Во Собранието пристигна предлогот за разрешување на Коцевски - Канал 5

Македонија

Во Собранието пристигна предлогот за разрешување на Коцевски

Пратениците го чекаат предлогот за разрешување на јавниот обвинител Коцевски да биде ставен на собраниска седница.. 

Во Собранието пристигна предлогот за разрешување на Коцевски

Предлогот за разрешување на државниот јавен обвинител Љупчо Коцевски од Влада стигна во Собрание, се очекува во текот на денот да биде проследен до сите пратеници. Сега на потег е собранискиот спикер Гаши кој треба да закаже седница за негово разгледување, но кога таа би се одржала тој допрва ќе одлучува. Сепак, извесно е дека Коцевски ќе биде разрешен од функцијата, со оглед на тоа што за тоа е потребно просто мнозинство од 61 глас „за“, а владејачкото мнозинство претходно му изгласа недоверба.

Според Дарко Аврамовски од коалицијата „Сите за правично судење“ проблематична е самата постапка за разрешување на Коцевски, а со нејзиното пролонгирање според него се остава сомнеж за политизација на процесот, механизмот за одговорност и отчетност за јавно избрани функционери се ризикува да се претвори во некаква алатка за политички пресметки, вели тој. Според него изборот на нов јавен обвинител мора да биде транспарентен и со поддршка од сите партии во Собранието.

-Ќе мора да се спроведе транспарентна и отчетна постапка, но не транспарентноста да биде само формалност и однапред утврдена кореографија или стереотипно апстрактно презентирање на некои празни флоскули кои во суштина не оддаваат доверба во јавноста дека навистина станува збор за вистинскиот кандидат. И веројатно она што најтешко ќе биде постигнато е доколку јавниот обвинител биде избран со широко мнозинство од што е можно поголем број на пратеници односно да се оддаде впечаток дека станува збор за натпартиски кандидат кој го поддржуваат повеќе партии во Парламентот, а не само владејачкото мнозинство, изјави Аврамовски.

Државниот обвинител Коцевски, пак, најави дека своите аргументи ќе ги образложи пред пратениците. Тој во целата постапка за негово разрешување гледа политичка одлука, а наводите од Владата дека била нарушена функционалноста на обвинителството ги смета за неаргументирани. Кој ќе биде наследникот на Коцевски засега нема одговор, премиерот Мицкоски кажа дека ќе се избира на јавен повик, а потоа повторно процедурата се враќа во Собранието. Од опозициската СДСМ нема да го поддржат разрешувањето на Коцевски. Нивниот став е дека се што се превзема во правосудството, а не вродува со плод е погрешен чекор.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Момчиња удрија во ѕид со „Мерцедес“ вреден 80.000 евра (ВИДЕО)

Новиот „Мерцедес VLE“ е еден од моделите на германскиот производител наменет за семејства со деца, но на овогодинешниот Салон за автомобили во Париз, средбата со ова електрично комбе тргна во погрешна насока.

Момчиња удрија во ѕид со „Мерцедес“ вреден 80.000 евра (ВИДЕО)

Две момчиња успеале да го стартуваат изложеното возило и да го стават во рикверц, при што комбето удрило во ѕидот на изложбениот простор.

На кратката снимка од инцидентот, која се прошири на социјалните мрежи, се гледа како претставник на „Мерцедес“ – задолжен за презентација на возилото – прави залуден обид да го спречи судирот. За среќа, овој пат не стануваше збор за скап „Бугати Широн“, туку за новиот електричен „Мерцедес VLE“.

Инцидентот се случи во саботата, претпоследниот ден од саемот, во изложбениот центар „Париз Експо Порт де Версај“. Возилото беше паркирано пред изложбена позадина со натписот „Redefinir L'Espace“ – што од француски јазик се преведува како „редефинирање на просторот“. Момчето кое на толку необичен начин го стартуваше комбето, секако успеа да го „редефинира“ просторот што моделот „VLE“ го заземаше на штандот на „Мерцедес“.

Откако „Мерцедес VLE“ во бронзена боја удри во ѕидот, останаа видливи оштетувања. Вработен во „Мерцедес“ очајно ги крена рацете, додека двете момчиња – кои изгледаа како да немаат повеќе од 12 години – излегоа од возилото видно засрамени. Набргу потоа им пријде припадник на обезбедувањето. Не е познато што се случило со момчињата понатаму, ниту пак колкава е штетата на самиот автомобил.

Основниот модел „Мерцедес VLE 300“, чија цена започнува од 79.000 евра, се придвижува со еден електромотор со моќност од 272 коњски сили. Според „WLTP“ циклусот, овој модел може да помине до 700 километри со едно полнење на батеријата од 115 kWh. Помоќниот „VLE 400 4Matic“ поседува два електромотори, погон на сите тркала и вкупна моќност од 409 коњски сили. Забрзува од 0 до 100 км/ч за 6,5 секунди, додека на основната верзија ѝ се потребни 9,5 секунди за истото.

Извор: Б92

Тагови: мерцедес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Париз многу наскоро ќе стане муслимански град

Американскиот претседател Доналд Трамп ја критикуваше имиграциската политика на францускиот претседател Емануел Макрон, тврдејќи дека Париз „многу наскоро ќе стане муслимански град“.

Трамп: Париз многу наскоро ќе стане муслимански град

„Видете, Емануел ми е пријател. Уште одамна му реков дека прави голема грешка во Франција. Тој дозволува влез на луѓе од целиот свет. Целиот свет доаѓа таму и, како што знаете, Париз многу наскоро ќе стане муслимански град. А тоа не беше договорот. Тоа не беше договорот“, изјави Трамп пред Белата куќа, пред да замине на предизборен собир во Канзас.

„Му реков на Емануел дека треба да ги затвори границите. Го познавам околу осум или девет години. Штом го запознав, му реков дека прави голема грешка. Ние ги затворивме нашите граници, тој не ги затвори“, нагласи тој.

„Мигранти, џихадисти и комунисти ја освоија, ограбија и до темел ја изгореа“

Трамп тврди дека немирите во Франција се доказ за колапсот на западната цивилизација и за опасностите од имиграцијата. На собирот во Канзас, Трамп ја опиша Франција како некогаш голема нација која била „освоена, ограбена и до темел изгорена“ од „мигранти, џихадисти и комунисти“. „Ако сакате да видите што е влог на овие избори, само погледнете што се случува во Франција“, предупреди тој. „Ова се случува во Франција, а тие сакаат истото да се случи и во нашата земја. Тоа овде никогаш нема да се случи“, изјави Трамп, предизвикувајќи гласни овации кај илјадниците присутни во Канзас – држава со силно републиканско определување, каде што републиканскиот сенатор Роџер Маршал се соочува со неочекувано тежок предизвик од демократот Адам Хамилтон.

Претходно истиот ден, Трамп го повтори своето тврдење дека мигрантите ја „презеле“ Франција. На социјалната мрежа „Truth Social“, тој напиша дека лидерите на земјата мора „ВЕДНАШ ДА ГИ ЗАТВОРАТ ГРАНИЦИТЕ!“

Извор: Индекс.хр

Тагови: Доналд Трамп Емануел Макрон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: СДС декласиран во Брвеница 4 спрема 1, Филипче и неговите колеги слават како да дошле на власт

СДС декласиран во Брвеница 4 спрема 1, Филипче и неговите колеги слават како да дошле на власт.

Манасиевски: СДС декласиран во Брвеница 4 спрема 1, Филипче и неговите колеги слават како да дошле на власт

Огромната поддршка која СДС ја доби од граѓаните на Брвеница е од досега невидени размери и е помала од минатите локални избори. Но, сепак Филипче и другарите тоа го прославија како успех.

ВМРО-ДПМНЕ оствари убедлива победа од околу 3.000 гласови или приближно 40% од гласовите, а СДС доби 707 гласови или околу 9%. Или во превод, СДС беше декласиран од ВМРО-ДПМНЕ 4 спрема 1.

СДС со Филипче дојде до стадиум да се радуваат на 4 место на локални избори.

Рејтингот им е минорен, кредибилитетот одамна им е изгубен, а никој освен пријателите на Заев, не му дава поддршка на Филипче.

Но, сепак и покрај сите демократски правила и принципи, ние не сметаме дека Венко Филипче треба да си поднесе оставка. За нас, Филипче е најдоброто решение за претседател на СДС.

Се додека Филипче го води СДС по насока на Заев, граѓаните тоа ќе го препознаваат и ќе даваат огромна поддршка на ВМРО-ДПМНЕ, а ние ќе продолжиме и натаму да реализираме проекти и мерки во интерес на граѓаните.

Валентин Манасиевски, портпарол на ВМРО-ДПМНЕ

YouTube video

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер