Балкан

Во Србија стапката на ризик од сиромаштија 19,7 отсто

Во 2024 година, стапката на ризик од сиромаштија во Србија изнесувала 19,7 проценти, а во споредба со 2023 година е помала за 0,2 процентни поени.

Во исто време, стапката на ризик од сиромаштија или социјална исклученост изнесува 24,3 проценти, што е пониско од претходната година за 2,9 процентни поени, соопшти српскиот Завод за статистика.

Стапката на ризик од сиромаштија го претставува процентот на лица чиј расположлив еквивалентен приход е помал од прагот на ризик од сиромаштија, кој во 2024 година изнесуваше 35.606 динари (303 евра) во просек месечно за едночлено домаќинство.

Прагот на ризик од сиромаштија за домаќинство со двајца возрасни и едно дете под 14 години беше 64.091 динар, додека за домаќинство од четири лица со двајца возрасни и две деца под 14 години беше 74.773 динари.

Лицата над 65 години се најмногу изложени на ризик од сиромаштија. Речиси еден од четири, или 23,6 проценти, е на работ на сиромаштијата, додека ова се однесува на 22,7 проценти од населението во возрасната група од 55 до 65 години.

Лицата на возраст од 25 до 54 години имале најниска стапка на ризик од сиромаштија - 16,4 проценти.

Според видот на домаќинството, највисока стапка на ризик од сиромаштија имало кај едночлените домаќинства составени од лица над 65 години - дури 36,9 проценти.

Исто така, ризикот е висок кај семејствата со три или повеќе издржувани деца - 29,1 процент.

Од друга страна, домаќинствата со три или повеќе возрасни лица имале најниска стапка на ризик од сиромаштија - 11,8 проценти.

Како што може да се очекува, невработените имаат најголем ризик од сиромаштија, повеќе од половина (50,8 проценти). Самовработените лица имале повисока стапка на ризик од сиромаштија од лицата вработени кај работодавач, 12,7 проценти во споредба со 4,8 проценти. Кај пензионерите, оваа стапка била 21,1 процент.

Стапката на ризик од сиромаштија се зголемува на 24,7 проценти ако социјалните бенефиции се исклучени од приходите. А дека пензиите се најважниот социјален фактор, покажува и фактот дека стапката на ризик од сиромаштија кога пензиите се исклучени од приходите е дури 41,6 проценти.

Стапката на ризик од трајна сиромаштија е намалена на 11,6 проценти од 12,9 проценти во 2023 година.

38 проценти од граѓаните живеат во домаќинства кои не можат да си дозволат еднонеделен одмор далеку од дома. Околу 15 проценти од населението не можат да си дозволат месо или риба за оброк секој втор ден. Повеќе од една третина не можат да поднесат неочекуван трошок, а 9,3 проценти не можат да си дозволат соодветно греење на станот.

Трошоците за домување претставуваат еден од најголемите финансиски товари за домаќинствата. За 46,6 проценти, овие трошоци значително го оптоваруваат буџетот на домаќинството, а за 49,4 проценти го оптоваруваат до одреден степен. Само четири проценти од домаќинствата велат дека трошоците за домување воопшто не ги оптоваруваат.

Тагови: Србија сиромаштија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Нвидија“ истражува наводи за врски на извршниот директор со осомничена кинеска шпионка

Американскиот технолошки гигант „Нвидиа“ отвори независна истрага по медиумските извештаи дека нејзиниот извршен директор Џенсен Хуанг имал блиски односи со жена осомничена дека е кинески шпион.

Според „Њујорк Тајмс“, американските разузнавачки претставници веруваат дека кинеската бизнисменка Алис Хуанг работела за Пекинг.

Од компанијата соопштуваат дека одборот на директори засега нема причина да верува дека биле компромитирани деловните тајни или националната безбедност на „Нвидиа“.

Хуанг, пак, признал дека бил неверен на сопругата и јавно ѝ се извинил за болката што ѝ ја нанел нејзе и на нивните деца.

Од „Нвидиа“, која е меѓу највредните компании во светот и е клучен производител на хардвер за вештачка интелигенција, порачуваат дека Хуанг и натаму е посветен на водењето на компанијата. Независната истрага треба да ги разјасни наводите и евентуалните последици од неговите контакти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во болница почина убиецот од Полска

Напаѓач кој во саботата уби шест лица во Краков, Полска, при смртоносен напад на главниот градски плоштад, почина во болница, објави новинската агенција Ројтерс, повикувајќи се на полициски извори.

24- годишниот убиец бил прогласен за мртов во 4:30 часот наутро.

„Уште од самиот почеток, неговата состојба беше многу сериозна, критична. Се водеше постојана борба за спасување на животот на овој човек, и покрај злото што го стори. Тој имаше најмалку три операции“, стои во соопштението.

Нападот на Главниот плоштад во Краков се случи во саботата, околу 15 часот. Дваесет и четиригодишен маж со автомобил влета на плоштадот и почна да пука кон луѓето што се наоѓале таму. Шест лица загинаа, а 16 беа повредени, меѓу кои и полицајците што интервенираа, како и самиот сторител.

Напаѓачот беше застрелан за време на размена на оган со полициски службеници и е приведен. Околностите на нападот и мотивот на сторителот се предмет на тековна истрага во која се вклучени обвинителството и специјалните служби.

Истиот ден, во семејната куќа на Михал О. на улицата Тилна во Островјец Свјентокшиски, полициските службеници пронашле тела на три лица, членови на семејството на напаѓачот. Станува збор за 53-годишен татко, 52-годишна мајка и 21-годишна сестра.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АЛТА банка ги зголемува лимитите на платежните картички и отвора два нови шалтера во Тетово и Струмица

Од денеска, клиентите на АЛТА банка ќе можат да располагаат со поголем износ од своите средства.

Неделниот лимит за подигање готовина од банкомат и плаќање со платежни картички се зголемува од 10 на 15 илјади денари. Истовремено, се проширува и мрежата за шалтерска исплата. Од денеска ќе бидат отворени и шалтери и во тетово и во струмица, каде што клиентите кои немаат платежни картички ќе можат да подигнат до 20 илјади денари во период од две недели, исто како и во експозитурата во Битола.

Олеснување, како што најави гувернерот Трајко Славески, ќе има и за идните приливи. Платите, пензиите и социјалните трансфери кои допрва ќе легнуваат на сметките на клиентите, доколку доаѓаат од институции или компании кои имаат сметки во други банки, ќе можат да се повлекуваат во целост..

Тагови: Алта банка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.