Македонија

Во Самоков наскоро ќе почне производство на воени дронови

Фабриката за муниција „АТО АММО“ во Самоков, поранешен „Сувенир“, наскоро ќе го произеде првиот македонски воен дрон, најавија прмеиерот Ковачевски и министерката за одбрана Славјанка Петровска, по денешна посета на фабриката...

Македонија влегува на НАТО пазарот со производство на дронови. Фабриката за муниција АТО АММО од наскоро ќе почне да произведува четири видови дронови – за употреба во борби но и во цивилни цели.

Според најавите, земјава треба да се најде на мапата на производство на мултифункционални дронови кои ќе бидат користени во воените арсенали на земјите членки на НАТО.

Министерката за одбрана Славјанка Петровска не открива детали, техничките спецификации се класифицирани информации кои допрва ќе треба да се прецизираат.

„Во однос на техничките спецификации, јас не би објавувала сега што точно ќе содржат, затоа што тоа се и класифицирани информации. Мултинаменски ќе бидат заради тоа што во денешно време повеќедимензионалнсота или потребата од повеќе аспекти се повеќе се наметнува. Ти ќе бидат способни и да бидат испраќани во извидничко – разузнавачки мисии а се разбира ќе бидат оспособени за борбени дејствија но и за употреба во цивилни цели.“

Петровска ја посети фабриката АТО АММО во Самоков, Македонски Брод заедно со премиерот Ковачевски и вицепремиерот за економски прашања Фатмир Битиќи. Ковачевски откри дека дроновите кои се планира да се произведуваат таму ќе бидат целосно производство во земјава.

„Многу скоро АТС АММО ќе започне со сериско производство на четири видови на дронови кои ќе бидат опремени со вештачка интелигенција, ќе имаат висок дострел, соодветна носивост, да можат да бидат опремени со соодветна опрема и кои целосно ќе бидат произведени во Македонија, согласно сите НАТО стандарди и ќе можеме да ги гледаме во воените арсенали во НАТО земјите.“

Компанијата АТО АММО е единствена фабрика во земјава за производство на малокалибарска муниција, произведува повеќе од 120 милиони парчиња годишно, а догодина се планира тој број да се зголеми и до 250 милиони парчиња. Регистрирана е на НАТО листата за производство, помеѓу досега регистрирани околу четириесетина компании во земјава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена облачност.

Попладне претежно во југоисточните делови ќе има услови за локален пороен дожд и грмежи. Ќе дува слаб до умерен ветер од источен правец. Минималната температура ќе биде во интервал од 10 до 18, а максималната ќе достигне од 28 до 35 степени.

Во Скопје, сончево со мала до умерена облачност. Ќе дува слаб до умерен ветер од јужен правец. Минималната температура ќе се спушти до 18, а максималната ќе достигне до 35 степени.

Следува период на стабилно и потопло време освен во вторник кога ќе има услови за локален пороен дожд и грмежи.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Груби останува во куќен притвор до 13 септември

Поранешниот вицепремиер Артан Груби останува во куќен притвор, кој му е продолжен откако вчера беше поднесено обвинение за случајот ,,Лотарија”, информираа од Кривичниот суд.

Судењето против Груби и останатите седум обвинети во овој случај ќе стартува на 24 август.

Груби ќе седне на обвинителна клупа, но не за „проневера во службата“, туку за „злоупотреба на службената положба“. Од обвинителството појаснуваат дека при одредување на правната квалификација во поднесеното обвинение, надлежниот јавен обвинител се водел од доказите прибрани во текот на истражната постапка.

Тагови: Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Ертракторите“ цел дел гаснат над Рамни Габер, активни пожари има на осум места

Состојбата со пожари на отворен простор денеска е подобра во однос на вчера, но повторно досега има дваесетина пожари, од кои 8 се активни во овој момент, соопшти попладнево директорот на дирекцијата за заштита и спасување, Стојанче Ангелов.

Како најкомплексен пожар за гаснење останува пожарот во Студеничани, над селото Рамни Габер. Цел ден дејствуваат етракторите, значително е намален поголем дел од горните краци, но потребно е уште многу работа за истиот да биде изгаснат – вели Ангелов.

Пожар попладнево избил и во атарот на село Борино и село Житоше, во Крушево. Ангелов вели дека се работи за тешко пристапен терен и таму ќе биде упатен еден полициски хеликоптер кој набргу треба да започне со дејство, бидејќи во близина има непосреден извор за полнење на вода.

Сериозен пожар попладневo избил и во велешко – во селото Салм. Ангелов вели дека пожарникарите водат битка да го заштитат селото, но посочи дека верува во нив и очекува уште денеска да биде изгаснат.

Ангелов соопшти дека вчера имало и иницент во прилепско, каде што двајца пожарникари биле физички нападнати.

Тагови: ДЗС

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.