Во Србија денеска се одржуваат локални избори за 89 градови и општини - Канал 5

Балкан

Во Србија денеска се одржуваат локални избори за 89 градови и општини

Во Србија денеска се одржуваат локални избори за 89 градови и општини, се гласа и на повторените избори за град Белград.

Во Србија денеска се одржуваат локални избори за 89 градови и општини

Во Србија денеска се одржуваат локални избори во 89 градови и општини, се гласа и на повторените избори за собранието на град Белград, како и во Нови Сад, Ниш, Чачак, Ваљево и повеќето општини во Војводина. Граѓаните ќе можат да гласаат на избирачките места кои се отвораат во 7:00 часот, а затвораат во 20:00 часот, јави дописникот на МИА од Белград.

Овие избори се значајни бидејќи резултатите ќе ја одредат идната политичка насока на главниот град на Србија, кој е клучен политички и економски центар на земјата.

Изборите се важни и поради бројните нерегуларности при претходните избори во декември 2023 година и неуспехот на партите согласно изборните резултати да формираат власт и да изберат нов градоначлник на Белград. По обвинувањата за купување гласови (босански автобуси) и злоупотреба на јавни ресурси и протестите, опозицијата бараше промени во законот за локални избори за да се обезбеди праведност и транспарентност на изборниот процес. По разговорите со власта, согласно препораките на ОБСЕ-ОДИХР, и по консултациите со претседателот на Србија, Александар Вучиќ изборите за Белград се повторуваат и се одржуваат на ист датум со локалните избори на 2 јуни. Уследија и измени на избирачките списоци, и согласно измените на Законот за единствениот избирачки список, усвоени во Собранието на Србија, гласачите кои го промениле местото на живеење по 3 јули 2023 година нема да можат да гласаат на својата нова адреса на локалните и белградски избори.

Во екот на овие преговори меѓу власта и опозицицијата, дојде до разидување во редовите на опозицската коалиција „Србија против наслиството“ (СПН), по што изборите за град Белград ќе ги бојкотираат Партијата за слобода и правда (ССП), Нов ДСС (НАДА), Срце и Заедно, додека на локално ниво тие ќе настапат согласно одлуките за коалицирање на локалните одбори на овие партии со останатите од СПН, што ќе влијае на гласачите да потешко донесат одлука кого ќе поддржат на изборите.

Граѓаните на Белград или 1.602.112 запишани гласачи ќе избираат 110 советници на градското собрание, а ќе бираат и советници во сите 17 белградски општини.

Владеачките партии СНС и СПС на Ивица Дачиќ ќе настапат со една изборна листа во Белград, како и во повеќето други градови, во коалицијата „Александар Вучиќ - Белград утре“ која ја сочунуваат вкупно 13 политички партии.

Опозициските партии од поранешната коалиција „Србија против насилството“ кои нема да ги бојкотират изборите-Народното движење на Србија, Зелено-левиот фронт/Не го давиме Белград, Демократската партија (ДС), Движењето на слободни граѓани (ПСГ), Еколошкото востание и Новото лице на Србија одат во коалиција со изборната листа „Го избираме Белград–Добрица Веселиновиќ–Милош Павловиќ“.

Останатите изборни листи што ќе учествуваат на изборите во Белград се: „Руска партија- Срби и Руси браќа засекогаш“, „Чале, ова е за тебе “, „За зелен Белград–Кога ако не сега–д-р Дејан Жујовиќ“, „1 од 5 милиони–Белградски фронт-Ритам на градот–Душан Теодосијевиќ градоначалник“, „Ние силата на народот проф. д-р Бранимир Несторовиќ“, „Народна листа-клуч за победа“, „Белград - нашиот град“, „Сојуз на Ромите на Србија - за Белград“, „Белград е свет- Партија на правдата и помирувањето - Усама Зукорлиќ, „Д-р

Саво Манојловиќ - Јас сум Белград - Крени-Промени“, „Саша Радуловиќ - Доста беше (ДЈБ) - Решение за промени“, „Ние - глас од народот“.

Покрај изборите за градското собрание на Белград избори се одржуваат и во градовите: Нови Сад, Ниш, Суботица, Зрењанин, Кикинда, Вршац, Панчево, Сомбор, Сремска Митровица, Ваљево, Пожаревац, Јагодина, Ужице и Чачак.

За власт во Нови Сад се борат 14 изборни листи, во Ниш на изборите се пријавиле 11 партии или коалиции, шест во Ваљево и седум во Чачак.

Избори се одржуваат во уште 51 општина во Србија: Ада, Алексинац, Алибунар, Апатин, Ариље, Бач, Бачка Паланка, Бачка Топола, Бачки Петровац, Бечеј, Бела Црква, Беочин, Бољевац, Босилеград, Бујановац, Чајетина, Чока, Горни Милановац, Инѓија, Ириг, Ивањица, Кањижа, Ковачица, Ковин, Мали Иѓош, Нова Црња, Нова Варош, Нови Бечеј, Нови Кнежевац, Оџаци, Опово, Пеќинци, Пландиште, Рашка, Рума, Сента, Шид, Сјеница, Србобран, Сремски Карловци, Стара Пазова, Сурдулица, Свилајнац, Шврљиг, Темерин, Тител, Тутин, Врбас, Врњачка бања, Жабаљ и Житиште.

Изборната комисија во рок од седум дена од денот на објавувањето на вкупниот извештај за резултатите од локалните избори доделува мандати на кандидатите за одборници по нивниот редослед на изборната листа.

Мисијата за набљудување на изборите на ОДИХР ќе има вкупно 126 набљудувачи низ цела Србија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Брисел ѝ испраќа итна помош на Шпанија поради мигрантската криза на Сеута

Европската комисија одобри итна помош од 114,7 милиони евра за Шпанија за справување со миграциската криза во Сеута, која трае од крајот на јули. 

Брисел ѝ испраќа итна помош на Шпанија поради мигрантската криза на Сеута

Во Брисел, тие го нарекуваат тој потег израз на солидарност со Шпанија, пишува Euronews.

Комисијата соопшти дека финансиската помош продолжува за нивниот итен одговор од почетокот на кризата, кога тие понудија оперативна и финансиска поддршка на Шпанија. „Оваа одлука уште еднаш ја потврдува нашата целосна солидарност со Шпанија во соочувањето со оваа тешка ситуација“, се вели во соопштението.

Средства за зајакнување на контролата

Парите доаѓаат од два извора: 82,7 милиони евра ќе бидат обезбедени од Фондот за азил, миграција и интеграција, а преостанатите 32 милиони евра од Инструментот за управување со границите и визите. Овие средства ќе го финансираат зајакнувањето на инфраструктурата за надзор на границите и безбедноста, вклучително и набавка на термички камери, системи за следење, бови и подводни дронови.

Помошта, исто така, ќе ги покрие трошоците за дополнителен персонал и опрема, изградба на објекти за регистрација на мигранти и поддршка за враќање на лица без дозвола за престој. Исто така, планирано е зајакнување на капацитетите за прием во градот, со посебен акцент на грижата за малолетници без придружба.

Поддршка од европските агенции

Брисел, исто така, го координираше вклучувањето на европските агенции. Фронтекс ја продолжува операцијата Минерва и е подготвен да ги прошири своите операции во Шпанија во текот на 2027 година. Европол соработува паралелно со шпанските безбедносни служби за истраги против мрежите за шверц.

Агенцијата за азил на ЕУ (EUAA) ќе обезбеди поддршка во постапките за интервјуирање на барателите на азил и за превод. Комисијата и агенциите ќе формираат заедничка координативна група со шпанските власти, а првиот состанок ќе се одржи веќе оваа недела.

По потпишувањето на договорот, Комисијата мора да плати до 80 проценти од одобрениот износ во рок од 30 дена. Одобрените средства можат да се користат и ретроактивно, за покривање на трошоците направени од почетокот на кризата.

Тагови: Сеута Шпанија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Жена купила куќа стара 100 години, па на таванот открила изненадување (ВИДЕО)

Двојка која неодамна купи куќа од 1930-тите пронашла голем број предмети на таванот кои очигледно биле оставени таму од претходните станари. 

Жена купила куќа стара 100 години, па на таванот открила изненадување (ВИДЕО)

Една од новите сопственички, Кејтлин, го документира реновирањето на куќата на TikTok под корисничкото име @caitlin_scott123, а во видео објавено на 2 август, таа покажа необично откритие. Според неа, куќата пред нив припаѓала само на едно семејство, додека таванот очигледно останал недопрен со децении.

На таванот пронашле бројни торби и куфери покриени со прашина. Некои биле запечатени, а други заклучени, додека некои предмети биле расфрлани наоколу или покриени со чаршафи. Бидејќи не можеле едноставно да отворат некои од куферите, новите сопственици се обиделе да најдат начин да ги отклучат без да ги оштетат. Потоа Кејтлин почнала да ја открива нивната содржина во неколку видеа и да им покажува на следбениците што пронашле.

Што пронашле на таванот?

Во една торба, направена од материјал сличен на крзно, пронашле карта на светот и неколку стари списанија со наслов DHPB. Кејтлин изјави дека се обидела да пронајде информации за публикацијата преку интернет, но не успеала. Во истата торба имало списание посветено на поштенски марки, кое можело да укажува на интересите на лицето на кое му припаѓало.

@caitlin_scott123 HOUSE RENOVATION. Day 1 discoveries. This house is over 100 years old and has only ever belonged to one family until today! We were surprised to find that the loft remained untouched for years. Follow to see what’s in the cases while we go and find a way to break in without causing damage… #houserenovation #renovation #attic #loft #antique ♬ Saxophones getting louder - Sped Up - AntonioVivald

Меѓу пронајдените предмети имало стари апарати, вклучувајќи радио, грамофон и два часовници. На една од торбите пронашле и информации што би можеле да помогнат во откривањето на нејзината историја. До името бил напишан датумот на отпловување - 3 октомври 1966 година.

Мистеријата на датумот 1966 година.

Засега не е познато кому му припаѓала торбата или кој точно бил датумот на заминување. Можно е да била поврзана со патување, но сопствениците немаат доволно информации за да го потврдат ова.

Датумот, сепак, сугерира дека барем некои од наодите може да датираат од пред околу 60 години. Предметите на тој начин даваат интересен, но сепак многу нецелосен увид во животот на поранешните жители на куќата.

@caitlin_scott123 Replying to @MorgsVxper ? #haunted #spook #mystery #renovation #series ♬ Saxophones getting louder - Sped Up - AntonioVivald

Кејтлин најави дека ќе продолжи да го документира реновирањето и да покажува нови откритија. Бидејќи содржината на сите заклучени сандаци сè уште не е откриена, можно е идните објави да понудат одговори на некои од прашањата покренати по првите видеа. „Њузвик“ исто така контактираше со Кејтлин за коментар за необичното откритие.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Австриски политичар силувал девојче, ја намамил и ѝ платил 50 евра- се огласија од партијата

Поранешен политичар од Штаерска и поранешен член на австриската партија NEOS е обвинет за тешка сексуална злоупотреба на малолетно лице, објави јавното обвинителство во Грац.

Австриски политичар силувал девојче, ја намамил и ѝ платил 50 евра- се огласија од партијата

Според обвинението, кое сè уште не е правно обврзувачко, мажот контактирал со тогаш 13-годишното девојче преку онлајн платформа во 2021 година, по што наводно ја намамил во својот стан во Грац, објави Стандард.

Наводно подоцна ѝ платил 50 евра.

Обвинителството во Австрија го обвинува за сексуални дејствија, а истрагата е покрената откако сега младата жена самата го пријавила случајот.

За време на истрагата, биле анализирани мобилни телефони и други уреди за складирање податоци, по што обвинителството поднело обвинение.

Кристијан Крошл, портпарол на јавното обвинителство во Грац, изјавил дека обвинетиот се соочува со казна од пет до 15 години затвор.

„Казната се движи од пет до 15 години, бидејќи претпоставуваме и тешка телесна повреда поради здобиените повреди“, рече Крошл.

Младата жена, која имала само 13 години во времето на наводната злоупотреба, сè уште се справува со последиците од психолошката траума, според австриските медиуми.

Неговите фотографии и лични податоци беа отстранети од веб-страницата на партијата откако обвинувањата станаа јавни минатата година.

Партијата NEOS тогаш изјави дека е свесна за извештајот и истрагата што се спроведува против нивниот функционер во Штаерска.

„Ги сфаќаме овие обвинувања многу сериозно и презедовме итни мерки“, соопшти партијата тогаш.

Политичарот, рекоа тие, доброволно се откажа од членството и се повлече од сите позиции што ги имаше како претставник на NEOS.

Обвинението против него сè уште не е финализирано, а неговата вина ќе ја одлучи надлежен суд.

Тагови: девојче политичар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер