Во среда на 25 јуни ќе биде објавена пресудата за убиствата на Вања и Панче - Канал 5

Во среда на 25 јуни ќе биде објавена пресудата за убиствата на Вања и Панче

Манев во завршните зборови кажа дека за Давитков дознал кога Палевски му се јавил од турската граница но сега се одлучил да го открие неговиот идентитет.

Во среда на 25 јуни ќе биде објавена пресудата за убиствата на Вања и Панче

Уапсен е Зоран Давитков, член на Десна и вработен во Народна Банка, откако Велибор Манев кој е дел од обвинетите за убиствата на Вања Ѓорчевска и Панче Жежовски го посочи како лице кое по наредба на Љупчо Палевски требало да се ослободи од ранецот во кој се наоѓал пиштолот со кој било пукано. Манев во завршните зборови кажа дека за Давитков дознал кога Палевски му се јавил од турската граница но сега се одлучил да го открие неговиот идентитет.

-Бев згрозен од уцената, Павлевски нѐ тераше да го слушаме. Откако ги изврши убиствата, ми стана јасно, но многу доцна сфатив дека имал двоен план. Ова е последната коцка од сложувалката. Дека ранецот е кај Зоран Давитков, член на Десна, дознав кога Палевски ми се јави од турската граница и ми кажа да му се јавам на Зоран, за тоа што го зел од канцеларијата, како што се изрази Палевски „пакетот“, да го отстрани од кај него, да го фрли или да го уништи, да не може да се најде. Останува да си ја слушнам изречената казна, оптоварен со срамот, каењето, душевната болка и да размислувам за моите милион неодговорени прашања. Простете ми што излегов ваква будала.- Велибор Манев – Обвинет

Обвинителството ја потврди информацијата за апсењето и најави дека се преземаат и други истражни дејствија во врска со случајот.

Палевски во завршните зборови не се осврна за лицето кое го посочи Манев. За неговиот адвокат пак ова е нечесен начин на завршување на постапката а пред судот побара ослободителна пресуда за Палевски.

Првообвинетиот Љупчо Палевски Палчо пак по речиси два часа во кои даваше завршни зборови за прв пат отворено го посочи Велибор Манев како организатор на Убиствата а Боре Видевски за извршител. Обвинението според него е недокажано и со низа пропусти.

-Обвинетиот Велибор Манев е организатор, Боре Видевски е пукач а Влатко Кешишев е стражар. Нема трага дека сум пристутен на две места на грабнување и убиства и во две возила. ОЈО направило обвинение без ниту еден доказ и вештачен телефон. Нема мои траги во кангуто. Како е можно да има траги од другите обвинети само на не од мене? Намерата на ОЈО уште од 5.12.2023 е да ве убеди да ме осудите, но зошто не ги гледате доказите изведени на рочиштата.- Љупчо Палевски Палчо – Обвинет

Обвинетиот Боре Видевски не даде завршен збор, Влатко Кешишев изрази каење и рече дека се направил под притисок на Палевски. Таткото на Вања, Александар Ѓорчевски пак бараше од Палевски да одговори зошто го извршил убиството.

Со денешните завршни зборови и околу 40 одржани рочишта заврши судската постапка за грозоморните убиства на 14 годишната Вања Ѓорчевска од Скопје и 74 годишниот велешанец Панче Жежовски кои се случија во ноември 2023. Јавното обвинителство за Палевски, Манев, Видевски и Кешишев претходно побара доживотен затвор, а за Ѓорчевски соодветна затворска казна. Пресудата ќе биде објавена во среда на 25 јуни.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Манасиевски: Филипче и СДС со двојни аршини за Алта банка, гласни денес, а молчеа во 2023 година

Филипче и СДС денес ја обвинуваат Алта банка и Давор Мацура. Но избегнуваат да одговорат за 2023 година.

Манасиевски: Филипче и СДС со двојни аршини за Алта банка, гласни денес, а молчеа во 2023 година

За време на нивната власт, токму денешните пратеници на СДС беа членови на Владата кои одобриле државното правобранителство да влезе во деловни односи токму со Алта банка и Давор Мацура.

Ако имале информации за сомнителен капитал и за Давор Мацура, зошто тогаш не ја предупредиле јавноста? Кои проверки биле направени пред продажбата на акциите? И кој ја одобрил постапката?

Денес Филипче и СДС се обидуваат да се претстават како заштитници на граѓаните. Лажните ПР политики не им проаѓаат кај граѓаните.

Филипче не може да ги обвинува другите, а да молчи за одлуките донесени во време на СДС. Граѓаните заслужуваат одговор, зошто за Алта банка станаа гласни дури откако престанаа да бидат власт?

Валентин Манасиевски, портпарол на ВМРО-ДПМНЕ

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Антропик“ собра рекордни 107,3 милијарди долари, вредноста достигна 1,5 билиони долари

Американската компанија „Антропик“, која стои зад четботот „Клод“, постави нов светски рекорд со најголемата почетна јавна понуда на акции во историјата.

„Антропик“ собра рекордни 107,3 милијарди долари, вредноста достигна 1,5 билиони долари

Компанијата за вештачка интелигенција „Антропик“ (Anthropic), производител на четботот „Клод“ (Claude), реализираше рекордна иницијална јавна понуда на акции (ИПО), преку која обезбеди 107,3 милијарди долари, вклучувајќи го и приватниот пласман.

Компанијата продаде 956,4 милиони акции по цена од 83 долари, додека седумтемина коосновачи продадоа дополнителни 23,6 милиони акции. Цената беше повисока од првично планираниот опсег од 70 до 78 долари.

Со берзанското деби, вредноста на „Антропик“ достигна околу 1,5 билиони долари, со што компанијата се вброи меѓу 15-те највредни котирани компании во светот.

Anthropic е основана во 2021 година, а ја основале поранешни лидери на OpenAI. Денес, овие две компании се меѓу главните конкуренти во битката за превласт во секторот на вештачката интелигенција.

Според текстот, OpenAI не очекува да излезе на берза пред следната година. Освен него, Anthropic се соочува со конкуренција од Google, американски и кинески стартапи и бизнисот со вештачка интелигенција на SpaceX. Финансиските извештаи откриваат дека Антропик веќе има преземено долг од 6,2 милијарди долари, што компанијата го опишува како „значаен“. И покрај високата пазарна вредност и интересот на инвеститорите, компанијата сè уште работи со загуба според стандардните сметководствени правила.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Јон Фрчкоски: 20 дена од скандалот со Алта банка, една недела од кривичната пријава – Обвинителот Савески молчи!

Поминаа 20 дена откако пукна скандалот со Алта банка во Македонија. Помина и цела недела откако СДСМ поднесе кривична пријава против гувернерот Трајко Славески и други одговорни лица.

Јон Фрчкоски: 20 дена од скандалот со Алта банка, една недела од кривичната пријава – Обвинителот Савески молчи!

А од јавниот обвинител Ненад Савески – молк.

Граѓаните не можат да дојдат до своите пари. Пензионерите не можат да си ги подигнат пензиите. Банкарскиот систем е загрозен.

Не се знае дали е отворена истрага за Алта банка? Дали се повикани Славески и Мицкоски да дадат исказ заради тоа што ја донеса пералницата на пари на Вучиќ во Македонија?

Обезбедни ли се документите со кои Славески дал согласност Алта да влезе во Македонија? Проверени ли се сметките и трансакциите?

Граѓаните бараат одговорност од сите што ѝ ја отворија вратата на пералницата на пари на Вучиќ.

Во Србија на големо се постапува. Отворена е истрага. На банката ѝ е одземена дозволата и таа е во стечај. Сопственикот Мацура е уапсен, се истражуваат речиси 400 милиони евра.

Од вчера се блокирани и сметките на неговата Алта груп, а Алта лизинг остана без дозвола за работа.

Само во Македонија сè уште чекаме и ништо не се презема.

Во меѓувреме, Мицкоски и Славески, истите што ја внесоа Алта во Македонија, сега брзаат да ја продадат.

Ако на аукцијата нема купувач, цената ќе паѓа. Прво никој нема да се јави, па на крај ќе ја продадат за џабе. Тоа е моделот. А потоа истата банда ќе го обвини СДСМ и за ниската цена. Познат арамиски манир.

Дали со брзата продажба се прави обид да се обезвредни банката и да се заташкаат сметките и трансакциите?

Кој ќе купи банка во ваква состојба? Што ако од српска страна се оспори продажната цена и се поднесе тужба? Повторно сметката македонските граѓани ќе ја плаќаат.

Институциите мора да реагираат сега и да ги заштитат граѓаните на Македонија.

Савески мора да го прекине молкот и да постапи независно и по закон.

Секое одложување им дава можност на Славески и Мицкоски да го заташкаат случајот, да се уништат докази, записи за трансакции, сметки.

Ако Мицкоски му врши притисок, по телефон или на кој било друг начин, Савески нека го каже тоа јавно и нека го одбие.

Времето одминува, доколку Савески не постапи ќе стане соучесник, тоа мора да му биде јасно.

Прес конференција на СДСМ, Јон Фрчкоски – член на Извршниот одбор

YouTube video

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер