Елена Ристеска е еден од најдобрите и најквалитетни вокали кај нас. На домашната музичка сцена постои повеќе од 16 години, една од ретките пејачки е која успешно гради кариера и во соседна Србија, а освен што плени со неверојатна харизма и енергија, Елена исто така е и голем професионалец па поради тоа и со години е стационирана онаму каде и што припага, а тоа е врвот! Во нејзината професионалност на дело се увервивме и ние! Имавме можност да поминеме заедно со неа 24 часа и да видиме како изгледа кога се буди наутро, какви се нејзините дневни рутини, подготовки за настап, како го минува денот, што најчесто прави пред да заспие и слично.

Предизвикот Ристеска го прифати од прва и заеднички тргнавме на пат во Битола каде што имаше закажан концерт.

Утрото ни почна вака.. Со појадок во кревет за кој што се погриживме ние, а таа воодушевено не прими во својата хотелска соба и накусо ни раскажа што прави кога ќе стане од спиење...

После појадокот веднаш се упативме на проба, каде што беа дел и од нејзините колеги музичари со кои што веднаш можевме да забележиме дека има исклучително близок однос и е омилена мегу нив.

А од проба за неполни 60 минути се преселивме на сцена. Елена успеа за рекордно време да се спреми и да блесне во полн сјај во преполната сала во Домот на културата во Битола.

Откако заврши со настап се упативме и на пијачка, во опуштена атмосфера, во друштво на неколку нејзини пријатели. Не изненади нејзината непосредност, опуштеност, смисла за хумор, скромност...

И дојде време и за спиење... А Елена повторно беше фина и не прими во својата соба за да видиме како изгледа и тоа.

Мораме да признаеме дека ова едно деноноќие кое што го поминавме со Елена беше поприлично диманично. Впрочем таков е и нејзиниот живот. Она што мораме да го потенцираме е фактот дека за овие 24 часа колку што бевме со неа насмевката не ја тргна од своето лице. Елена ти благодариме што прифати да бидеш дел од овој несекојдневен експеримент. Чекаме покана за следна дружба!