Свет

Во Украина пристигнаа 500.000 вакцини на АстраЗенека

Украина денеска ја прими првата пратка од 500.000 дози на вакцината АстраЗенека против ковид-19, што ќе овозможи почеток на вакцинацијата, а први ќе бидат здравствените работници кои се на првата линија во борбата , како и војниците.

Една од најсиромашните земји во Европа, Украина заостанува зад соседите во обезбедувањето вакцини за своите 41 милион жители. Тие побарале од Европската унија да им помогне откако ја одбија руската вакцина Спутник V.

"Ќе започнеме со вакцинирање што е можно поскоро. Мораме заедно да се бориме против ковид", објави на твитер претседателот Володимир Зеленски.

Бројот на лица заразени со коронавирус повторно започнал да се зголемува по затишјето за време на строгиот карантин на почетокот на годината.

Владата отворила мобилни болници на западот на земјата поради нагло зголемување на бројот на заразени во регионот Ивано-Франкивск.

Украина пријавила повеќе од 1,3 милиони заразени и 25.309 смртни случаи.

„Сега итно ја ослободуваме пратката преку царина и вакцината веднаш ќе биде испратена во регионите“, објави министерот за здравство Максим Степанов на Фејсбук.

Украина планирала да започне масовна вакцинација кон средината на февруари благодарение на глобалната програма COVAX, но тоа е одложено поради доцнењето при доставата.

Вакцината што пристигнала во земјата е произведена во Институтот за серум во Индија, најголемиот светски производител на вакцини. Украина ја одобрила оваа недела.

Украина се согласила да купи 17 милиони дози вакцина од Индија, вклучувајќи 15 милиони дози на вакцината од „Новавакс“.

Забава

Видео: Корејци ја пеат „Молитва“ од Марија Шерифовиќ

На интернет се појави снимка на која музичка група од Кореја ја пее песната „Молитва“ на натпревар за пеење.

На нивните способности не остана рамнодушна ни самата Марија Шерифовиќ, која со оваа песна и донесе победа на Србија на Евровизија во 2007 година.

Пејачката го изрази своето воодушевување од нивната изведба на својот Инстаграм профил.

Таа во објавата напомена дека ова е најдоброто изведување на нејзината песна, и напиша прекрасна порака упатена до талентираните Корејци.

„Ви посакувам се најдобро во понатамошната кариера и натпреварување. Се гледаме наскоро“, напиша пејачката.

Шоу биз

Фото: Елена Китиќ ги запали социјалните мрежи

Таа објави фотографија во костим за капење, која го покажува нејзиното совршено тело и облини.

Ќерката на пеачкиот пар Миле Китиќ и Марта Салиќ, Елена Китиќ е активна на социјалните мрежи, а фановите неретко ги изненадува со смели фотографии.

Имено, Елена, судејќи по објавите, отпатувала во потоплите краишта. Елена најпрво објави фотографија во костим за капење од една од плажите во Доминиканската република, за потоа да објави снимка на која се гледаат убавините на оваа луксузна дестинација.

Фотографијата во костим на капење на која го покажува своето совршено тело и облини, наиде на многу позитивни реакции од фановите.

„Згодна“, „Убавице“, „Жена бомба“, се само дел од коментарите.

Свет

Сирискиот претседател и неговата сопруга имаат корона

Претседателот н Сирија Бапар Ал Асад и неговата сопруга Асма се заразени со коронавирусот, но се добро и нивната состојба е стабилна, објави денес претседателството, додека во земјата расте бројот на заразени.

Ал Асад и сопругата Асма направиле ПЦР тест откако почувствувале благи симптоми на корона.

Тие ќе бидат во изолација две до три недели.

„Во текот на изолацијата која ќе трае измеѓу две и три недели тие ќе продолжат со работата од дома“, додава претседателството во соопштението.

На почетокот на март министерството за здравство извести за зголемување на бројот на инфекции и повика на строго почитување на дистанцата и оцени дека таа земја не е поштедена од другите варијанти на вирусот.

Власта на крајот на февруари најави почеток на кампања за вакцинирање на медицинскиот персонал. Сирија доби 5000 дози од кинеските вакцини за 2500 медицинари, според дневниот весник „Al-Watan“, близок до власта. Сирија исто така одобри употреба на руската вакцина.

притисни ентер