Во Русија стартува 21 Светски фудбалски шампионат, сите ја сонуваат „Богињата“ - Канал 5

Забава

Во Русија стартува 21 Светски фудбалски шампионат, сите ја сонуваат „Богињата“

Очите на милијарди луѓе од целата планета во следните месец дена ќе бидат свртени кон Русија. 

Во Русија стартува 21 Светски фудбалски шампионат, сите ја сонуваат „Богињата“

Каде од денеска па се до 15 јули најдобрите 32 светски селекции ќе се борат за тронот на 21 Фудбалски Мундијал.

Најзначајниот спортски настан годинава како и многу претходни ќе мине без учество на селекцијата на Македонија, честа на поранешна Југославија ќе ја бранат репрезентациите на Србија и Хрватска.

Од моментот кога во 2014 година во Бразил беше завршено финалето на Светскиот шампионат меѓу Германија и Бразил вљубениците во најважната споредна работа на светот фудбалот со нетрпение очекуваа популарната буба мара повторно да се стркала на зелениот терен и да започна битката за популарната „Богиња“.

Мундијалот во Русија по многу што ќе биде посебен. Тоа е првиот Светски фудбалски шампионат кој се игра во Источниот дел на Европа, а воедно ќе биде и премиерниот Мундијал на кој ќе се користи видео – технологија за сите сомнителни ситуации.

Домаќинот Русија максимално сериозно ја сфатил организацијата на првенството , посебно кога е во прашање безбедноста на фудбалерите но, и на навивачите. На секој чекор може да се видат полицајци, сообраќајци...

Свеченото отворање на Светскиот шампионат е закажано за денеска во 16 и 30 часот по средноевропско време, а во 17 часот започнува и премиерниот дуел меѓу домаќинот Русија и селекцијата на Саудиска Арабија. Засега се продадени рекордни 2,7 милиони влезници за 64 натпревари на Мундијалот.

Инаку ова ќе биде уште една смотра на која фудбалерите ќе се обидат да рушат разни рекорди.

Шампионскиот трофеј, популарната „Богиња“ ја брани селекцијата на Германија.

Годинава во улога на фаворити за титулата покрај популарните „панцири“ Германците се и репрезентациите на Аргентина, Бразил, Шпанија, Франција, Белгија ....Но, секако во следите 30 дена сите учесници ќе ја сонуваат „Богињата“ и ќе се надеваат на некакво чудо.

Во А групата ќе играат: Русија, Уругвај, Египет и Саудиска Арабија.

Групата Б ја сиочинуваат: Шпанија, Португалија, Иран и Мароко.

Ц-група: Франција, Австралија, Данска и Перу.

Во Д-групата ќе играат: Аргентина, Хрватска, Нигерија и Исланд.

Селекции кои ќе играат во Е-групата: Бразил, Швајцарија, Србија и Костарика.

Четирите учесници во групата Ф се: Германија, Мексико, Шведска и Јужна Кореја.

Белгија, Англија, Тунис и Панама ќе се натпреваруваат во Г-групата.

Х-група: Полска, Колумбија, Јапонија, Сенегал.

Ќе се игра по систем секој со секого, а првите две од секоја група одат во следната рунда. Групната фаза ќе трае од 14 до 28 јуни. Осминафиналето ќе се игра од 30 јуни до 3 јули. Четвртфиналето е закажано за 6 и 7 јули, а полуфиналните дуели за 10 и 11 јули. На 14 јули е натпреварот за 3.место, а финалето ќе се игра на 15 јули.

Мундијалот ќе се игра на 12 стадиони во 11 градови>

Москва - „Лужники" (капацитет 81.000 илјади) „Откритие Арена“ (45.360)

Санкт Петербург – „Крестовскиј“ (68.134)

Казан – „Казан Арена“ (45.379)

Калинград – „Калинград Стадиум“ (35.212)

Сочи – „Фишт“ (47.659)

Волгоград – „Волгоград Арена“ (45.568)

Саранск – „Мордовија Арена“ (44.442)

Нижниј Новгород – „Нижни Новгород“ (44.899)

Самара – „Самара Арена“ или „Космос Арена“ (44.918)

Ростов на Дон – „Ростов Арена“ (45.000)

Екатеринбург – „Екатеринбург Арена“ (35.696).

Инаку наградниот фонд на Мундијалот во Русија е огромен . Светскиот шампион ќе добие 38 000 000 долари, вицешампионат 28 000 000, бронзата носи 24 000 000 долари, а четвртото место два милиони долари помалку.

За пласманот во четврфиналето селекциите ќе добијат по 16 000 000 долари, а 12 мил. Долари осминафиналистите. За настапот во групната фаза репрезентациите ќе добијат од ФИФА по 8 милиони долари, што значи дека вкупно ќе бидат исплатени точно 400 000 000 долари.

Светски шампиони:

1930. Уругвај

1934.Италија

1938. Италија

1950. Уругвај

1954.Германија

1958.Бразил

1962.Бразил

1966. Англија

1970.Бразил

1974.Германија

1978. Аргентина

1982. Италија

1986. Аргентина

1990.Германија

1994.Бразил

1998.Франција

2002.Бразил

2006.Италија

2010.Шпанија

2014. Германија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма на германски аеродром: Откриена дупка во оградата – некои летови откажани

Безбедносната ограда е пробиена на аеродромот во Лајпциг преку ноќ, а полицијата верува дека непознат автомобил влегол на аеродромскиот терен покрај руските товарни авиони „Антонов“ паркирани таму.

Драма на германски аеродром: Откриена дупка во оградата – некои летови откажани

Дупката во оградата е откриена околу 23 часот во саботата, соопшти полицијата, а портпаролката на полицијата Тереза ​​Леверенц изјави дека летовите на северната страна од аеродромот се откажани по инцидентот, објави „Билд“, забележувајќи дека бројни товарни авиони на „Амазон“ морале да слетаат на јужната писта на аеродромот во Лајпциг.

„Многу е веројатно дека возило ја пробило оградата. Сепак, за време на пребарувањето на областа преку ноќ, ниту возилото ниту неовластени лица не се пронајдени во аеродромскиот простор. Пребарувањето ќе продолжи денес, а северната писта останува затворена за воздушен сообраќај“, рече Леверенц.

Во август, истражителите открија дрон натоварен со експлозив во близина на аеродромската писта, настан за кој германските власти подоцна ја обвинија Русија, објави „Ројтерс“.

Русија ги негираше обвинувањата.

Фото: ВИ

Тагови: аеродром Германија драма

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода 18 годишен кумановец, при претрес во дом пронајдено оружје, следува пријава

На 17.10.2026 во 19:15 часот полициски службеници од СВР Куманово го лишија од слобода Р.Д. (18) од Куманово. 

Лишен од слобода 18 годишен кумановец, при претрес во дом пронајдено оружје, следува пријава

При претрес во неговиот дом извршен по судска наредба биле пронајдени автоматска пушка, рамки од автоматска пушка со 44 куршуми, испукана чаура, рачно изработена направа поврзана со тајмер и батерија. По целосно документирање на случајот против него ќе следува соодветна пријава.

Тагови: оружје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем пожар во канадска воена база: Има загинати (ВИДЕО)

Голем пожар во воена база во канадскиот град Вејнрајт уби непознат број луѓе, објави денес локалната општинска власт во тој град.

Голем пожар во канадска воена база: Има загинати (ВИДЕО)

Беше објавено дека пожарот е предизвикан од „сериозен инцидент“, а надлежните служби сè уште работат на локализирање на пожарот, објавува „CNN“.

Пожарот започнал во базата во Вејнрајт, град во источниот дел на покраината Алберта, и брзо се проширил поради силните ветрови, соопшти општината во објава на Фејсбук.

Повикот за помош дошол околу 16:00 часот, соопшти Кралската канадска коњичка полиција во Вејнрајт, а канадскиот министер за одбрана Дејвид Мекгинти потврди дека има и смртни случаи и повредени, без да даде детали.

„Пожарот на терен сè уште не е изгаснат и наскоро ќе биде покрената истрага“, додаде тој.

Канадската воена база Вејнрајт, која се наоѓа околу 210 километри југоисточно од главниот град на покраината Едмонтон, е една од најпрометните воени бази во земјата, наведено е на веб-страницата на владата.

Болниците преполни

Лекар во болница во градот Едмонтон, кој се наоѓа 180 километри северозападно од Вејнрајт, изјави за канадскиот национален јавен сервис дека пациентите се носат во болниците низ градот бидејќи здравствените установи во градот се „целосно преоптоварени“ со бројот на луѓе на кои им е потребна нега, објави Скај њуз.

„Овој број на пациенти би го преоптоварил градот Едмонтон“, изјави за „CBC News“ д-р Ворен Тирск, лекар од итна помош во болницата Ројал Александра.

„Ова е повеќе пациенти отколку што би сакал да изброи кој било од нас во овој момент. Тоа е катастрофа. Ова е катастрофа што се случува еднаш на секои 15 до 25 години.“

Тагови: канада пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер