Во Тетово протест за изградба на капела

Со протестен собир, марш по главните градски улици и булевари и палење на свеќи пред зградата на општина Тетово дел од граѓаните со православна вероисповед го искажаа своето незадоволство од започнатите а сега напуштени работи за изградба на капела во близина на православните гробишта во Тетово.

Тие се незадоволни што неисполнетото ветување од страна на градоначалничката Теута Арифи дека многу скоро ќе биде изградена капелата го прави Тетово единствен град во државата без ваков објект со што тетовци мора телата на починатите да ги чуваат во своите домови до нивното погребување.
-Според сите хигиенски и медицински услови покојните не требе да се чуваат во споствените домови туку да се чуваат во капелата. Како што знаеме единствено тетово во Република Македонија нема капела за покојните. Другите градови сите имаат капела далеку со помал број граѓани, изјави, граѓани на Тетово
.
-Имаме големи проблеми со со починатите лица – ги сместуваме во домовите и сами можете да разберете колкав е тоа проблем да се чува цела ноќ па дури два дена доаѓа некогаш тоа така а (градоначалничката ) Теута вети дека ќе го изгради и пред две години го почна и остана вака како што е.

Повеќе скопски населби утре без струја

Без струја утре од 8:30 до 12:30 часот ќе бидат дел од корисниците од улицата „Божидар Аџија", од Државниот студентски дом „Пелагонија" до улицата „Димо Хаџи Димов" во општина Кисела Вода.

Во периодот од 8.30 до 15:00 часот струја ќе немаат дел од корисниците од село Зелениково, а од 8:40 до 14:30 часот корисниците од улиците „13 Август-Охридски Договор", „1633" и „Роман Каскалиев" во општина Гази Баба.

Без струја утре од 9:00 до 11:00 часот ќе бидат дел од корисниците лоцирани на булевар „Партизански одреди" во општина Карпош, од 9:00 до 13.00 часот дел од корисниците од улицата „Мариовска" во општина Кисела Вода, а од 11:00 до 14:00 часот без струја ќе бидат дел од корисниците од улицата „Ванчо Мицков" во општина Карпош.

Како што соопшти РЦУК-Скопје, прекините се поради технички зафати во електродистрибутивниот систем.

СБ одобри 30 милијарди долари за обезбедување на храна

Светска банка (СБ) соопшти дека ќе стави на располагање 30 милијарди долари за да помогне во снабдувањето со храна, што е отежнато поради руската инвазија врз Украина.

Предвидено е 12 милијарди долари да бидат наменети за нови проекти и повеќе од 18 милијарди долари од постоечките проекти за храна и исхрана кои се одобрени, но сè уште не се исплатени.

– Порастот на цените на храната има катастрофални ефекти врз најсиромашните и најранливите. За информирање и стабилизација на пазарот, клучно е сега земјите да даваат јасни изјави за идното зголемено производство како одговор на руската инвазија врз Украина, изјави претседателот на Групацијата Светска банка, Дејвид Малпас.

СБ најави и дека очекува нови проекти за поддршка на земјоделството и наводнувањето, како и за социјалната заштита, со цел да се ублажат ефектите од повисоките цени на храната врз сиромашните. Повеќето ресурси одат во Африка и Блискиот Исток, Источна Европа и Централна Азија и Јужна Азија.

Тие области се меѓу најтешко погодените од војната во Украина. Земјите како Египет се во голема мера зависни од украинската и руската пченица и се борат за снабдување затоа што Русија го блокираше извозот на украинските земјоделски производи од пристаништата на Црното Море и воведе ограничувања за домашниот извоз.

ВМРО-ДПМНЕ: Дали Џафери во Берлин ќе му каже на германскиот колега дека ги пцуе вработените?

Дали Џафери во Берлин ќе му каже на својот германски колега дека ги пцуе, вреѓа и врши мобинг на вработените во собранието?

Нели му е непријатно на Талат Џафери и Димитар Ковачевски кога одат во земјите од ЕУ и нашите стратешки сојузници, каде моралните вредности се на највисоко ниво, и дали не се срамат дека тие дознале за нивниот примитивизам?

Како се чувствува Џафери кога зборува за човекови права, демократија и етички кодекс, а тој самиот е причина за трауми на десетици вработени во собранието?

Џафери ја срами Македонија, и позицијата која ја држи.

Талат Џафери по доаѓањето од Берлин треба да си поднесе оставка, а доколку тоа не го стори истото од него да го побара Димитар Ковачевски. Доколку и Ковачевски продолжи да релативизира, тој треба да знае дека народот го гледа и него како одобрувач на односот на Џафери, но и отворено ќе се сомнева јавноста дека односот на Џафери, е и однос на Ковачевски со неговите вработени.

Примитивизмот на оваа власт е исто така една од причините зошто ни се потребни предвремени парламентарни избори час поскоро.

Со почит,

Центар за комуникации на ВМРО-ДПМНЕ

притисни ентер