Во Солун разбиена криминална радикално десничарска организација - Канал 5

Балкан

Во Солун разбиена криминална радикално десничарска организација

Во акција на грчката полиција во Солун, разбиена е криминална организација, која дејствувала прикриена под радикално десничарски колектив и стои зад кражби и насилство, а уапсени се 28 лица, од кои 13 малолетни.

Во Солун разбиена криминална радикално десничарска организација

Во акција на грчката полиција во Солун, разбиена е криминална организација, која дејствувала прикриена под радикално десничарски колектив и стои зад кражби и насилство, а уапсени се 28 лица, од кои 13 малолетни, јави дописничката на МИА од Атина.

Од грчката полиција соопштија дека дел од организацијата што постои најмалку од 2019 година, биле 30 лица, уапсените се на возраст од 16 до 28 години, меѓу нив е и водачот на групата, а при извршените претреси, пронајдени и конфискувани се националистички симболи и оружје (железни тупаници, ножеви, мечеви, палки итн.).

За начинот на кој функционирала организацијата, од полицијата објаснија дека за да избегнат да бидат откриени од органите, членовите користеле конкретна онлајн платформа како нивно главно средство за комуникација, одржувале финансиска автономија, преку придонеси од своите членови, кои се користеле за набавка на материјали и предмети (банери, летоци, спреј, кациги, палки, пиротехнички материјал итн.).

- Членовите имаа низ профили на социјалните мрежи, каде што ја промовираа нивната радикално десничарска идеологија, како и нивните нелегални дејствија, постоеше хиерархија, при што полнолетните и постарите членови имаа одлучувачка улога и ги насочуваа другите членови, соопштија од грчката полиција.

Паралелно заедно со други слични т.н. националистичко-патриотски групи учествувале во бројни протести.

Организацијата, меѓу другото, стои зад два грабежи со употреба на физичко насилство и закана со нож; нанесување материјална штета на училишта и на канцеларии на политичка партија, зад напад врз навивачи за време на кошаркарски натпревар во областа итн.

Уапсените 28 лица денеска ќе бидат изведени пред јавен обвинител во Солун.

Тагови: грција солун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Битола денес беше град на трчањето

Над 1.500 тркачи од 18 земји денес беа дел од 8-мото издание на ТРЧАЈ БЕ 2026, спортска манифестација која од година во година расте и ја зацврстува позицијата на Битола како значајна дестинација за спортски туризам во регионот.

Битола денес беше град на трчањето

Свежото утро создаде одлични услови за трчање, а годинешното издание донесе и исклучителни спортски резултати. На битолската патека беа постигнати најбрзите времиња досега и соборени рекордите на ТРЧАЈ БЕ. Низ улиците на Битола денес трчаа натпреварувачи од различни земји, бодрени од бројна публика, волонтери и сите оние кои беа дел од организацијата и реализацијата на трката.

ТРЧАЈ БЕ е спортски настан, но и приказна за Битола како отворен и активен град кој преку спортот привлекува гости, создава дополнителна вредност за локалната економија и се промовира надвор од границите на државата.

Општина Битола упатува честитки до организаторите на ТРЧАЈ БЕ, до сите институции, партнери, волонтери и служби вклучени во реализацијата, како и до граѓаните кои со својата поддршка придонесоа за атмосферата долж патеката.

Посебни честитки до победниците и до сите над 1.500 учесници кои денес ја истрчаа Битола.

Уште едно успешно издание на ТРЧАЈ БЕ, уште еден голем спортски ден за Битола.

Општина Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Утре сончево со мала до умерена облачност

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер