Култура

Во Прилепскиот театар премиера на претставата „Каменот"

Во прилепскиот народен театар „Војдан Чернодрински" денеска премиерно ќе биде изведена претставата „Каменот" од Мариус Фон Мајебург, во режија на Кристина Димитрова.

Тоа е прва претстава од почетокот на пандемијата и од годинашната програма.

Претставата е предизвик и за прилепската актерска екипа и за ансамблот кој прикажува прва премиера. За режисерката Кристина Димитрова, проектот е предизвик во овие услови.

– Голем предизвик е да се прави претстава во пандемија. Мора да внимаваме на многу работи, главно на маските, заштитата, на дистанцата. Имавме и многу среќа никој од актерите и од сите чинители во претставата да не заболи. Беше многу стресно, но и убаво. Претставата е според современ, германски текст. Голем предизвик беше. Нема линеарен развој на настаните, вели режисерката Димитрова.

Претставата, посочи таа, е според современ, германски текст, а предизвик и внимателност беше сиот процес.

– Сите актери беа во добра здравствеа состојба. Приказната е за повеќе генерации во едно германско семејство што ги поминало децениите искушенија. Се чувствуваат исчезнатата среќа, остатоците од војната, сиромаштвото, лагите, непочитувањата, лицемерието. Потребни се голема издржливост и многу компромиси за да се живее во мир, појасни актерката Ачански.

Во претставата според сите протоколи играат: Наташа Ачански, Катерина Чакмакоска – Клинческа, Димитар Ѓорѓиевски, Јасмина Мицовска- Станкоска, Марија Димитрова, Илија Волчески. Сценографијата е на Валентин Светозарев, костимографијата е на Роза Трајчевска – Ристовска, драматург е Лидија Митоска Ѓорѓиевска, а музиката е на Томе Темелкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Алармантно во Гостивар: Над 1.200 граѓани хоспитализирани поради загадена вода

Здравствена вонредна состојба во Гостивар. Поради загадена вода за само неколку дена дури 1.200 граѓани побарале медицинска помош во болницата.

Пациентите, меѓу кои има и многу деца, се јавуваат со симптоми на труење, поради што се засилени дежурните медицински тимови.

Првичните информации од полицијата упатуваат на сомнеж дека локалниот водовод ја загадил водата со отпадни води во обид да го зголеми притисокот во мрежата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: Опозицијата доби бланко лист за исполнување на желби за Изборниот Законик, истото го одбија поради виктимизација

Опозицијата доби бланко лист за исполнување на желбите за Изборниот Законик, а истото го одбија поради виктимизација.

Коалицијата на СДС, Левица и ДУИ, сметаат дека доколку глумат жртви тоа ќе им донесе политички поен повеќе.

Реалноста пак излезе на површина, а таа е дека ВМРО-ДПМНЕ како партија на власт им ги прифаќа сите барања на опозиционерите, само дијаспората да може да гласа на полесен начин. Токму ова, коалицијата на СДС, Левица и ДУИ го одбија.

Одбија и да бидат внесени во новиот ИЗ и препораките на ОБСЕ и ОДИХР, одбија да имаме една изборна единица, одбија и повеќе пари за рекламирање, само за да се претстават како жртви и оваа приказна да можат да ја шират како алиби на следните избори кои историски ќе ги загубат.

Но, исто така, со недонесување на ИЗ директно се обидуваат да го намалат успехот на Македонија во делот на Реформската Агенда. Ние посекако сме лидери во Западен Балкан во исполнување на реформи, но неносењето на ИЗ е директен показател дека кога ќе имаат можност СДС, Левица и ДУИ ќе опструираат.

Токму во овој процес се покажа зошто ВМРО-ДПМНЕ е на власт, а зошто СДС, Левица и ДУИ се во опозиција. Разликата е евидентна. Едните работат во интерес на државата, а другите за својот и партискиот интерес.

Валентин Манасиевски, портпарол на ВМРО-ДПМНЕ

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Фото: Новак ги собра најголемите светски ѕвезди на едно место

Поради најтрофејниот светски тенисер, Новак Ѓоковиќ, најголемите ѕвезди од светот на спортот, модата, филмот и многу други општествени сфери дојдоа на премиерата на неговиот документарен филм во Њујорк.

Новак Ѓоковиќ пристигна во Њујорк од Меѓугорје и таму ја одржа премиерата на својот документарец.

Документарниот филм „Новак Ѓоковиќ – Зимски волк“ ќе биде достапен за јавноста на 20 август, а премиерата, на која се појавија најголемите светски ѕвезди, се одржа околу еден месец претходно.

Секако, присутни беа личности од светот на спортот – почнувајќи од Мајк Тајсон, Џон Мекинро, Златан Ибрахимовиќ, Хуан Мартин дел Потро, Џани Инфантино, Богдан Богдановиќ, Марко Матераци, Роберто Карлос, Фернандо Љоренте и Кафу, па сè до кралицата на модата Ана Винтур, манекенката Кристина Романова и многу други.

Од фотографиите што се појавија од „Музејот на современа уметност“ може да се види дека сите уживале и дека имале што да видат. Веројатно нема да можат многу да зборуваат за тоа поради јавната премиера, која е закажана дури за август.

На филмот за Новак работеше Џејсон Хејер, човекот што го сними документарецот за Мајкл Џордан („Последниот танц“), а тоа само по себе беше доволна најава за спектаклот што се очекуваше.

"I’m trying to prove myself wrong more than anybody else."

Novak Djokovic: The Wolf in Winter is streaming August 20. pic.twitter.com/7n24EVv7Ao
— Prime Video (@PrimeVideo) July 14, 2026

„Кој најмногу се сомнева во мене? Гледате во него“, рече Новак Ѓоковиќ, покажувајќи кон себе: „Се обидувам да се надминам себеси, повеќе од кој било друг. Луѓето мислат дека си постигнал толку многу и дека треба да уживаш во тоа, а јас не можам да уживам“, изјави Новак, меѓу другото, во објавениот трејлер.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.