да не го забележи. Напротив тој го слика доживеаното и ги пресликува чувствата кои можат повеќе или помалку и секојпат со различна нота и интензитет,да се изразат или пак да не се изразат,во моментот на доживување. Оттука јасно се согледува дека главниот потег со четката е насочен токму кон природата на човекот, во која никогаш не може внатрешната и надворешната слика да се претстават во идеална рамнотежа, потенцира рецезентот Василевска Илиевска.

Трајче Чатмов е роден 1971 година. По завршувањето на средното училиште, своето образование го продолжил на Факултетот за ликовна уметност, каде дипломира во класата на Рубенс Корубин педагошко сликарство, а магистрира во класата на Родољуб Анастасов, сликање и естетика.

Има реализирано повеќе самостојни ликовни изложби во Македонија и учествувал на изложби во странство. Има учествувано во школа за анимиран,документарен филм и фотографија.Во 1997 година освојува награда за најдобар краток докуметарен филм, најдобра камера, за краткиот документарен филм „Времиња“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседателката Сиљановска-Давкова ќе учествува на Самитот за климатски промени (COP31) во Анталија

Претседателката Гордана Сиљановска-Давкова, денеска во Анталија, Република Турција ќе учествува на Лидерскиот самит во рамките на 31. Конференција на страните (COP31) на Конвенцијата на Обединетите Нации за климатски промени.

Претседателката Сиљановска-Давкова ќе учествува на Самитот за климатски промени (COP31) во Анталија

Предвидено е претседателката да се обрати на првата пленарна сесија за шефови на држави и влади, како и на дијалогот на високо ниво, посветен на транзицијата кон чиста енергија и електрификацијата. Таа ќе оствари билатерални средби со дел од учесниците на самитот.

Во состав на македонската делегација на COP31 се министерот за животна средина и просторно планирање, Муамет Хоџа и министерката за енергетика, рударство и минерални суровини, Сања Божиновска.

Тагови: Сиљановска - Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во полиција задржан романскиот возач на камионот по верижните судири на автопатот „Тракија

Бугарската влада го прогласи 11 ноември за ден на национална жалост по вчерашната трагедија во која во верижен судир на автопатот „Тракија, загинаа 11 лица, а 51 лице се повредени.

Во полиција задржан романскиот возач на камионот по верижните судири на автопатот „Тракија

Романскиот возач на камионот, кој учествувал во еден од двата верижни судири на автопатот „Тракија“ во бугарија, е задржан во полиција.Тој веќе бил сослушан, а се очекува повторно да даде исказ во текот на денот.Засега не е утврдено како се движел камионот непосредно пред несреќата.

Според првичните информации, видливоста на автопатот нагло се намалила.Полицијата проверува дали камионот се движел со мала брзина или се вклучувал од споредна лента.Во двата верижни судири, во близина на клучката Зимница, учествувале вкупно 86 возила.Во правец кон Бургас се судриле 63 возила, а кон Софија уште 23.

Бугарските истражни органи најавија дополнителни вештачења за утврдување на причините за несреќата .

Тагови: Бугарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Венецијанската комисија ќе го оценува новиот модел за полагање на правосудниот испит

Владата ќе побара итно мислење од Венецијанската комисија за предложениот модел за полагање на Правосудниот испит.

Венецијанската комисија ќе го оценува новиот модел за полагање на правосудниот испит

Со овој чекор, како што соопштуваат од Министерството за правда, се обезбедува независна меѓународна експертска оцена за усогласеноста на предложеното решение со Уставот, меѓународните правни инструменти и европските стандарди.За време на престојот на експертите предвидени се и практични демонстрации на писмениот дел од испитот во Апелациониот суд во Скопје, како и на усниот дел во просториите на Министерството за правда..

Предложениот модел предвидува воведување единствен систем на полагање, со еднакви услови и исти професионални критериуми за сите кандидати, без посебни испити или различни стандарди, велат од правда..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер