Во тек е снимањето на три долгометражни играни филмови поддржани од Агенцијата за филм - Канал 5

Култура

Во тек е снимањето на три долгометражни играни филмови поддржани од Агенцијата за филм

Во моментов се снимаат три долгометражни играни филмови, сите финансиски поддржани од државата, кои ветуваат нови квалитетни и возбудливи приказни на големото платно, информира Агенцијата за филм на Република Македонија.

Во тек е снимањето на три долгометражни играни филмови поддржани од Агенцијата за филм

Во тек е снимањето на првиот долгометражен игран филм на Тамара Котевска, насловен „Човек против јато“. Филмот се снима во рурална Македонија, „каде изградбата на нов автопат го урива мирот на едно мало село и ја соочува традицијата со модернизацијата“. Агенцијата потсетува дека Котевска е режисерка со две номинации за Оскар и добитничка на награди од фестивалот Санденс.

Во нејзиниот прв долгометражен игран филм главните улоги ги толкуваат Кирил Андоновски, Верица Недеска, Лола Трендафиловиќ, Горан Богдан, како и актери од Македонија, Хрватска, Германија, Холандија и Бугарија.

-Филмот е во продукција на „Видео студио Петковски“, во соработка со партнери од Хрватска, Грција, Турција, Србија и Црна Гора, и е финансиски поддржан од Министерството за култура на РСМ, Еуроимаж и филмските центри на соработничките земји, наведува Агенцијата за филм.

Се снима и дебитантскиот долгометражен филм со работен наслов „Потстанар“, во режија на Марко Ѓоковиќ, во продукција на „Сектор филм“. Сценариото е на Ѓоковиќ и Симеон Венциславов, а инспирација за филмот е драмскиот текст „Владимир“ на словенечкиот автор Матјаж Жупанчиќ.

-Филмот ја истражува тенката линија меѓу личната слобода и манипулацијата, прикажувајќи ја интеракцијата меѓу тројца цимери и еден мистериозен новодојденец, чија вистинска природа полека се разоткрива, се посочува во соопштението.

Главните улоги ги играат младите македонски актери Ана Јовановска, Илија Волчевски, Хакан Даци и актерот од БиХ Албан Укај. Филмот се реализира во копродукциска соработка со партнери од Србија и Црна Гора, со поддршка од филмските центри на Македонија, Србија и Црна Гора.

Исто така, почнато е снимањето и на долгометражниот игран филм „Договор“ во продукција на „Arnel Production“, во режија на Сенад Абдули. Фотографијата ја потпишува Филип Јорданов, а во главните улоги настапуваат Шеќерије Илази, Елмир Сејфулаи и Лек Фазлија.

Како што соопшти Агенцијата, филмот е „современа драма што го истражува човечкото достоинство и комплексноста на донесување одлуки во социјално предизвикувачки услови“.

-Овие три нови филмски проекти се потврда за постојаниот развој на македонската кинематографија, како и за разновидноста на креативниот пристап што се појавува на нашата филмска сцена. Агенцијата за филм останува посветена на поддршка на филмските автори и продуценти, преку унапредување на условите за креативна работа и соработка, како и преку промоција на македонскиот филм во меѓународен контекст, информира Агенција за филм.

Тагови: Агенцијата за филм играни филмови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Расте бројот на жртви во превртениот ферибот близина на Кипар- најмалку 20 патници се исчезнати (ВИДЕО)

Најмалку седум лица загинаа, а повеќе од 20 се водат како исчезнати откако ферибот се преврте покрај брегот на Кипар.

Расте бројот на жртви во превртениот ферибот близина на Кипар- најмалку 20 патници се исчезнати (ВИДЕО)

Фериботот, кој се движеше кон Турција од северниот град Киренија, превезуваше 259 патници и осум членови на екипажот.

Според турските власти во северен Кипар, спасувачите стигнале до 237 лица. Повеќе од 160 се спасени и извлечени на брегот или се транспортираат. Досега се пронајдени седум тела, додека судбината на 23 лица сè уште е непозната.

Идентитетите на жртвите засега не се објавени.

Властите исто така не го објавија точниот број на повредени лица. Тие рекоа дека сите повредени кои беа извлечени се префрлени или се префрлаат во болници.

Бројни спасувачи, нуркачки екипи и хеликоптер се на местото на настанот, летајќи над областа и помагајќи во евакуацијата на преживеаните.

Фериботот се превртел кратко по напуштање на пристаништето. Според преживеаните патници, кратко по напуштањето на пристаништето, забележале дека вода влегува во предниот дел на бродот, за што веднаш ги известиле властите.

Некои патници кои беа извлечени на брегот тврдат дека „екипажот не реагирал соодветно“ и дека капетанот не почнал веднаш да го свртува бродот и да се враќа во пристаништето. Откако водата веќе многу навлегла во фериботот, тој почнал да го свртува, кога бродот се превртел.

Тагови: кипар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Премиерката на Исланд со реакција по референдумот: Ова не го сметам за пораз

Граѓаните на Исланд на референдум одлучија да не започнат преговори за приклучување кон Европската Унија.

Премиерката на Исланд со реакција по референдумот: Ова не го сметам за пораз

Според податоците објавени од јавниот радиодифузен сервис RUV во неделата, откако беа преброени повеќето гласови, опцијата „против“ доби 52,8 проценти, додека 47,2 проценти од гласачите гласаа за започнување преговори, објавува The Guardian.

Реакција на премиерката

Владата во Рејкјавик, која го предложи референдумот, водеше кампања за почеток на преговорите. Премиерката Криструн Фростадотир изјави пред гласањето дека тоа е можност „сега или никогаш“ и дека негативниот исход трајно ќе ја заврши дебатата за членство.

По објавувањето на резултатите, таа рече дека се надева дека гласањето нема да создаде поделби во општеството. „Не го гледам ова како пораз. Знам дека некои луѓе се во шок, но разговарав со голем број граѓани низ целата земја и луѓето се отворени за различни исходи“, изјави Фростадотир за RUV.

Таа призна дека многумина во Исланд, особено во руралните средини, се загрижени за влијанието на членството врз земјоделството, рибарството и природните ресурси. „Ветувам дека ќе се справиме одговорно со тие теми и ќе ги почитуваме тие стравови“, рече таа.

Аргументи во кампањата

Застапниците на приклучувањето кон ЕУ тврдеа дека членството може да донесе пониски каматни стапки и да обезбеди поголема безбедност во контекст на војната во Украина и најавата на американскиот претседател Доналд Трамп за анексијата на Гренланд.

Од друга страна, противниците истакнаа дека членството би го загрозило суверенитетот на земјата и нејзините води богати со риба. Исходот од референдумот го поздрави лидерката на француската десница, Марин Ле Пен.

Одгласи од Европа

„Во време кога некои се залагаат за посилен федерализам и пренос на суверенитетот на Европската комисија, ова гласање нè потсетува дека е можна поинаква Европа - Европа на слободни, суверени нации кои доброволно соработуваат по прашања од заеднички интерес“, напиша Ле Пен на социјалната мрежа X.

Лидерот на британската партија „Реформа на Велика Британија“, Најџел Фараж, објави на истата платформа: „Му честитам на Исланд што гласаше за зачувување на својата независност“.

Долготрајна дебата

Исланд првпат аплицираше за членство во ЕУ во 2009 година, откако финансиската криза силно ја погоди економијата на земјата. Евроскептичната влада ги прекина тие преговори во 2013 година.

Геополитичките превирања, вклучувајќи ја војната на Блискиот Исток и американските увозни тарифи, повторно го разгореа прашањето за кое Исланѓаните дебатираат повремено со децении.

Тагови: Исланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Падобранец „се обеси“ на високонапонски далновод- драма во Романија (ВИДЕО)

Единаесет припадници на романската армија скокнаа од авион, но ветерот одеднаш го смени правецот.

Падобранец „се обеси“ на високонапонски далновод- драма во Романија (ВИДЕО)

Еден од падобранците се заглави на далновод, додека другиот слета на соларни панели, пишува порталот Observatornews.ro.

Инцидентот се случил во четврток, кратко по 16 часот, во близина на аероклубот во Тргу Муреш, каде што 11 припадници на армијата учествуваа во вежба со падобран. Временските услови првично изгледаа поволни за таква операција, со брзина на ветерот од околу 5 метри во секунда.

Сепак, откако војниците го напуштија авионот и ги отворија своите падобрани, времето нагло се промени. Брзината на ветерот достигна дури 16 метри во секунда, повеќе од три пати поголема од нормалната брзина, што значително им го отежна слетувањето.

Едниот падобранец беше однесен од силни налети на ветер кон високонапонски далноводи, каде што се заглави, додека другиот беше однесен на покривот на метална сала, на фотоволтаични панели.

Исплашените очевидци, кои виделе што се случило, се јавиле на 112. Војникот кој се заглавил меѓу далноводите успеал да се ослободи и безбедно да слета на земја.

YouTube video

Двајцата падобранци биле префрлени во болница со амбулантни возила на SMURD, но лекарите утврдиле дека имале голема среќа и дека нивните животи не се во опасност.

Војникот кој завршил на покривот од салата претрпел повреда на ногата и бил пуштен дома, додека другиот, кој се заглавил на високонапонските далноводи, бил задржан на набљудување .

Тагови: падобранец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер