Регион

Во Србија блокирани сметките на речиси 50.000 фирми

Сметките на 46.847 компании и претприемачи во Србија се блокирани, а на нив се „заробени“ 219,9 милијарди динари или 1,87 милијарди евра без камата, објави „Форбс Србија“.

Првите 20 фирми од таа листа се во сопственост на познати имиња од српскиот бизнис, но и лица кои се уапсени или обвинети за злоупотреба на положбата, незаконско стекнување финансиски бенефиции, разни измами, перење пари и други дела.

Од вкупниот број фирми и претприемачи, повеќе од три години се блокирани 14.791 должник.

„Форбс Србија“, исто така, побара од Народна банка на Србија податоци за бројот на компании, чии сметки биле блокирани на крајот на 2020 година.

- Интересно е што пред три години вкупниот број на тие компании беше само малку помал, бидејќи ги имаше 40.273, додека вкупната сума е речиси идентична со денешната – 220,86 милијарди динари. Меѓу нив имаше многу помалку претприемачи отколку сега. Така, на крајот на 2020 година биле блокирани сметките на 13.938 претприемачи, додека сега се 19.683“, наведува порталот.

Ивана Матиќ, поранешна директорка на Агенцијата за лиценцирање стечајни администратори (АЛСУ), оцени дека податоците за толку многу фирми кои сè уште се блокирани се поразителни.

- Даночната управа на Србија има побарувања од секоја фирма што е блокирана. Прашање за нив е зошто не реагирале и што се случува со побарувањата кон тие фирми. Ова е невнимание на даночната управа, а да не зборуваме за штетата на српскиот буџет, посочи Матиќ.

Свет

Изборите во Холандија се одражаа во ноември,а се уште не е формирана Влада-роковите се при крај

Герт Вилдерс, лидерот на десничарската Партија на слободата (ПВВ), тврди дека е на чекор до формирање влада во Холандија, каде на 22 ноември се одржаа парламентарни избори.

Како што пренесува Политико, Холандија е подготвена да ја добие најдесничарската влада во поновата историја.

Партијата на Вилдерс освои 24 отсто од гласовите, но не доволно за самостојно да формира влада, што доведе до повеќемесечни преговори. Главните точки на несогласување се политиката кон мигрантите и државните финансии. Вилдерс тврди дека претставниците на партиите постигнале принципиелен консензус за буџетот на идната влада.

„Овој договор нема да пропадне“, изјави Вилдерс по маратонската средба која траела цели 16 часа.

По изборите, Герт Вилдерс го омекна својот екстремистички речник и во март објави дека не е неопходно тој да биде премиер на идната влада, во која ќе биде вклучена и Народната партија за слобода и демократија на актуелниот премиер Марк Руте и партијата на центарот, Нов социјален договор и Движењето земјоделец-граѓанин.

Во текот на последната деценија Марк Руте, премиерот во заминување успеа да го задржи Вилдерс надвор од владата. Сепак, откако Руте го објави своето повлекување од политиката минатата година, Вилдерс можеше да ја искористи поддршката од гласачите благодарение на неговите антиимигрантски ставови. Тој дури ги обвини имигрантите за недостиг на станови.

Не беа дадени конкретни детали од буџетскиот договор, но се очекува новата влада да ги заостри законите и мигрантските политики. Преговорите за коалицијата треба да продолжат денеска, а договор се очекува пред полноќ кога истекува рокот.

Се очекува Вилдерс во јавноста да открие кој е неговиот фаворит за премиер.

Македонија

Палевски е ексрадиран во земјава и веднаш спроведен во затворот во Шуто Оризари

Првообвинетиот за убиството на 14-годишната Вања Ѓорчевска и велешанецот Панче Жежовски, Љупчо Палевски  попладнево е екстрадиран вo земјава и  веднаш спроведен во истражниот затвор во Шуто Оризари.

Пред затворот е Андријана Лазова.. Андријана кои се последите детали од таму и какви се следните процедури?

Живот

Цикрус во авион: Патник ги дигнал нозете на прозорецот, девојка му одржа лекција (ВИДЕО)

На TikTok кружи видео, наводно снимено за време на комерцијален лет.

Се гледаат девојки и еден дечко како ги потпира босите нозе на нивното седиште.

Не дозволија ароганцијата да остане неказнета, додека останатите патници ја гледаа ситуацијата со насмевка и одобрување.

На почетокот девојката станала и му ги бојадисала ноктите на заспаниот млад човек! Недолго потоа се појавила стјуардесата и го разбудила.

Таа го замолила да ги спушти стапалата од потпирачот за грб, што тој и го направил. Секунда подоцна си ги видел ноктите, а реакцијата ќе ве насмее.

@globestudio The whole plane was in on it 💅 #foryoupage #fyp #clips #goviral #plane #prank ♬ original sound - 📹 Video vault 🗝

Клипот предизвика големо внимание на интернет, а корисниците брзо го коментираа.

„Ова беше бесценето. Следниот пат ќе размисли двапати пред да ги подигне нозете“, напиша една личност.

Од друга страна, има и такви кои се сомневаат дека видеото е автентично, бидејќи многу компании забрануваат лак за нокти во авионите.

притисни ентер