Во сабота почнува увидот во Избирачкиот список за локалните избори, ќе трае до 11 септември - Канал 5

Македонија

Во сабота почнува увидот во Избирачкиот список за локалните избори, ќе трае до 11 септември

За три дена стартува увидот во избирачкиот спиок. Граѓаните ќе имаат на располагање 20 дена да проверат дали ги има во единствениот избирачки список и да ги ажурираат своите податоци. 

Во сабота почнува увидот во Избирачкиот список за локалните избори, ќе трае до 11 септември

Доколку има промени во нивите лични податоци или не можат да се пронајдат ќе треба да поднесат барање за запишување, дополнување или бришење до подрачните канцеларии на ДИК или по електронска пошта. Ќе треба да приложат и доказ за промените кои бараат да бидат извршени во Избирачкиот спосок. Избирачкиот список ќе биде заклучен на 3-ти октомври, по што ќе се знае точната бројка на гласачи кои ќе имаат право да излезат на избирачките места на 19-ти октомври.

На овие локални избори, за прв пат независни кандидатури и листи ќе може да се поднесуваат со само два граѓански потписи. Ваква промена на упатството за поднесување кандидатури изгласа Изборната комисија на последната седница, откако пропадна и последниот обид да се изгласаат измените на Изборниот законик во предвидениот рок. Според премиерот Мицкоски неразбивливо е незадоволството на граѓанските иницијативи кои и понатаму тврдат дека не се рамноправни со партиите во изборниот процес.

Избирниот законик остана непроменет поради немање бадентерово мнозинство за изгласување на предложените измени, а премиерот обвинуваше за намерна блокада од ДУИ поради партиски интереси. Тој во одговор на новинарско прашање денеска рече дека владеачкото мнозинтсво е стабилно, а на интегративците им порача да се навикат дека се опозиција и да не се обидуваат со трикови да влезат во Владата.

Рокот за поднесување на листите за градоначалници и општински советници истекува на 13-ти септември. Од партите посочија дека најдоцна во првата недела од идниот месец ќе бидат познати имињата на преостанатите кандидати со кои ќе истрачаат на локалните избори.

YouTube video

Тагови: локални избори

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рајна падна на рекордно ниско ниво, Романија минираше карпа на Дунав заради подобар проток

Реката Рајна падна на рекордно ниско ниво на неколку локации во Германија и Холандија, додека долгите топлотни бранови продолжуваат низ Европа.

Рајна падна на рекордно ниско ниво, Романија минираше карпа на Дунав заради подобар проток

Нивоата измерени во Келн во западна Германија и во Лобит, каде што Рајна преминува од Германија во Холандија, се најниски откако се водат евиденции. Минатата недела, водостојот на Дунав падна на најниско ниво во последните 30 години во неколку земји, вклучувајќи ги Србија и Романија, оставајќи ја единствената нуклеарна централа во унгарија на работ на затворање. Сушата на Дунав, исто така, предизвикува сериозни прекини во снабдувањето со електрична енергија во Србија и Романија. Со контролирана експлозија на голема карпа на брегот на Дунав, Романија се обиде да го зголеми протокот на вода до нуклеарната централа чернавода.

Тагови: Дунав Рајна

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Ова е последна шанса иранскиот режим да потпише добар документ

Ова е последна шанса за иранскиот режим да потпише добар документ, изјави американскиот претседател Доналд Трамп, алудирајќи на потенцијален договор меѓу Иран и САД.

Трамп: Ова е последна шанса иранскиот режим да потпише добар документ

За време на обраќањето пред новинарите во Белата куќа, синоќа, Трамп рече дека преговорите „се во тек“ и дека тие „се движат брзо, на еден или друг начин“. Трамп потенцираше дека САД, се подготвени да го нападнат Иран „посилно од кој било воен напад од Втората светска војна“, пред синоќа да и нареди на војската да прекине со нападите. Трамп, исто така, изјави дека Иран нема да наплаќа патарини во Ормуската теснина.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски и Клековски ја отруја и болницата во Гостивар

Кризата со водата во Гостивар премина во здравствена катастрофа.

СДСМ: Мицкоски и Клековски ја отруја и болницата во Гостивар

Пациентите од Гостивар се пренесуваат во Тетово за операции и породување.

Стерилизаторите не работат поради загадената вода.

Операции, ортопедија, гинекологија, урологија - сѐ е блокирано.

Здравјето и животите на граѓаните се директно загрозени.

Мицкоски и Клековски сѐ уште одбиваат да ја кажат вистина.

Нема официјален документ со кој се потврдува дека водата е чиста - затоа што никој не сака да потпише и да преземе кривична одговорност.

Водата беше прогласена за „технички исправна“ само затоа што Мицкоски тоа го рече.

Сакаше да изгледа како спасител.

Резултатот: граѓаните се капеа и ги миеја садовите со вода во која има опасна бактерија.

Три цистерни вода за град од 50.000 жители.

Тоа е сѐ што понудија.

Сега ја отруја и болницата.

Го загрозија целото население.

Одговорноста е јасна: Христијан Мицкоски и министерот Клековски.

Обвинителството мора веднаш да реагира.

Ова повеќе не е само неспособност.

Ова е загрозување на здравјето и животите на илјадници граѓани.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер