Македонија

Во Скопје Генерално собрание на енергетските регулаторни тела членки на ЕРРА

Годинава имаме чест да го организираме Генералното собрание на едно од најголемите светски здруженија на регулаторни тела.

Генерално собрание и состаноци на Комитетот за цени и тарифи и Комитетот за лиценцирање и конкурентност на Регионалната асоцијација на енергетските регулатори (ЕРРА), во која членуваат независни регулаторни тела на земји од Европа, Азија, Африка, Јужна и Северна Америка, денеска и утре се одржува во Скопје во организација на Регулаторната комисија за енергетика (РКЕ).

-Годинава имаме чест да го организираме Генералното собрание на едно од најголемите светски здруженија на регулаторни тела, а воедно денеска и утре ќе се одржат и повеќе состаноци на работните комитети кои функционираат во рамките на ЕРРА. РКЕ членува во ЕРРА од 2004 година и досега е еден од најактивните членови, а во овој момент имаме и претседавач на една од работните групи кои работата на ценовната регулатива и на тарифите, изјави претседателот на РКЕ Марко Бислимовски на паузата на Генералното собрание.

Тој посочи дека членувањето и состаноците на ЕРРА даваат одлична можност за соработка на повеќе теми со регулатори од Европската Унија и од земји кои се надвор од Европа, но кои, посочи, имаат интересен пристап за решавање на соодветни регулаторни прашања.

-Во 2019 година РКЕ повеќе ќе се посвети на меѓународната активност и ќе побараме да се стекнеме со статус на посматрач во рамките на Асоцијацијата на европските регулаторни тела. Можноста за тоа ни ја дава фактот што со усвојувањето на Законот за енергетика во најголем дел ја усвоивме и регулативата која е поврзана со имплементација на третиот енергетски пакет. За да се стекнеме со таков статус ќе треба да добиеме и позитивно мислење од Енергетската заедница, рече Бислимовски.

Претседателот на Претседателството на ЕРРА, Март Отс посочи дека асоцијацијата започна со работа во 2001 година како регионална, а со текот на времето прерасна во глобална.

– ЕРРА особено ја потенцира важноста на регулаторната независност посебно во периодот на големите промени во енергетскиот сектор и ги охрабрува регулаторите да продолжат и понатаму да работат во стабилни и предвидливи регулаторни рамки, рече Отс.

ЕРРА, со седиште во Будимпешта, е стручна асоцијација во која членуваат 33 земји членки и 10 придружни членки, чија главна цел е да ја зголеми размената на информации и искуства од областа на енергетиката меѓу своите членки, да ја подобри соработката меѓу енергетските регулатори, да ја подобри националната енергетска регулатива во земјите-членки и да го прошири пристапот до регулаторното искуство во областа на енергетиката ширум светот.

Свет

Најмалку 23 загинати во Перу, кога автобус падна во бездна и пропадна во река (ВИДЕО)

Автобус падна во бездна и пропадна во река вчера вечерта на планините Анди во Перу, при што загинаа најмалку 23 лица, соопшти денеска регионалниот обвинител.

Несреќата се случила кога автобусот се движел кон градот Сорочуко, изјавила Олга Бобадила, а пренесува Ројтерс.

„Сè уште ги собираме сите информации. Несреќата се случила ноќе на прилично нерамен и неасфалтиран пат. Автобусот паднал во бездна во реката“, додаде таа. Локалните медиуми јавија дека автобусот тргнал од блискиот град Челендино.

Несреќите се релативно чести на небезбедните патишта во Перу. Во септември минатата година, дваесет лица загинаа во несреќа, а во јануари 2023 година, најмалку 24 загинаа кога автобус падна од карпа.

Свет

Дали Хамас ќе ја прифати дарежливата понуда на Израел?

Американскиот државен секретар Ентони Блинкен денеска во Ријад изјави дека се надева дека палестинското движење Хамас ќе ја прифати „исклучително дарежливата“ понуда за запирање на израелската офанзива во Појасот Газа.

„Хамас има понуда пред себе која е крајно, крајно дарежлива од израелска страна“, рече Блинкен на Светскиот економски форум, пренесува Тајмс оф Израел.

Тој нагласи дека Хамас мора брзо да донесе одлука за понудата.

„Се надевам дека ќе донесат правилна одлука“, рече Блинкен.

Делегација на Хамас денеска престојува во Каиро за да преговара за прекин на огнот во Газа.

Во саботата, висок функционер на Хамас, Калил ал-Хаја, рече дека групата го разгледува предлогот на Израел, но не даде детали.

Тој истакна дека понудата на Израел за примирје е одговор на предлогот на Хамас испратен пред две недели.

Светските медиуми објавија дека предлогот предвидува примирјето, доколку биде склучено, да биде претставено како „хуманитарен прекин на огнот“.

Хамас би ги ослободил заложниците во замена за неколкунеделен прекин на огнот и ослободување на палестинските затвореници во израелските затвори.

Разговорите се во застој за двете главни прашања, Хамас бара израелските трупи да се повлечат од Газа и да го прекинат конфликтот и детали за бројот и имињата на палестинските затвореници во израелските затвори.

Некои извештаи сугерираат дека Израел покажал подготвеност да направи дополнителни отстапки во иднина, вклучително и повлекување на силите кои го преполовија Појасот Газа и дозволувајќи им на жителите да се вратат на север.

Блинкен денеска отпатува за Саудиска Арабија, каде една од темите на разговор ќе биде војната меѓу Израел и Хамас и повоената иднина на Газа.

Шефот на американската дипломатија ќе разговара со саудиски претставници во Ријад, а ќе има средба и со министрите за надворешни работи на Советот за соработка на арапските држави од Персискиот залив.

Тој ќе се сретне со министрите на Саудиска Арабија, Египет, Јордан, Катар, Обединетите Арапски Емирати, како и со палестинската управа.

По Саудиска Арабија, Блинкен ќе ги посети Јордан и Израел.

Македонија

Тренчевска: До 2028 година 70% од децата ќе бидат вклучени во предучилишно воспитание

Ко-носителката на листата за пратеници, Јованка Тренчевска на изборната единица број 4 на СДСМ од вечерашната трибина во Неготино порача дека пораката која граѓаните ја испраќаат е примена.

Ко-носителката на листата за пратеници, Јованка Тренчевска на изборната единица број 4 на СДСМ од вечерашната трибина во Неготино порача дека пораката која граѓаните ја испраќаат е примена, но дека знае дека градењето на систем е многу поважно за граѓаните отколку само популистички мерки кои не оставаат долготрајни траги во подобрувањето на квалитетот на живот на граѓаните!

„Во 2016 година затекнавме детска заштита со опфат на деца во градинките од само 25%, куп лажни ветувања и сон за брза изградба на 100 градинки од нашите политички опоненти. Од 2017 година до денес, владата предводена од Социјал-демократскиот сојуз отвори 84 нови градинки и опфатот на деца го зголеми на 48%! Вие сте сведоци на нашето вложување во Неготино, во градинката „Фемо Кулаков“, објектот „Темјанушка“ каде инвестиравме и ги зголемивме капацитетите овозможувајќи детска заштита за дополнително 161 дете“ рече Тренчевска објаснувајќи ги заложбите на СДСМ за унапредување на детската заштита.

Таа посочи дека до 2028 година опфатот на деца во предучилишно воспитание и образование ќе се зголеми на 70% и дека патот кон исполнување на таа цел ќе се потврди со отворањето на 14 нови градинки во 2024 година!

Тренчевска истакна дека покрај влогот во најмладите СДСМ вложува и во највозрасните!

„Инвестираме во државни старски домови. Во поголеми пензии. Најниска пензија 20000, просечна 30000 денари. Поголеми плати. Минимална плата 36000 денари, просечна плата 67000 денари. Пoголеми права од социјална и детска заштита за 30%. Нови услуги за највозрасните достапни во сите 81 општина“ изјави Тренчевска.

На крај таа повика сите граѓани да ја заокружат опцијата со број 1 на изборите, затоа што нема друг начин Македонија да чекори напред, се наведува во партиското соопштение.

притисни ентер