Откако единствената точка на Комисијата за политички систем за одржување надзорна расправа за селективниот пристап во истрагата за трагедијата во Кочани не се изгласа, пратениците од ДУИ, инаку подносители на иницијативата, велат дека се бегало од вистината. По ова, во Собранието имаше и кратка расправија меѓу претседателот на комисијата Љупчо Пренџов и пратеникот од ДУИ Блерим Беџети.

„Ова е сведоштво на продолжувањата на „мојот закон“ и „ќе ве влечеме за уши“. Ова е отсуство на сведоштво и сите тие кои се одговорни и се оди на ретроактивност да се направи една толку голема магла. “

Од СДСМ велат дека иако иницијативата не била поднесена од нивната пратеничка група, до сега во Собранието не се случило да не биде дадена можност да се одржи надзорна расправа... Од владеачката коалиција пак остануваат на ставот дека доколку има дебата, таа треба да ги опфати сите трагедии кои се случиле во земјава последните години.

„Не само за Кочани ќе се разговара и за „кабелот е крив“ кога „живи луѓе ни гореа“, ќе се разговара и за Ласкарци, ќе се разговара и за сообраќајката во Бугарија каде „живи луѓе гореа“. Ова парламентарно мнозинство нема да стави ништо под тепих.“

„Зарем во овој момент не би било апсолутен притисок и врз Обвинителството и врз судството и директно мешање ако ние паралелно додека процесот е се уште активен спроведуваме таков тип на политички дебати?“

„Треба да дозволи собранието да се разговара, најмалку што можеме да направиме, инаку немаме ни морална ни етичка одговорност понатаму да зборуваме.“

„Јас се сложувам дека и тоа се теми кои треба да ги дискутираме, но дајте да видиме иницијатива како оваа за да знаеме за што зборуваме.“

Откако политичката партија Левица поднесе интерпелација, а оставка од него побараа и од СДСМ и ДУИ, на социјалните мрежи се огласи министерот за внатрешни работи Панче Тошковски, кој напиша дека ДУИ СДСМ и Левица синхронизирано и оркестрирано се здружиле и ги насочиле нападите кон него.

- Три партии, кои наводно се борат една против друга, вчера покажаа дека нивниот заеднички интерес е посилен од сите нивни привидни разлики. Токму затоа, јас овие напади не ги гледам како закана, туку како комплимент дека конечно правдата ги допре оние кои мислеа дека засекогаш ќе останат недопирливи. – одговори Тошковски на критиките од опозициските партии...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.