Во Тетово почна Балканско првенство во одбојка на песок - Канал 5

Други спортови

Во Тетово почна Балканско првенство во одбојка на песок

По прв пат во Тетово се одржува Балканското првенство во одбојка на песок за играчи до 22 години. Натпреварите се играат на градскиот плоштад овие три дена од 25 до 27 јуни. 

Во Тетово почна Балканско првенство во одбојка на песок

Покрај македонската репрезентација учествуваат уште одбојкари и одбојкарки од Албанија, Косово, Турција, Романија и Молдавија.

- Ова е еден од најдобрите моменти па да се организира еден ваков спорт и од самиот интерес на граѓаните на граѓаните на Тетово излегува дека ова ќе биде долго паметено затоа што ваков вид на спорт и конкуренција не е организирано долго време. Се надеваме дека вакви настани ќе организираме и понатаму и ова ќе стане традиција во Тетово, изјави тетовскиот градоначалник Биљал Касами на вчерашното свеченото отворање на првенството.

Министерот за спорт Борко Ристовски посочи дека овој настан е порака за соединување на сите заедници коишто живеат во Македонија, промовирање на спорт на вистински вредности

- Драго ми е што граѓаните на Тетово ќе може да уживаат во се она што ќе се случува во идните неколку дена во Тетово. Со големо срце и со драга волја Министерството спорт поддржува и финансира вакви настани коишто пак ќе повторам значат промовирање на вистински вредности на мостови коишто треба да не обединуваат сите и да заедно градиме една поубава држава за сите граѓани, без разлика од кој ентитет живеат во Македонија ќе може да уживаат и во вакви настани спортски којшто значат многу во разубавувањето и создавање на една заедница, посочи Ристовски.

На плоштадот е поставена песочна подлога и монтажни трибини за следење на натпреварите. Дуелите помеѓу репрезентациите се одвиваат во два термини од 9 до 11 часот и од 17 до 22 часот. Во петок се финалните натпревари.

Тагови: одбојкари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Аргентина по натпреварот ги обвини Британците за воен упад: Воен брод влезе во нашите води (ВИДЕО)

Аргентина обвини дека британски воен брод нелегално влегол во нејзини води, само неколку часа откако ја победи Англија во полуфиналето на Светското првенство.

Аргентина по натпреварот ги обвини Британците за воен упад: Воен брод влезе во нашите води (ВИДЕО)

Аргентина обвини дека британски воен брод нелегално влегол во нејзини води, само неколку часа откако ја победи Англија во полуфиналето на Светското првенство, објави „Индипендент“.

Во соопштение објавено вчера вечер, аргентинскиот министер за надворешни работи Пабло Кирно ја обвини Кралската морнарица за „воен упад“ во аргентинските води.

Тој тврдеше дека бродот „ХМС Медвеј“ влегол во аргентинските води на почетокот на јули без претходно формално да ја информира владата. Во својата изјава, тој рече дека до британската амбасада е испратена официјална протестна нота во која се изразува најсилното противење на акцијата.

ХМС Медвеј е патролен брод од класата „Ривер“, кој обично е стациониран на Фолкландските Острови.

Инцидентот се случи откако играчите на Аргентина предизвикаа контроверзии со кревањето транспарент на кој пишуваше „Лас Малвини сон Аргентинас“, што во превод значи „Фолкландските Острови се аргентински“, по нивната победа од 2-1 над Англија во среда навечер.

Политичките тензии меѓу Аргентина и Обединетото Кралство околу Фолкландските Острови продолжуваат, кулминирајќи со вооружен конфликт во 1982 година откако Аргентина ги нападна островите.

Буенос Аирес долго време тврди дека има суверенитет над Фолкландските Острови, кои се оддалечени околу 12.800 км од Велика Британија и околу 480 км од копнена Аргентина.

Пред натпреварот, потпретседателката на Аргентина, Викторија Виљареал, ја опиша Англија како „окупатори“ и „узурпирачки пирати“ во подготовките за натпреварот, а по натпреварот објави порака за победата: „Не беше само уште еден натпревар“, заедно со видео клип на кој се појавија аргентински војници.

Подоцна во среда навечер, таа сподели фотографии од играчи кои држат транспарент, со порака што се преведуваше како: „Фолкландските Острови се аргентински! Им забранија да влезат на стадионот и заборавија дека ги носиме во нашата крв и срца“.

Во меѓувреме, Кирно напиша на социјалните мрежи:

„Во дипломатијата, работата не се завршува со извици како постигнување голови, туку нè води истата решителност - гордоста што сме Аргентинци и постојаната одбрана на нашите интереси“.

Британскиот министер за бизнис, Питер Кајл, го опиша транспарентот како „целосно несоодветен“ и ја повика ФИФА да спроведе истрага.

„Отидов и легнав пред транспарентот да биде донесен на теренот, но ги видов сликите утрово и, секако, е целосно несоодветен. Политиката треба да се држи подалеку од фудбалот. Тоа е многу јасно правило на Светското првенство, но сите последици што може да следат сега се одлука на ФИФА“, рече тој.

На прашањето за транспарентот, Даунинг стрит ги повтори ставовите на портпаролот на премиерот во понеделник, кој рече: „Ставот на Велика Британија е јасен. Луѓето од островите постојано ја изразуваат својата желба да останат британска територија и нивното право на самоопределување е од најголема важност. Луѓето од Фолкландските Острови се Британци и имаат право сами да одлучуваат за својата иднина“.

Тагови: Аргентина воен брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Менаџерот на Верстапен ја откри одлуката за иднината во Ред Бул

Холанѓанецот Макс Верстапен (28) ќе остане во Ред Бул до истекот на неговиот договор во 2028 година, потврди неговиот менаџер Рејмонд Вермелен, со што се стави крај на шпекулациите за иднината на четирикратниот светски шампион.

Менаџерот на Верстапен ја откри одлуката за иднината во Ред Бул

Менаџерот на 28-годишниот Холанѓанец беше јасен во врска со гласините што го поврзуваат Верстапен со трансфер во Мекларен или Мерцедес. „Имаше многу написи, но единствената вистина е дека Макс сака да го почитува својот договор до крајот, до 2028 година“, рече Вермелен. Тој потврди дека договорот содржи клаузула за предвремено раскинување, но нагласи дека нема да се активира. „Не ја користевме таа клаузула порано, а нема ни во иднина“, рече тој.

Лоша сезона како извор на шпекулации

Гласините за заминување на Верстапен се засилија поради невообичаено лошите резултати на Ред Бул оваа сезона. Четирикратниот светски шампион (2021-2024), кој има 71 победа во кариерата, моментално е само на седмото место во пласманот кај возачите со 76 бода. Лидер е Италијанецот Кими Антонели со 179 бода, а пред Холанѓанецот се уште Џорџ Расел (154), Луис Хамилтон (147) и Шарл Леклер (108).

Ситуацијата не е подобра ниту во пласманот кај конструкторите, каде што Ред Бул го држи четвртото место со 128 бода. Напред се Мерцедес со 333 бода, Ферари со 255 и Мекларен со 179 бода.

Тагови: Макс Верстапен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 11 загинати во пожар во дом за згрижување во Алжир, пожарникарите со часови неуспешно се бореле (ВИДЕО)

Единаесет лица загинаа, а 19 се повредени во пожар што избувна во дом за згрижување во Алжир, главниот град на истоимената земја.

Најмалку 11 загинати во пожар во дом за згрижување во Алжир, пожарникарите со часови неуспешно се бореле (ВИДЕО)

Цивилната заштита објави дека пожарникарите ја започнале интервенцијата ноќеска во 3:30 часот по локално време, пишува Би-Би-Си.

Интервенција на пожарникарите

Повеќе од три часа по почетокот на операцијата, пожарот сè уште се гаснел.

Десет противпожарни возила и 16 амбулантни возила биле испратени на терен. Властите известија дека за време на интервенцијата, пет лица со посебни потреби биле згрижени и преместени на безбедна локација.

Посетата на премиерот и контекст на топлотниот бран

Алжирскиот премиер Сифи Гриб посети две болници во Алжир за да ги посети повредените во пожарот. Државните медиуми објавија информации за посетата со фотографија од премиерот покрај дете во болнички кревет.

Податоците за возраста на жртвите не се објавени. Инцидентот се случил во време кога Алжир е во канџите на топлотен бран. Според извештајот на новинската агенција АФП, во земјата се регистрирани речиси 1.000 пожари за период од една недела.

Тагови: Алжир пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер