Во Вашингтон денеска жрепка за СП 2026 - Канал 5

Фудбал

Во Вашингтон денеска жрепка за СП 2026

Составот на групите на Светското фудбалско првенство 2026 ќе биде одреден денеска со жрепка која биде извлечена во „Центарот Кенеди“ во Вашингтон со почеток во 18 часот по македонско време.

Во Вашингтон денеска жрепка за СП 2026

Водители на жрепката ќе бидат глобалните икони – германскиот супермодел, актерка и продуцентка Хајди Клум и американскиот актер Кевин Харт.

Пласман на Мундијалот што идното лето заедно ќе го организираат САД, Канада и Мексико досега обезбедија 42 репрезентации, а преостанатите шест ќе бидат познати по одигрувањето на мартовските дополнителни квалификации во кои ќе настапи и македонскиот национален тим. Во полуфиналето, на 26 март, македонската репрезентација ќе игра против Данска во Копенхаген.

Во првиот „шешир“ за денешната жрепка се сместени домаќините Канада, Мексико и САД, како и Шпанија, Аргентина, Франција, Англија, Бразил, Португалија, Холандија, Белгија и Германија.

Во вториот „шешир“ се Хрватска, Мароко, Колумбија, Уругвај, Швајцарија, Јапонија, Сенегал, Иран, Јужна Кореја, Еквадор, Австрија и Австралија.

Третиот „шешир“ ги вклучува Норвешка, Панама, Египет, Алжир, Шкотска, Парагвај, Тунис, Брегот на Слоновата Коска, Узбекистан, Катар, Саудиска Арабија и Јужна Африка, а во четвртиот се Јордан, Зеленортските Острови, Гана, Курасао, Хаити и Нов Зеланд, како и четири европски репрезентации кои ќе обезбедат место преку дополнителни квалификации и двата победници од интерконтиненталните плејоф натпревари.

Репрезентациите ќе бидат поделени во 12 групи од по четири репрезентации.

Мундијалот 2026 ќе се одржи од 11 јуни до 19 јули и на публиката ќе им понуди рекордни 104 натпревари.

Тагови: ФИФА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Десет артилериски плотуни за Денот на независноста: Армијата со почесна стрелба во касарната „Илинден“

По повод Денот на независноста, денеска во 19 часот, во касарната „Илинден“ во Скопје, артилерискиот баталјон на армијата ќе изврши почесна артилериска стрелба со 10 плотуни од шест артилериски орудија.

Десет артилериски плотуни за Денот на независноста: Армијата со почесна стрелба во касарната „Илинден“

Според генералштабот на армијата, во 18 часот ќе биде извршена пробна артилериска стрелба, со еден плотун од шест артилериски орудија. Почесната стрелба е дел од протоколарните активности на армијата по повод одбележувањето на 8 Септември – Денот на независноста..

Тагови: Денот на независноста

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Белград попладнево е погребан Ратко Младиќ (ВИДЕО)

Поранешниот командант на војската на Република Српска, Ратко Младиќ, кој од Хашкиот трибунал беше осуден на доживотен затвор, попладнево со воени почести е погребан на топчидерските гробишта во Белград. 

Во Белград попладнево е погребан Ратко Младиќ (ВИДЕО)

Посмртните останки на Младиќ, кој почина на 27 август во Хаг на 85-годишна возраст, претходно беа изложени во црквата „Свети Лука“ во Белград, каде што опело служеше поглаварот на српската православна црква, Порфириј. Младиќ, по желба на семејството е биде погребан до ќерката Ана. Младиќ во 2021 година беше правосилно осуден на доживотен затвор и беше прогласен за виновен за геноцидот во Сребреница и за други воени злосторства.

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Виткоф: Без дијалог со русија шансите за мир во Украина се многу мали

САД се залагаат за дипломатско решение на војната меѓу Украина и Русија, но без дијалог со Москва шансите за мирно решение се многу мали, изјави американскиот специјален пратеник Стив Виткоф по средбата со украинскиот претседател Зеленски во Киев.

Виткоф: Без дијалог со русија шансите за мир во Украина се многу мали

Бараме дипломатско решение за овој конфликт, а не воен договор. Тоа е она што претседателот Трамп отсекогаш го барал“, рече Виткоф, одговарајќи на прашањето дали Путин е подготвен за трилатерална средба со Зеленски и Трамп. Украинскиот претседател Зеленски изјави дека клучните прашања, вклучително и територијалните, можат да бидат решени само на состанок на највисоко политичко ниво. Виткоф заедно со другиот специјален пратеник кушнер претходно беа на средби со Путин во Москва, но не беше постигнат опиплив напредок.

Тагови: Виткоф

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер