Во руски напади врз Украина убиени најмалку седум лица, прекинато снабдувањето со енергија - Канал 5

Свет

Во руски напади врз Украина убиени најмалку седум лица, прекинато снабдувањето со енергија

Во најновите руски напади врз Украина загинаа најмалку седум лица, вклучувајќи и деца, соопштија денеска официјални лица, пренесе ДПА.

Во руски напади врз Украина убиени најмалку седум лица, прекинато снабдувањето со енергија

Обвинителството во источниот регион Доњецк соопшти дека тројца браќа на возраст меѓу 8 и 19 години биле убиени синоќа во гранатирање во градот Краматорск. Нивната мајка и баба исто така биле повредени кога граната погодила станбена зграда. Градоначалникот на Краматорск, Олександар Хончаренко, изјави дека во нападот загинал уште еден маж.

Гувернерот на Одеса, Олех Кипер, изјави дека едно лице загинало, а шест други се повредени за време на напади врз регионот на Црното Море, за кои рече дека биле насочени кон пристанишни, индустриски и енергетски објекти, како и кон цивилна инфраструктура.

Кипер истакна дека биле оштетени магацини во пристаништето што содржеле ѓубриво, а четири автомобили се запалиле во она што украинските власти за цивилна заштита го опишаа како масовен напад со дронови. Властите исто така известија за значителни прекини во снабдувањето со електрична енергија, греење и вода во текот на ноќта.

Обвинителството во Харков соопшти дека една жена била убиена во напад со дрон утрово во село во округот Изум, во североисточниот дел на земјата.

Уште една жена загинала, а еден маж е повреден во напад со дрон врз градот Орихив во јужниот украински регион Запорожје, според гувернерот Иван Федоров.

Украинските воздухопловни сили соопштија дека Русија ја нападнала Украина со една балистичка ракета и 154 борбени дронови, од кои 111 биле пресретнати. Регистрирани се напади на 18 локации.

Украина се брани од руска инвазија речиси четири години.

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Четворица пингопонгари ќе ги бранат боите на Македонија на Европското младинско првенство

Групната фаза на програмата на 15-ти Јуни, четворица наши ќе ги бранат боите на Македонија на Европското младинско првенство.

Четворица пингопонгари ќе ги бранат боите на Македонија на Европското младинско првенство

Мартин Ристески и Бојана Јовевска во категоријата до 15 години и Александар Јакимовски и Софија Хасану до 19 години ги играат првите натпревари на 15-ти Јули од 10 часот.

Во категоријата до 15 години Мартин Ристески се сретнува со Матејус Адамонис од Литванија.

Бојана Јовевска ќе игра против Солек Натиа од Полска

Во категоријата до 19 години настапуваат Софија Хасану против Ковалова Дариа од Украина, а Александар Јакимовски ќе ги одмери силите со Дусине Нејтан од Франција.

Европското пинг-понг првенство се одржува во Гондомар, Португалија, од 10 до 19 Јули.

Пинг-понгарска федерација на Македонија

Тагови: пинг понг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кривична пријава против поранешен директор на ЈКП „Брегалница“-Делчево

Кривична пријава против поранешен директор на ЈКП „Брегалница“-Делчево поради „злоупотреба на службената положба и овластување“

Кривична пријава против поранешен директор на ЈКП „Брегалница“-Делчево

Надворешната канцеларија за криминалистички работи Делчево на 13.07.2026 поднесе кривична пријава против С.С.(61) од Делчево, поранешен директор на ЈКП „Брегалница“- Делчево, поради постоење основи на сомнение за сторено кривично дело ,„злоупотреба на службената положба и овластување“, по член 353 ст.1 во врска со член 45 ст.1 од КЗ.

С.С. како службено лице - директор на ЈКП „Брегалница“- Делчево ја злоупотребил службената положба и овластување со пречекорување на границите на своите службени овластувања, при што во периодот од 2023 до 2025 година, на вкупно 112 вработени во ЈКП „Брегалница“-Делчево им издал вкупно 92 решенија за зголемување на основната плата поради работна успешност, при тоа без да има предлози од непосреден раководител на работникот и без согласност на непосреден раководител на работникот, со што постапил спротивно на член 51 ст.1 од Колективниот договор за комуналните дејности и спротивно на член 81 ст.2 од Колективниот договор за уредување на правата, обврските и одговорностите од работниот однос на работниците од ЈКП „Брегалница“- Делчево и предизвикал вкупна материјална штета на јавното претпријатие од 267.873 денари.

Тагови: кривична пријава

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НЛБ Банка и „Прагма Продукција“ го официјализираа партнерството за претстојната летна концертна сезона

НЛБ Банка и „Прагма Продукција“ денеска го официјализираа партнерството за претстојната летна концертна сезона.

НЛБ Банка и „Прагма Продукција“ го официјализираа партнерството за претстојната летна концертна сезона

На заедничка прес-конференција ги најавија музичките настани што ќе ја одбележат летната програма, како и ексклузивните поволности што ќе бидат достапни за клиентите на НЛБ Банка, со посебен акцент на пакетот **nlb next**, наменет за младите.

На прес-конференцијата присуствуваа и членовите на дуото „Дупер“ и Слаткаристика, кои ги најавија претстојните настапи и ја поздравија иницијативата за поддршка на домашната музичка сцена.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер