Во Тирана се одржа протест „Слободата има име. И јас сум ОВК“ со учество на Албанци од сите делови на регионот - Канал 5

Балкан

Во Тирана се одржа протест „Слободата има име. И јас сум ОВК“ со учество на Албанци од сите делови на регионот

 Протест под мотото „Слободата има име. И јас сум ОВК“, во поддршка на поранешните лидери на Ослободителната војска на Косово, ОВК, се одржа вечерва на плоштадот „Скендербег“ во Тирана.

Во Тирана се одржа протест „Слободата има име. И јас сум ОВК“ со учество на Албанци од сите делови на регионот

Траеше неколку часа, со масовно присуство на Албанци од сите делови во регионов и повици за правда и ослободување на лидерите обвинети во Хаг. Носејќи национални знамиња и симболи на ОВК, учесниците ја изразија својата поддршка за поранешниот претседател Хашим Тачи и неговите соборци.

Учествуваа и пратеници од владејачката Социјалистичка партија, од помалите партии, но не и од опозициската Демократска партија, кои претходно кажаа дека нема да учествуваат барајќи „резолуција за осуда на српскиот геноцид во Косово а не протести на улица“.

За време на протестот говореа повеќе говорници, кои нагласија дека во Хаг „не им се суди само на четворица мажи, туку се суди и слободата на Косово“.

Поранешниот албански претседател Алфред Мојсиу, рече дека војната на ОВК била праведна и чиста и дека нејзините водачи биле затворени по неосновани обвиненија.

-Време е да не молчиме за да се заштитиме себеси и жртвите. Нема да дозволиме да се пролее крв. Обединети да ја заштитиме нашата нација, порача Моисиу.

Се обрати и лидерот на ДУИ, Али Ахмети, како еден од основачите на ОВК, кој изјави дека правдата е доведена во прашање поради постапките на Специјалниот суд, нагласувајќи истовремено дека ОВК не ги прекршила законите на војната и го заштитила својот народ од геноцид.

-Специјалниот суд произлезе од српската и руската кујна. ОВК ги почитуваше конвенциите за војна и не прекрши никаков закон за војна, а тоа го докажаа американските и британските сведоштва во Хаг. Нивната слобода мора да дојде без одложување, рече Ахмети.

Премиерот Еди Рама, во поддршка на денешниот протест за поранешните водачи на ОВК, сподели видео на Фејсбук, на кое се гледаат присутните граѓани, кои едногласно извикуваат „ОВК“ и „Хашим Тачи“ и напиша „Срце планина“, изразувајќи го својот став за протестот. Исто така објави и фотогарафија на која се гледа тој, присутните на протестот, како и на Хашим Тачи, Кадри Весели, Реџеп Селими и Јакуп Красниќи.

Претходно протест во знак на поддршка на високите раководители на ОВК, на кои им се суди за воени злосторства имаше во Хаг и во Приштина. По Тирана, како што најави Ахмети „само прашање на време е одржување протест во Скопје“.

Тагови: протест Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Средба на Министерството за финансии, УЈП и Царинската управа – буџетските приходи за 8% повисоки од лани

Буџетските приходи заклучно со август изнесуваат околу 3,75 милијарди и се за 8 проценти повисоки во однос на истиот период лани, додека даночните приходи бележат раст од 8,2 проценти.

Средба на Министерството за финансии, УЈП и Царинската управа – буџетските приходи за 8% повисоки од лани

Овие податоци биле разгледани на средба на министерката за финансии Гордана Димитриеска-Кочоска со директорите на УЈП и Царинската управа, Елена Петрова и Бобан Николовски.

Од Министерството оценуваат дека буџетот засега се реализира согласно планираната динамика, без позначајни отстапувања.

Средбата доаѓа само неколку дена откако Димитриеска-Кочоска не ја исклучи можноста за нов ребаланс или прераспределба на средства поради случувањата на глобалните пазари и влијанието на кризата врз цените на енергентите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвав напад во Пакистан- најмалку 16 загинати во експлозија во џамија (ВИДЕО)

Најмалку 16 лица, вклучувајќи пет полицајци, беа убиени во напад врз џамија во северозападен Пакистан откако возило натоварено со експлозив се удри во неа. 

Крвав напад во Пакистан- најмалку 16 загинати во експлозија во џамија (ВИДЕО)

Висок полициски службеник во Пешавар ја потврди веста, според Би-Би-Си.

Борби на местото на настанот

Нападот се случил во округот Кохат, во покраината Хајбер Пахтунхва, каде што сè уште се водат престрелки меѓу напаѓачите и безбедносните сили. Еден официјален претставник изјави дека еден напаѓач е убиен и дека се во тек спасувачки операции.

Пакистанскиот претседател Асиф Али Зардари испрати „најдобри желби за брзо закрепнување на повредените во експлозијата“ во официјално соопштение.

Никој сè уште не ја презеде одговорноста за нападот. Премиерот Шехбаз Шариф, исто така, ја осуди експлозијата.

Активноста на милитантите во граничните области на Пакистан нагло се зголеми во последните месеци, а цел беа армијата и полицијата.

Исламабад тврди дека милитантите користат безбедни засолништа во Авганистан за обука и планирање напади во Пакистан. Талибанската влада во Авганистан ги негира обвинувањата и вели дека милитантното насилство е внатрешен проблем на Пакистан.

Тагови: Пакистан џамија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Том Круз открива за што разговарал со Тејлор Свифт: „Таа е брилијантна“

Том Круз откри за што разговарал со Тејлор Свифт откако заедно го гледаа натпреварот со кој тимот „Канзас Сити Чифс“ ја започна сезоната, претходно оваа недела.

Том Круз открива за што разговарал со Тејлор Свифт: „Таа е брилијантна“

Актерот гостуваше во емисијата на Џими Фалон во четвртокот и раскажа како музичката ѕвезда го учела на правилата на американскиот фудбал додека навивале за Тревис Келси од трибините.

Лекција по американски фудбал

Водителот Џими Фалон го праша 64-годишниот актер за што разговараат најголемата филмска ѕвезда и најголемата музичка ѕвезда во светот кога ќе се најдат еден до друг. Круз, кој го промовира својот нов филм „Digger“, одговори: „Таа ме учеше за американскиот фудбал“.

На изненадување на Фалон, актерот потврди дека зборува сериозно. „Таа навистина го познава спортот. Како прво, таа е генијалец. Ја следам уште од времето кога беше дете. Сите што беа таму, сите нивни пријатели... тие се прекрасен пар и магични се сами по себе. Целата екипа во таа ложа“, рече Круз.

Тој додаде дека дружењето на стадионот „Ароухед“ било посебно искуство за него. „Не бев бил на натпревар уште од пред пандемијата бидејќи постојано работев. Беше навистина забавно да се дружиме таму и да го доживеам тој момент. Таа навистина се разбира во тоа“, изјави тој.

„Брилијантен текстописец и музичар“

Круз и Фалон исто така спомнаа како 36-годишната Свифт претходно признала дека не знаела ништо за американскиот фудбал кога првпат го запознала Келси. „Таа рече: 'Знаеш, тој е толку трпелив'“, раскажа Круз. „Јас одговорив: 'Верувам дека е така'. Мислам дека секој би бил многу трпелив со неа“.

Актерот истакна дека пејачката сега целосно ја разбира играта и дека разговарале и за музика и за филмови. „Таа е духовита. Има одлична смисла за хумор. Плус, таа е брилијантен текстописец. Брилијантен музичар и режисер. Таа е многу талентирана“, заклучи Круз говорејќи за пејачката која стои зад албумот „Opalite“.

Извор: Индекс.хр

Тагови: Том Круз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер