Граѓаните имаат право да знаат:

• Како оваа фирма ја добила работата?

• Дали е спроведена јавна набавка?

• Колку е платено за графичкото решение и за поставувањето на билбордот?

• Дали Град Скопје плаќа за AI-генериран срам?

Исто така, градоначалникот треба да открие колку тендери досега добила оваа фирма и кој стои зад неа.

Според правилата за јавни набавки, за лошо извршена работа се издава негативна референца, која носи исклучување од учество во јавни набавки од 1 до 5 години.

Досега нема информација дали на оваа фирма ѝ е издадена негативна референца или пак ќе продолжи да добива пари од буџетот на Град Скопје.

Градоначалникот Орце Ѓорѓиевски не смее да крие информации за трошење на јавни пари.

Граѓаните на Скопје заслужуваат одговори, а не молк и прикривање, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Општина Центар работи на воспоставување нов Центар за дневен престој за лица со попреченост со индивидуален третман, во соработка со Здружението за дислексија „Ајнштајн“, со поддршка на Министерството за социјална политика, демографија и млади и Светска банка. Услугата ќе обезбеди стручна и индивидуализирана поддршка за децата со попреченост на територијата на општината, каде само во осум основни училишта се евидентирани 107 ученици со попреченост.

„Потпишавме договор со Здружението „Ајнштајн“ за соработка со јасно дефинирани обврски за реализација на услугата. Со оваа иницијатива правиме важен чекор кон достапна и инклузивна поддршка за децата со попреченост и нивните семејства. Нашата цел е да овозможиме континуирана стручна помош таму каде што е најпотребна, да помогнеме во интеграцијата на младите и да им дадеме квалитетна психосоцијална поддршка“, истакна градоначалникот Горан Герасимовски.

Според податоците од образовните и здравствените институции, голем број деца и млади со попреченост што живеат во општината немаат пристап до дневни центри ниту до стручна, индивидуализирана поддршка. Поради недостиг на специјализирани услуги, семејствата досега често биле принудени да бараат помош во приватни центри или да останат без соодветна грижа.

Проектот предвидува адаптација на простор, набавка на опрема и формирање стручен тим, а мапирањето на корисниците ќе се спроведе во соработка со училиштата, Центарот за социјална работа и родителите. Според динамичниот план, центарот треба да биде ставен во функција на почетокот на 2027 година.

Општина Центар - Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ова е нов удар врз семејните буџети откако цените веќе се до плафон.

Со недели Мицкоски не носи мерки за заштита на стандардот на граѓаните. Сега најавува само намалување на акцизата. Повторно половична и задоцнета мерка, која нема да го намали ценовниот притисок врз граѓаните.

Мицкоски не донесе ниту една мерка за работниците, за социјално ранливите граѓаните - во сред криза ги остави да преживуваат и да го бројат секој денар за живот.

Секоја негова мерка доаѓа предоцна, секоја мерка е неефикасна и наместо да ги намали цените, го слабее буџетот и им носи дополнителни приходи на одредени компании.

Мицкоски делува повеќе како застапник на приватните интереси отколку како премиер кој треба да ги штити граѓаните.

Прво ги игнорира проблемите, преставува лажна слика дека нема проблем. Па кога цените ќе експлодираат, излегува со половични и задоцнети мерки кои немаат никаков ефект.

Власта ги одби сите предложени мерки на СДСМ за да се запре поскапувањето на сите животни намирници и да се помогне на ранливите и загрозените категории на населението.

Штета е веќе направена. Цените на горивата и храната се вивнати и нема да се вратат назад.

Скапо ги чини граѓаните оваа политика на Мицкоски со која го урниса животнитот стандард.

Наместо Мицкоски да ја турка државата во економска и социјална бездна веднаш да преземе мерки.

Уморни се граѓаните од најави и чекања, живеат полошо и поскапо отколку пред две години - им требаат конкретни мерки кои ќе ги заштитат нивните плати, стандард и семеен буџет, рече Кети Штерјова од СДСМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.