Регион

Во Србија од утре полициски час до понеделник наутро

Утре од полициски час од 13 часот до понеделник наутро воведува и соседна Србија, која во последното деноноќие регистрираше осум починати од Ковид-19..

Се зголемува бројот на заразени и починати лица од корона вирусот во Србија. Според последните податоци регистрирани се 305 нови случаи, со што вкупниот број на заразени порасна на 1.476 лица. Во последното деноноќие починале 8 пациенти и моментално има 39 жртви од вирусот. Српските власти воведоа забрана за движење од сабота во 13 часот до понеделник до 5 часот наутро, а српскиот претседател Александар Вучиќ најави дека е подготвен да воведе 24-часовен полициски час доколку експертите сметаат дека е тоа единствената можна мерка. Белград е и натаму најголемото жариште, а епидемиолозите постојано апелираат до граѓаните да ги почитуваат мерките за заштита.

Од регионот и Словенија бележи четири нови жртви и вкупно 20 починати од КОВИД 19. Бројот на вкупно заразените во Словенија се зголемил заклучно со четвртокот на 934 пациенти, а во просек се тестираат околу илјада луѓе дневно.

Во изминатите 24 ласа во Грција уште шест лица го загубија животот од коронавирусот, со што вкупниот број на жртви се зголеми на 59, додека пак регистрирани се 99 нови случаи на заразени со Ковид-19. Од почетокот на епидемијата, во Грција се регистрирани се вкупно 1613 позитивни случаи на коронавирусот, од кои 119 се на бродот што е во карантин.

Во меѓувреме и бугарските власти пак одлучија до 13 мај да ја продолжат вонредната состојба во земјата. Медиумите објавија дека уште двајца бугарски парламентарци се позитивни на тестот на коронавирусот. Уште двајца бугарски парламентарци се позитивни на тестот на коронавирусот, објавија тамошните медиуми. Во Бугарија досега има потврдено 457 заразени лица и 10 смртни случаи.

И Албанија регистрира уште една жртва од Ковид-19 со што бројот на починатите од вирусот се зголеми на 17 лица. Инаку, во последните 24 часа, ново дијагностицирани се 27 со што бројот на заразени со Ковид-19 во Албанија се зголеми на 304 лица,од нив речиси половина или 146 се од Тирана.

Свет

Новороденче, кое било прогласено за мртво, се разбудило на погребот- семејството верува во чудо

Бебе кое било прогласено за мртво набргу по раѓањето, е префрлено назад во болница во Парагвај откако добила знаци на живот за време на нејзиниот погреб.

Нејзините блиски кои се потресени од сѐ, изјавија дека не исклучуваат „Божја интервенција“, пренесува El Tiempo.

Девојчето е родено околу пладне во петокот со царски рез, откако нејзината 21-годишна мајка имала компликации во седмиот месец од бременоста.

Но, бебето било прогласено за мртво и предадено на семејството заедно со потврдата за смрт.

Таткото на бебето, Игнасио Медина, изјавил за локалната телевизија Телефутуро дека телото на бебето го добил „целосно виолетово“.

Семејството, кое веќе претрпело загуба на уште едно бебе од оваа двојка, наместо да слави, отишле на погребот во Минго Гуазу, место на околу 20 километри од Сиудад дел Есте, главниот град на департманот Алто Парана, кој граничи со Аргентина и Бразил.

„Ја однесовме кај мајка ми и таму ја гледавме“, рече Медина.

Тој рече дека непосредно пред да заминат на гробиштата, еден од неговите чичковци забележал дека бебето мрда со главата и ги известил присутните.

„Потоа отидовме да ја провериме и срцето ѝ чукаше“, додал таткото кој веднаш го однел бебето во болница.

Кога таткото на бебето го прашал што се случило, директорот на Регионалната болница во Сиудад дел Есте, Федерико Шредел, не ја исклучил можноста дека се работело за катаплексија.

„Поради состојбата со предвремено раѓање, тоа може да се случи, практично пациентот останува без знаци на живот“, додаде специјалистот и предупреди дека ваков случај може да се случи еднаш на секои пет милиони раѓања.

Исто така, Пабло Лемир, директор на судска медицина на Министерството за правда во Парагвај, исто така објасни дека тоа може да биде катаплексија или синдром на „очигледна смрт“.

„Нема чукање на срцето, нема дишење, телото е опуштено, бледо, станува сино или виолетово и обично се решава спонтано и необјасниво“, изјави тој за парагвајскиот медиум ABC Colors.

Според експертот, бебето било родено предвреме и тоа ги исклучило опциите за лекарите.

„Во 26-та недела од бременоста и со таа тежина, белите дробови не се подготвени да бидат надвор од матката, ниту пак нервниот систем е правилно развиен“, рече тој.

Од друга страна, роднините не исклучуваат „божествена интервенција“ и тврдат дека девојчето, сепак со резервирани прогнози, ќе се вика Милагрос де Жезус, што во превод значи „Чудо Исусово“.

Живот

Момче падна од 40 метри висок гребен во Италија- пријателите немоќно гледале (ВИДЕО)

Момче (14) од Арика, Италија, доживеа трагична судбина кога со другарите го посети езерото Неми, не сфаќајќи дека ќе падне од дрво по стрмна карпа од 40 метри и ќе загине.

Тој наводно се одвоил од својата група пријатели и се обидел да стигне до највисоката точка на Виа Перино, но гранката од дрвото на која се качувал се скршила и момчето се превртело врз карпата, објави Мирор.

Тинејџерот паѓал над 30 метри, а неговите пријатели беспомошно гледале и веднаш го вклучиле алармот.

Пожарникарите од Неми и карабинерите веднаш пристигнале на местото на настанот, но не можеле ништо да му направат на момчето, освен да констатираат смрт.

Телото е пренесено во болницата Кастели во Арикио, а потоа во Институтот за судска медицина во Рим.

Свет

Брутално убиство во Њујорк: Во фрижидер е пронајдена отсечена човечка глава и делови на тело

Маж од Њујорк е обвинет за убиство откако во фрижидерот на неговиот стан во Бруклин биле пронајдени човечка глава и делови од телото, соопшти денеска полицијата.

Николас Мекги (45) е уапсен во четвртокот попладне и обвинет за грабеж, криење на човечко тело и компромитирачки докази, соопшти њујоршката полиција, пренесува Ен-Би-Си Њуз.

Посмртните останки на 40-годишниот Кошин Гелцер биле пронајдени на 22 јануари во станот што Мекги го делел со Хедер Стајнс (45), која исто така е уапсена за криење на човечки труп.

Полицајците рекоа дека одговориле на повикот од станот и пронашле повеќе црни кеси со делови од тело во фрижидерот и замрзнувачот.

Според кривичната пријава, лекарите подоцна го идентификувале Гелцер преку отпечатоци од прсти.

Полицијата денеска не соопшти повеќе детали за случајот, ниту пак како и кога е убиен Гелцер.

притисни ентер