Во Швајцарија е пронајдено ремек дело на Микеланџело, помала верзија на „Страшниот суд“ - Канал 5

Култура

Во Швајцарија е пронајдено ремек дело на Микеланџело, помала верзија на „Страшниот суд“

Во Женева е пронајдено единственото масло на платно направено од Микеланџело, а тоа е помала верзија на „Страшниот суд“ што може да се види во Сикстинската капела, соопшти денеска Амел Оливарес, специјалист за ренесансна уметност.

Во Швајцарија е пронајдено ремек дело на Микеланџело, помала верзија на „Страшниот суд“

Женевскиот „Страшен суд“ го проучувал Оливарес осум години, заедно со конзерваторот Хозе Мануел дел Рио Караско, пред да дојдат до заклучок дека делото му припаѓа на Микеланџело.

Оваа слика се сметала за изгубена повеќе од 100 години, а истражувачите веруваат дека Микеланџело ја подарил на сликарот Алесандро Алори, кој ја искористил како инспирација за олтарните дела во базиликата Сантисима во Фиренца.

На сликата може да се види Христос, како и други фигури од „Судот“ во Сикстинската капела, додека димензиите се 96,52 на 81,28 сантиметри, пренесува Анса.

Се верува дека едно од лицата на сликата е на Микеланџело, но е претставено како помладо од она што го знаат историчарите на уметност.

Истражувачите истакнаа дека Христос е насликан без брада, исто како и на фреската во Систинската капела, а фигурите се нецелосни или како изгледаат скици.

Според Оливарес, ова дело укажува дека Микеланџело ја научил техниката на сликање масло од сликарот Себастиано дел Пиомбо.

Детален опис на „Страшниот суд“ во Женева е пронајден во Државниот архив во Фиренца во 1792 година, во документите се поврзани со списокот на мебел и уметнички дела во сопственост на фирентинскиот маркиз Донато Гуадањо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Усвоен е нов Закон за оружје — поголема безбедност, побрзи услуги и повеќе права за граѓаните

Усвоен е новиот Закон за оружје, со кој се поедноставуваат постапките, се прошируваат роковите и се воведуваат нови електронски услуги.

Усвоен е нов Закон за оружје — поголема безбедност, побрзи услуги и повеќе права за граѓаните

Чекор од Реформската агенда на државата.

Што носи новиот закон:

Едно барање за повеќе парчиња оружје. Ограничување на максимален број парчиња оружје, со регулирани исклучоци согласно закон.Полнење муниција согласно закон.Обврска за простор за безбедно чување и сместување на оружјето.Проширено сокорисничко право. Набавка по наследно решение во рок од 4 наместо 2 месеци.1 година рок од примената на законот — за сите што пропуштиле да поднесат барање за набавка по основ на наследство или биле одбиени поради пропуштен рок, како и за легализација, пререгистрација или доброволно предавање на оружјето. Нови електронски услуги, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Запалени два автомобила во Бутел- едниот бил на познат адвокат

Два автомобили биле опожарени во раните утрински часови во скопската населба Бутел, а едното возило е во сопственост на скопскиот адвокат Асмир Алиспахиќ. 

Запалени два автомобила во Бутел- едниот бил на познат адвокат

Од Министерството за внатрешни работи информираат дека пријавата била примена околу 2:20 часот, по што на местото веднаш излегла увидна екипа. Во пожарот биле зафатени автомобил „пасат“ со скопски регистарски таблички и „мерцедес“ со велешки регистарски ознаки, сопственост на двајца жители на Скопје.

Засега не се познати причините за пожарот, ниту дали станува збор за намерно подметнување. Полицијата извршила увид и презема мерки за целосно расчистување на случајот и утврдување на сторителите. Според досегашните информации, нема повредени лица, а истрагата е во тек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски веќе работи на создавање нов сателит

Откако ЗНАМ се распадна и повеќе не постои како функционална структура, Христијан Мицкоски веќе работи на создавање на нов сателит.

СДСМ: Мицкоски веќе работи на создавање нов сателит

Последните двајца преостанати во ЗНАМ – Горан Минчев и Максим Димитриевски сега се борат за фотелји.

Кога и таа последна битка ќе заврши, бидејќи можеби и нема да останат во Владата, Мицкоски ќе остане без инструментот што го користеше за да го ослабне опозицискиот блок.

Затоа веќе започнува со создавање на ново „здружение“.

Тоа е дел од истата стратегија што ја применуваше и досега - создавање на вештачки политички субјекти чија единствена цел е да го ослабнат опозицискиот блок и да му обезбедат дополнителни гласови на следните избори.

Огромниот пад на ВМРО од 150.000 гласови, целосно урнатиот рејтинг на Мицкоски поради лаги и економски колапс, како и фактот дека граѓаните сфатија дека биле измамени на минатите избори, го принудуваат да размислува за предвремени избори.

Мицкоски знае дека СДСМ е зајакнат, дополнително, како дел од широкиот граѓански Фронт за вистина и правда, претставува сериозна закана по неговата власт.

Затоа му е потребен нов сателит, ново орудие кое ќе работи на повеќе страни и ќе се обиде да го повтори сценариото од минатите избори.

Ова е класичен пример на политичко инженерство од најлош вид.

Наместо да се соочи со реалните проблеми на граѓаните, Мицкоски продолжува да гради паралелни структури чија единствена мисија е да ја одржат неговата власт преку манипулација и поделба на гласовите.

Мицкоски не прави нова политичка сила. Тој прави нов механизам за контрола на изборниот процес и за поделба на опозициските гласови. Исто како што го правеше и со ЗНАМ.

Двапати истата лага нема да помине. Граѓаните не се наивни.

Доаѓа времето на вистината и правдата,с е наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер