Балкан

Во Србија во 2024 година, 37.000 жители помалку од претходната, природниот прираст останал негативен

Во 2024 година, Србија имала 6,59 милиони жители, што е за околу 37.000 помалку од претходната година, додека просечната возраст на населението достигнала 44 години.

Во 2024 година, Србија имала 6,59 милиони жители, што е за околу 37.000 помалку од претходната година, додека просечната возраст на населението достигнала 44 години, а очекуваниот животен век бил 78,4 години за жените и 73,7 години за мажите, наведено е во „Статистичкиот годишник“ на Републичкиот завод за статистика објавен денеска.

Природниот прираст останал негативен и изнесувал - 37.385. Во Србија се родени 57.734 деца, а починале 95.119 лица, додека просечната возраст на мајката при раѓањето на првото дете била 29,9 години.

Во 2024 година, во Србија се склучени 31.067 бракови, а 10.611 се разведени.

Според проценките, во Србија има 2,47 милиони домаќинства со просечно 2,66 членови, додека 57,2 проценти од населението живее во урбани средини.

Бруто домашниот производ во 2023 година изнесувал 75,8 милијарди евра, што е номинално повисоко за 18,2 проценти, а реално за 3,8 проценти во споредба со претходната година. Просечната нето плата во 2024 година изнесувала 98.143 динари, додека стапката на вработеност беше 51,4 проценти, а стапката на невработеност беше 8,6 проценти. Во областа на економијата, индустриското производство се зголеми за 2,4 проценти, додека земјоделското производство се намали за 1,6 проценти. Вредноста на извозот на стоки изнесуваше 35,7 милијарди евра, а вредноста на увозот 47,6 милијарди евра, што резултираше со дефицит од 11,9 милијарди евра.

Во образовниот систем, 57.756 ученици завршиле средно образование, а 38.963 ученици завршиле вишо образование. Во основните училишта имало 512.000 ученици, што е намалување во споредба со 2023 година.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026: Мароко во пенал рулет ја елиминира Холандија, а Парагвај Германија

Ноќ на изненадувања на 23 Светско фудбалско првенство. Елиминирани фаворитите за висок пласман, Германија и Холандија.

Светскиот шампион од Бразил, силната Германија уште на стартот на елиминациската фаза го заврши своето учество на Мундијалот во САД, Канада и Мекдсико, слична судбина доживеа и фаворизираната Холандија.

Популарните панцири, во елиминациската рунда се декласирани од незгодниот Парагвај на панели откако во регуларниот тек дуелот заврши без победник 1-1.

Во пенал рулет е елиминирана и селекцијата на Холандија.

Фудбалерите на Мароко се квалификуваа за осминафиналето на Светското првенство со победа над Холандија по подобро изведување на пенали.

Во регуларниот дел натпреварот заврши со 1:1истиот епилог беше и по двете продолженија од по 15 минути, за потоа во пенал рулетот африканската репрезентација да извојува голема победа со 3-2.

Во осминафиналето Мароко ќе игра против еден од кодомаќините на Мундијалот, тимот на Канада.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и топло, попладне услови за локална појава на нестабилност

Сончево и топло со мала до умерена облачност. Во вечерните часови ќе има услови за локална појава на нестабилност со пороен дожд, грмежи и засилен ветер, информифраат од УХМР.

Ќе дува слаб до умерен ветер од североисточен правец. Минималната температура ќе биде во интервал од 10 до 19, а максималната ќе достигне од 30 до 39 степени.

Според Управата за хидрометеоролошки работи денеска во Скопје времето ќе биде , сончево и топло со мала до умерена облачност. Ќе дува слаб до умерен ветер од југоисточен правец. Во попладневните часови во делови од котлината ќе има услови за појава на краткотрајно невреме со пороен дожд, засилен ветер и грмежи. Минималната температура ќе се спушти до 18, а максималната ќе достигне до 37 степени.

Од денеска попладне до сабота времето ќе биде променливо облачно и нестабилно наместа со повремен дожд и грмежи особено во попладневните часови и во текот на ноќта. Локално процесите ќе бидат поинтензивни во форма на невреме со пообилен пороен дожд, електрични празнења, силен ветер (над 60 km/h) и појава на град. Од среда температурите ќе бидат во опаѓање, особено за време на викендот кога ќе дува умерен до засилен северен ветер.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лина Ѓорчевска дебитира на Вимблдон, ден за историја во македонскиот спорт

Најдобрата тенисерка на Македонија Лина Ѓорческа денеска отвора нова страница во историјата на нашиот спорт.

Ѓорческа точно на пладне во 12 часот го игра првиот меч за една македонска тенисерка на Грен слем турнир, и тоа меч на легендарниот Вимблдон, неофицијалното светско првенство во тенис.

Противничка на Лина е минатогодишната финалистка, шестата тенисерка на светот, Американката Аманда Анисимова.

На патот кон најголемиот светески турнир, Ѓорческа во квалификациите извојува три големи победи,против Анхела Фита Болуда од Шпанија со 2-0,потоа ја победи Португалката Франциска Жорге со 2-1 за на крајот Лина да биде подобра и од Лаура Бронцети од Италија со 2-0 во сетови (6-1 6-2).

На Лина и посакуваме успех и во денешниот историски меч за продолжување на сонот, успешен настап на Грен слемот во Вимблдон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.