Во Скопје комеморативен ден за шесте милиони Евреи убиени во холокаустот - Јом Хашоа - Канал 5

Македонија

Во Скопје комеморативен ден за шесте милиони Евреи убиени во холокаустот - Јом Хашоа

Еврејската заедница во Република Македонија и Фондот на холокаустот на Евреите од Македонија денеска го одбележаa Јом Хашоа - комеморативен ден на холокаустот.

Во Скопје комеморативен ден за шесте милиони Евреи убиени во холокаустот - Јом Хашоа

Еврејската заедница во Република Македонија и Фондот на холокаустот на Евреите од Македонија денеска го одбележаa Јом Хашоа - комеморативен ден на холокаустот, во знак на сеќавање на востанието на Евреите во варшавското гето во 1943 година, кој е и комеморативен ден на шест милиони Евреи убиени во холокаустот.

Претседателот на Еврејската заедница во Македонија Пепо Леви рече дека денешниот ден - 14 април според еврејскиот календар е посветен на тишината која зборува погласно од сите зборови и Израел и целиот свет се поклонуваат пред споменикот на шест милиони Евреи - жртви на нацизмот и неговите фашистички соработници.

-Овој ден не е само симбол на страдање, туку и на нескршливиот човечки дух, рече Леви додавајќи дека денес и ние и Македонија, како и целиот прогресивен свет се сеќаваме и не ги забораваме, не само шест милиони Евреи убиени во нацистичките логори ширум Европа, туку и на нашите Македонци 7.144 Евреи кои од овде од Македонија беа депортирани и есктремирани во Треблинка.

Овде во срцето на некогашното маало во Скопје, изградивме Меморијален центар како симбол на правда и вечното сеќавање, а преку процесот на денационализација покажавме дека Македонија ги почитува највисоките цивилизациски вредности. Со тоа, додаде Леви, Македонија испрати јасна порака дека е и ќе биде дел од антисемитизмот и секоја порака на омраза.

-Од своето отворање во 2011 година, овој центар е тврдина, против дискриминација, омразата и верската нетрпеливост. За жал, денешната слика во светот ни покажува дека лекциите од Втората светка војна не се целосно совладани. Од Украина до Блискиот исток сведоци сме на нови трагедии, уништени детски животи и илјадници раселени лица. Додека им оддаваме почит на шест милиони Евреи, убиени од нацистичкиот режим, свесни сме дека историјата повторно не става на испит, рече Леви.

Зборувајќи за обидот непознати лица да ја запалат еврејската синанога во Скопје пред два дена, Леви рече дека такво нешто што не се случило во поновата историја на Македонија од времето на нацистичката Германија оценувајќи го како нешто што претставува кулминација на омразата, верската нетрпеливост и антисемитизмот.

- Кулминација на желба да се уништи еден народ само затоа што сме Евреи. Идеите за уништување на други народи мора да се сузбијат и веднаш штом ќе се појават не смееме да дозволиме демократијата да биде параван за ширење нетрпеливост која не води кон судири од катастрофални размери, рече претседателот на Еврејската заедница.

Вршителкaта на должност американска амбасадорка во земјава Никол Варнс во своето обраќање рече дека нападот на еврејската синагога во Скопје треба најсилно да се осуди, оценувајќи го како акт на антисемитизам, за кој не може да толеранција, молк или оправдување.

- Ваквите напади не се само напади на еврејската заедница, туку и на вредностите и дигнитетот, соживотот и почитувањето во нашето општество, рече Варнс додавајќи дека оние што се одговорни за овој чин ќе бидат фатени.

Обврзани сме, рече в.д. американска амбасадорка да го одбележиме овој ден на кој се сеќаваме на шесте милиони жени, мажи и деца умиени за време на Холокаустот и да им одадеме чест на преживеаните, вклучувајќи ја и Македонија, каде пред Втората светска војна живееја повеќе од 7000 Евреи.

На настанот присуствуваше и претседателката Гордана Сиљановска-Давкова која ги запали шесте свеќи во спомен на шесте милиони Евреи загинати во Втората светска војна.

Ќе биде прикажан филмот „Спасување“ и ќе биде отворена изложба на детски цртежи „Холокаустот низ призмата на детските очи“, со прогласување на најдобрите цртежи и врачување награди.

Беше прикажан филмот „Спасување“ и беше отворена изложба на детски цртежи „Холокаустот низ призмата на детските очи“, со прогласување на најдобрите цртежи и врачување награди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Дошол на погреб на пријател, па случајно пропаднал во гробот на татко му и починал (ВИДЕО)

Адилсон Марсаро (48) од Бразил го загуби животот во необична несреќа на гробиштата, кога пропаднал во гробот на сопствениот татко. 

Дошол на погреб на пријател, па случајно пропаднал во гробот на татко му и починал (ВИДЕО)

Трагедијата се случила додека тој престојувал на гробиштата на погреб на пријател, а бетонската конструкција на која седел наеднаш се урнела.

Несреќата се случила во средата, на 21 октомври, на градските гробишта Сао Хозе во Линхарес, во бразилската држава Еспирито Санто.

Марсаро дојде тој ден да присуствува на погребот на пријател кој загинал во сообраќајна несреќа претходниот ден.

Според гробарот Назаре Бравин, човекот пристигнал на гробиштата со мотор, ги поздравил присутните и прашал каде ќе биде погребан неговиот пријател.

После тоа, тој ги оставил моторот и кацигата, а потоа се упатил кон гробот на својот покоен татко, кој се наоѓал на истите гробишта.

Кога стигнал до гробот на својот татко, Адилсон седнал на бетонскиот надгробен камен.

Во тој момент структурата наеднаш попуштила под неговата тежина и човекот пропаднал во гробницата.

Силен тресок го привлече вниманието на луѓето во близина. Кога сфатиле што се случило, веднаш повикале брза помош.

На местото на настанот пристигнале припадници на противпожарната служба и брзата помош, но несреќниот човек не можел да се спаси.

Лекарите можеле само да констатираат смрт. Неговото тело е извлечено од урнатата гробница и пренесено на обдукција.

Како што пишува Њујорк Пост, Марсаро бил погребан веќе следниот ден, на истите гробишта каде што го загубил животот.

Градските власти на Линхарес изразија сочувство до семејството и пријателите на жртвата.

Во соопштението тие наведуваат дека вработените на гробиштата веднаш ги известиле надлежните органи, но дека обидите за спасување биле неуспешни.

Воедно, тие ги потсетија граѓаните да бидат особено внимателни при посетата на гробните места, особено во пресрет на празникот Денот на мртвите, кога се очекува поголем број посетители.

По трагедијата се отвори и прашањето за безбедноста на гробните градби.

Градската управа соопшти дека е надлежна за одржување на заедничките површини, патеките и другите јавни делови на гробиштата.

Сепак, одржувањето на поединечните гробови и надгробни споменици, според локалните правила, е обврска на семејството на починатиот.

Бразилската цивилна полиција покрена истрага за да се утврдат сите околности на несреќата.

Засега не е соопштено зошто попуштила бетонската конструкција или дали претходно имало знаци на нејзино оштетување.

Тагови: гробот погреб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Мора да го запрам убивањето на иранските лидери

Американскиот претседател Доналд Трамп изјави дека мора да престане да убива ирански лидери за да утврди со кого преговараат САД и го повтори својот став дека на Иран никогаш не смее да му биде дозволено да развива нуклеарно оружје.

Трамп: Мора да го запрам убивањето на иранските лидери

„Морам да престанам да убивам ирански лидери затоа што морам да сфатам со кого, по ѓаволите, преговараме“, рече Трамп на предизборен митинг во Џорџија, објави Дејли експрес. Трамп повтори дека Иран повеќе нема авиони, нема бродови и нема лидери.

„Лидерот од прво ниво го нема, лидерот од второ ниво го нема“, рече Трамп.

Тој, исто така, ја бранеше својата одлука од 2018 година да ги повлече САД од нуклеарниот договор со Иран од 2015 година, постигнат под тогашниот американски претседател Барак Обама, велејќи дека ја донел одлуката во клучно време за да го спречи Техеран да добие нуклеарно оружје.

„Го раскинав еден од најлошите договори што некогаш биле склучени, Заедничкиот сеопфатен план за акција (JCPOA) на Барак Хусеин Обама, познат и како нуклеарен договор со Иран, што доведе до тоа Иран да добие нуклеарно оружје. За среќа, го раскинав токму на време“, тврдеше Трамп.

Тој повтори дека САД го уништиле капацитетот за збогатување ураниум на Иран во воените операции спроведени оваа и минатата година.

„Ги победивме воено, финансиски и на други начини. Мора да се погрижиме тие никогаш, ама баш никогаш да не добијат нуклеарно оружје“, повтори Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Пет илјади патници уплатиле крстарење на топлите Бахами, а завршиле во студената Канада (ВИДЕО)

Повеќе од 5.000 патници кои очекуваа еднонеделен одмор на сончевите Бахами завршија во студената Канада откако Ројал Карибиан мораше да го пренасочи своето крстарење поради бура. 

Пет илјади патници уплатиле крстарење на топлите Бахами, а завршиле во студената Канада (ВИДЕО)

Бродот „Оаза оф д Сис“ исплови од Њу Џерси на 18 октомври на планирано седумдневно патување, но патниците дури на половина пат дознаа дека пловат кон Халифакс, Нова Шкотска, наместо кон тропските острови, објави CTV.

Неочекуван пресврт

Ненадејниот пресврт значеше дека патниците се пакувале за сосема погрешни температури. Ситуацијата беше влошена од објавата дека нема да им биде дозволено да го напуштат бродот додека е закотвен во пристаништето.

„Мојот сопруг ме праша: „Ова е шега, нели?““, изјави Мари Дурнинг од Њу Џерси за CTV News. „Донесов зимска капа и грејачи за уши, но го заборавив шалот.“

Патниците кои пристигнаа на крстарењето од подалечни земји немаа зимска облека со себе, ниту пак имаа каде да ја земат пред да се качат.

@chelsea_davis21 Bahamas? Canada? Tomato, tomato 🤷🏼‍♀️ #royalcaribbean #Canada #oasisoftheseas #halifax #novascotia ♬ original sound - Chelsea Davis

Разочарување на социјалните мрежи

Актерката Микајла Ајверсон објави видео на Инстаграм снимено на аеродромот Њуарк кратко откако дозна за промената. Во него, таа се пожали на ситуацијата, а видеото стана вирално со 1,4 милиони прегледи.

„Ни беше кажано, по слетувањето во Њуарк, дека нашето семејно крстарење до Бахамите, кое тргнува за само 12 часа, сега оди во Нова Шкотска? И нема да ни биде дозволено да се симнеме од бродот цела недела. @royalcaribbean, немаме облека за тоа“, напиша таа во објавата.

Меѓу патниците имаше и Канаѓани, кои практично беа испратени дома поради промената на рутата. „Многу сум разочаран“, рече Николас Мели од Торонто. Тој и неговото семејство возеа седум часа до Њу Џерси за да се качат на бродот. „Јас сум од Канада и сакав да одам на Бахамите“.

@katymarie923 It was a not so perfect day at cococay. Now it’s just me and my bonine against the seas. #royalcarribean #utopiaoftheseas ♬ Hoist The Colours (A Cappella) - The Wellermen & Eric Hollaway & Big Brev & Ebucs & Luke G. Taylor & Bobby Bass & Jesse Elkins & Davide Dalmonte

Се обидоа да ги обештетат

И покрај сè, дел од патниците решија да го извлечат најдоброто од ситуацијата. „Бидејќи потрошивме многу пари на ова патување, им реков на сите да ги надминат своите фрустрации пред да се качиме на бродот. Откако ќе се качиме на бродот, не сакам повеќе да слушам за тоа“, рече Двејн Хикс од Филаделфија.

„Така се среди, но сум благодарен и ќе се обидам да го извлечам најдоброто од ситуацијата“, додаде Џим Метјуз од Њу Џерси. „Освен тоа, слушнав дека Халифакс е прекрасен град.“

Тагови: Бахами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер