Балкан

Во Словенија замениле жив со мртов пациент, грешката се дознала после погребот

Во словенечка болница жив пациент помешале со мртов, јавува N1 Словенија.

Во Општата болница Цеље е променет идентитетот на двајца постари пациенти. Едниот преживеал, другиот починал, а болницата констатирала смрт на преживеаниот и го известила неговото семејство. Пред да биде откриена замената, погребот веќе бил извршен.

Грешката била откриена кога преживеаниот пациент се вратил во домот за стари лица. „Знам само дека вчера во домот дојде жител за кого мислевме дека е мртов“, изјави директорот на Домот за стари лица „Лока“ во близина на Зидан Мост. Раководството на болницата понудило оставка, што управниот одбор на установата ќе ја прифати во понеделник, најави претседателот на управниот одбор Андреј Класинц.

За промената на идентитетот болницата во Целје ја известила и полицијата. „Прибираме информации во насока на сомнение за сторено кривично дело несовесно работење“, изјавиле за Н1 во полициската управа Цеље. Полицијата ќе даде повеќе информации по разговор со роднините.

Болницата во Целје од април ја води директорот Александар Светелшек, а Виндишар од февруари е стручен директор. Оставка поднела и Дарја Планк, помошник директор за медицински сестри. Министерот за здравство Данијел Бешиќ Лоредан вели дека вакво нешто е неприфатливо во 21 век.

„Прво, како човек, како лекар и како вицепремиер, морам искрено да му се извинам на семејството, исто така во име на премиерот, за она што се случи. Во 21 век, во ерата на дигитализација, тоа е нешто што е неприфатливо, некој вчера го погребал татко му, а денес дознава дека татко му е жив, а други дознаваат дека татко им е мртов“, рече тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

66 годишен кумановец почина на Клиниката за инфективни болести во Скопје од западнонилска треска

На Клиниката за инфективни болести во Скопје почина 66- годишен од западнонилска треска, објави директорот Фадил Цана.

Пациентот бил со коморбидитети, односно имал и други болести. Директорот Цана изјави дека 66-годишниот пациент бил 28 дена хоспитализиран на оваа клиника и бил со потешка клиничка слика.

Цана информираше дека досега биле хоспитализирани 66 пациенти, сега во моментов 11 се на Инфективна, од кои едно лице е во потешка состојба. Последен прием на лице со западнонилска треска на Инфективна е од 19 септември, односно овој викенд.

Последниот е деветти смртен случај на западнонилска треска во државава, а сите починати досега се мажи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈО: Мексиканец осомничен за напад врз полицаец во Скопје

Основното јавно обвинителство Скопје поведе постапка против мексикански државјанин поради сомнение дека сторил кривично дело – кривично дело – Напад врз службено лице при вршење работи на безбедноста.

Основното јавно обвинителство Скопје поведе постапка против мексикански државјанин поради сомнение дека сторил кривично дело – кривично дело – Напад врз службено лице при вршење работи на безбедноста од член 383 став 1 од Кривичниот законик.

На 19 септември, за време на манифестацијата „Октобер Фест – звуците на културата“, во паркот „Ѓорче Петров“, осомничениот телесно повредил полициски службеник кој се обидел да го легитимира. Го удрил полицаецот со лименка пиво во главата, а потоа повторно физички го нападнал и го удирал по рацете кога полицаецот сакал да го приведе.

Имајќи предвид дека се работи за лице без пријавен престој во државава, јавниот обвинител оцени дека постои ризик од бегство и до судијата на претходна постапка достави предлог за определување мерка притвор за 31-годишниот осомничен, соопштија од Јавното обвинителство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдено е: Си на средба со Трамп

Кина потврди дека претседателот Си Џинпинг ќе оствари државна посета на Соединетите Држави, соопшти кинеското Министерство за надворешни работи.

Кинескиот лидер ќе престојува во САД од 23 до 25 септември, на покана на американскиот претседател Доналд Трамп.

Првиот човек на САД, Трамп го покани Си во Белата куќа на 24 септември, за време на неговата посета на Пекинг во средината на мај.

Оваа посета ќе биде прва посета на Си Џинпинг на САД од 2023 година, кога тој отпатува во Калифорнија за состанокот на форумот за Азиско-пацифичка економска соработка (APEC) и се сретна со тогашниот американски претседател Џо Бајден.

Тагови: Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.