Во ракометниот колектив Вардар размислуваат за иднината - Канал 5

Ракомет

Во ракометниот колектив Вардар размислуваат за иднината

Ракометниот колектив Вардар, првак на Македнија во двете конкуренции, уште од сега размислува за својата иднина. На денешната заедничка прес-конференција на машката и женската екипа на Вардар, беа продолжени договори со повеќемина актуелни играчи во двата колектива.

Во ракометниот колектив Вардар размислуваат за иднината
Во женската екипа за уште две години е продолжена соработката со Андреа Лекиќ, Јованка Радичевиќ, Амадин Лено, Алисон Пино и со Сираба Дембеле, со Ина Суслина до 2018 година и со Татјана Хмирова до 2017 година.

Беа најавени и новите засилувања - Андреа Пенезиќ, со која е потпишан договор на една година со можност за продолжување на уште една, како и Барбара Лазовиќ на 2 + 1 година.

- На ваков чекор се решивме откако мажите обезбедија пласман во ТОП 16 фазата и жените кои играат во главната фаза, но ќе треба добро да се „испотат“ за завршниот турнир. Наша цел е да се победува на секој натпревар, изјави Сергеј Самсоненко, претседател на машкиот клуб и главен спонзор.

Што се однесува до машкиот состав, договорите се продолжени со: Алем Тоскиќ (1+1 година), Илија Абутовиќ до 2017 година, Игор Карачиќ до 2017 година, Страхиња Милиќ до 2019 година и Тимур Дибиров, кој се обврза на верност кон црвено-црните до 2020 година.

Самсоненко потенцира дека основна задача е развивање на спортот во Република Македонија и Вардар како спортски бренд, заедно со претседателот на ЖРК Вардар СЦБТ Гордана Нацева беше кажано дека активно се работи и со младите категории и за очекување е следната сезона нови имиња да се појават во првиот состав.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го преименува езерото Онтарио, канадскиот премиер реагира

Трамп потпиша извршна наредба со која се наредува езерото Онтарио да се нарекува Езеро Америка 

Трамп го преименува езерото Онтарио, канадскиот премиер реагира

Канадскиот премиер Марк Карни вчера изјави дека езерото Онтарио ќе продолжи да се нарекува така, откако американскиот претседател Доналд Трамп потпиша извршна наредба со која им наредува на американските федерални агенции да го нарекуваат Езеро Америка.

„Името е старо над 400 години и датира и од Канадската конфедерација и од Декларацијата за независност на Соединетите Американски Држави“, продолжи тој.

„Знаеме дека Америка се менува. Нејзините трговски односи, нејзината надворешна политика, нејзините национални споменици, нејзините хидроними“, напиша Карни на X. Хидронимите се имиња на водни тела и водни патишта.

„Канаѓаните исто така знаат дека работите треба да се нарекуваат со нивните вистински имиња: Езеро Онтарио - тогаш, сега и секогаш“, додаде тој.

Трамп нареди промена на името

Трамп потпиша извршна наредба со која се наредува езерото Онтарио да се нарекува Езеро Америка во документите, мапите и комуникациите на федералната администрација на САД.

Иако рече дека промената ќе стапи на сила веднаш, наредбата му даде на американскиот секретар за внатрешни работи 30 дена да ја спроведе во консултација со Одборот за географски имиња. Одлуката не е обврзувачка за Канада или меѓународните институции. Езерото Онтарио е едно од петте Големи езера во Северна Америка, кое се наоѓа помеѓу канадската покраина Онтарио и американската држава Њујорк.

Извор: Индекс.хр

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Кочани, лишени од слобода две лица

На 27.08.2026 полициски службеници од ОВР Кочани ги лишија од слобода Д.С.(42) и В.З.(26) двајцата од Кочани, по претходни оперативни сознанија дека се сторители на повеќе тешки кражби на подрачјето на ОВР Кочани.

Претрес во Кочани, лишени од слобода две лица

Извршен е претрес во нивните домови, со претходно издадена судска наредба, при што биле пронајдени и одземени предмети кои потекнуваат од кривично дело по член 236 од Кривичниот законик на РМ.

По целосно документирање на случајот, ќе следуваат соодветни пријави.

Тагови: кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода возач од Шведска, на автопатот А- 1 возел со двојно поголема брзина од дозволената

На 27.08.2026 околу 16:00 часот на Граничен премин Табановце, на излез од државата, полициски службеници извршиле проверка на патничко возило „фолксваген“ со српски национални ознаки, управувано од М.С.(39) од Шведска. 

Лишен од слобода возач од Шведска, на автопатот А- 1 возел со двојно поголема брзина од дозволената

При извршена проверка преку системот „Безбеден град“ било констатирано дека М.С. бил евидентиран како сторител на кривично дело по член 297-а од Кривичниот законик – „безобѕирно управување со моторно возило“, односно на автопатот А-1, во близина на Демир Капија, управувал со возилото со брзина од 175 километри на час на место каде максималната дозволена брзина е 80 километри на час. М.С. е лишен од слобода и ќе биде поднесена соодветна кривична пријава.

Тагови: поголема брзина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер