Во торнада, пожари и песочни бури загинаа најмалку 40 луѓе ширум САД - Канал 5

Свет

Во торнада, пожари и песочни бури загинаа најмалку 40 луѓе ширум САД

 Најмалку 40 луѓе загинаа откако торнада го погодија средниот запад и јужниот дел на САД. Во сојузната држава Мисури во торнадата загинаа најголем број луѓе – 12. 

Во торнада, пожари и песочни бури загинаа најмалку 40 луѓе ширум САД

Силните ветрови во сојузните држави Тексас и Канзас предизвикаа песочни бури, при што се регистрирани десетина смртни случаи.

Од екстремните временски услови зафатена е област, каде живеат повеќе од 100 милиони луѓе, каде се регистрирани речиси 150 смртоносни шумски пожари во Оклахома. Смртни случаи има во сојузните држави Арканзас, Алабама и Мисисипи.

Делови од Тексас, Луизијана, Алабама, Арканзас, Тенеси, Мисисипи, Џорџија, Кентаки и Северна Каролина се под предупредување за поплави.

Поради лошото време над 320.000 луѓе останаа без електрична енергија, а вонредна состојба е прогласена во Арканзас, Џорџија и Оклахома.

Гувернерот на Мисури, Мајк Кехо изјави дека „скалата на уништување во нашата држава е запрепастувачка“ односно уништени или сериозно оштетени се стотици домови, училишта и бизниси

Во Оклахома се регистрирани речиси 150 шумски пожари, поттикнати од ветрови со брзина од 83 милји на час. Ветровите превртија неколку камиони. Во Канзас загинаа најмалку осум лица кога 55 возила се судрија поради бурата која крена голема прашина. Во Тексас песочната бура предизвика судир на околу 38 автомобили, при што загинаа четворица.

Во торнадата во Мисисипи загинаа шест луѓе, а во Алабама и во Арканзас загинаа по три лица.

Претседателот на САД, Доналд Трамп изјави дека во Арканзас е распоредена Националната гарда за да помогне при бурата.

- Ве молам, придружете ни се на Меланија и мене во молитвата за сите оние кои се погодени од овие страшни бури! објави Трамп на платформата „Трут“ (Truth).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер