Во Прилеп свечено отворен 59. МТФ „Војдан Чернодрински“ - Канал 5

Култура

Во Прилеп свечено отворен 59. МТФ „Војдан Чернодрински“

Македонскиот театарски фестивал  „Војдан Чернодрински“ е традиција, духовна навика и жива дебата за тоа каков театар сакаме да гледаме и какво општество сакаме да градиме.

Во Прилеп свечено отворен 59. МТФ „Војдан Чернодрински“

Македонскиот театарски фестивал „Војдан Чернодрински“ е традиција, духовна навика и жива дебата за тоа каков театар сакаме да гледаме и какво општество сакаме да градиме, порача министерот за култура и туризам Зоран Љутков на отворањето на 59. Македонски театарски фестивал „Војдан Чернодрински“ во Прилеп.

-Низ овие 59 години, театарот постојано се движи напред предводен од нови генерации уметници кои носат нова естетика, нови форми и одговараат на нови прашања. И тоа не треба да нѐ плаши. Напротив, тоа е потврда дека театарот е жив. И како институции, ние сме тука не само да ги следиме тие процеси, туку и да ги поддржиме – суштински, доследно, со јасна визија, рече министерот Њутков прогласувајќи го за отворен 59. МТФ „Војдан Чернодрински“ во големата сала на Центарот за култура „Марко Цепенков“ во Прилеп.

Според уметничкиот директор фестивалот Ана Стојаноска до наредниот петок, 13 јуни носи богата програма со девет претстави во конкуренцијата за награди, пет во независната продукција, промоции, нови содржини, разговори на тркалезната маса за одиграните претстави како и достојно внимание на прилепските театарски дејци преку „Прилеп во фокусот“. Почит на актерите Кирил Ристоски, Благоја Спиркоски Џумерко и за драмскиот автор Благоја Ристески-Платнар.

-Сакам да ја поздравам новата програма „Драмолетање“. Ќе комуницираат актерите, заедно со продуцентите и режисерите. Тоа за да се фокусираме на домашната, македонската драма. На Фестивалот е и детската зона, а Прилеп во Фокусот е всушност, музејот во движење. Во недела навечер од 21 часот пред Градскиот саат ќе почнеме да го мапираме Прилеп како градот во фокус, изјави Стојаноска.

Според прилепскиот градоначалник Борче Јовчески, Фестивалот во Прилеп носи економски бенефит, но најважно од сѐ е што носи дух и гордост.

-За Прилеп, „Војдан Чернодрински“ е традиција што нѐ обврзува, но и инспирација што нѐ движи напред. А за цела Македонија, тој е симбол на континуитетот, на квалитетот и на љубовта кон театарот. Фестивалот создава простор за нови уметнички јазици, нови визии, нови генерации актери и режисери. Но, создава и простор за дијалог и за заедништво. Театарот, како и секогаш, ни дава шанса да се огледаме во него – искрено и без маски, рече Јовчески на отворањето на Фестивалот.

На отворањето беа доделени наградите за животно дело на актерите Снежана Конески Руси, Соња Михајлова и на Гоце Тодоровски.

Според Снежана Коневски Руси, наградата е доказ за сето она што се работело на сцена и дека се валоризирал трудот.

-Се чувствувам горда. Но, без аплаузот на публиката веројатно не ќе бев она што сум денеска. Можеби публиката ме хранела премногу за да опстојам на сцената меѓу сите тие нови генерации и, едноставно се чувствувам како мост меѓу велемајсторите во МНТ и новите генерации, изјави Конески Руси.

За актерката Соња Михајлова, фестивалот е празник и вреднување на театарската уметност.

-Фестивалот е вреднување на влогот на театарските уметници како дел од културниот идентитет на Македонија и од таа причина, секако дека и оваа награда за животно дело ми значи декак, секако, сум оставила некаква трага и печат врз културната театарска уметност која е дел од културниот идентитет на Македонија, рече Михајлова.

Актерот Гоце Тодоровски вели дека речиси цела Македонија е неговата публика која го препознава насекаде, а наградата е потврда на творењето со децении.

-Ова е резултат на тоа што сум го правел досега, ам задовлство и на публиката и мое. Тоа е доказ дека тоа што го работиш е успешно и на извесен начин се верифицира, рече Тодоровски.

На отворањето на Фестивалот пред прилепската публика ансамблот на МНТ од Скопје ја изведе претставата „12“ во режија на Синиша Ефтимов. Тоа е првата од деветте претстави во конкуренцијата за награди на Фестивалот.

Денеска напладне во Центарот за култура ќе се одржат првите разговори за одигранмата претстава „12“ на МНТ.

Вечер на програмата на фестивалот е втората претстава во конкуренцијата за награди. Тоа е претставата на битолскиот народен театар „Црно Семе“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Трчаме со срце“ - 290 тркачи, едно срце и една повисока цел

Градскиот парк во Скопје на 19 септември пулсираше во ритамот на хуманоста, дружењето и спортскиот дух.

„Трчаме со срце“ - 290 тркачи, едно срце и една повисока цел

На јубилејната СОС Хуманитарна трка powered by IT4Charity, 290 тркачи застанаа на стартната линија со една заедничка цел – да трчаат со срце и да дадат свој придонес за децата и младите на кои им е потребна поддршка.

По повод 25 години СОС Детско село, годинешната трка под мотото „Трчаме со срце“ за првпат ги обедини не само компаниите од ИТ-заедницата, туку и индивидуални тркачи. На патеката долга четири километри и во форма на срце трчаа 160 тимски тркачи од 21 ИТ компанија и 130 индивидуални учесници.

Но, трката беше многу повеќе од трчање.

Од раните утрински часови, Градскиот парк беше исполнет со позитивна енергија, поддршка и насмевки. Тркачите се бодреа едни со други, семејствата и пријателите навиваа, а целата атмосфера потсетуваше дека кога се обединуваме околу добра цел, резултатот е многу поголем од кој било пласман.

Посебно место на настанот имаше Детското катче, кое беше исполнето со најмладите посетители. Тие цртаа, твореа и оставаа свои пораки и на тој начин дадоа свој белег на оваа хумана приказна.

Големо внимание привлече и донаторското катче „Мече на грижа“, каде што посетителите донираа и добиваа брендирано СОС меченце. Ова катче стана едно од најпосетените места на настанот и уште еден убав пример дека понекогаш и едно мало добро дело може да носи голема порака.

Сите кои беа дел од трката имаа своја причина да трчаат, но заедничко им беше тоа што дојдоа со срце. Некои трчаа со своите тимови, некои со своите семејства и пријатели, а сите за една повисока цел – ниту едно дете да не расте само.

„Кога ја замислувавме оваа трка во годината во која одбележуваме 25 години, сакавме околу една иста цел да сплотиме што повеќе луѓе. Благодарение на ИТ-компаниите кои повторно застанаа зад нас и на сите индивидуални учесници кои годинава ни се приклучија, на стартот видовме голем број хумани луѓе кои покажаа дека грижата за децата не е само наша мисија, туку нешто околу кое можеме да се обединиме како заедница“, велат од СОС Детско село Македонија.

СОС Хуманитарната трка powered by IT4Charity оваа година е дел од низата настани со кои се одбележуваат 25 години СОС Детско село - 25 години посветени на создавање сигурна и поддржувачка средина за децата и младите и на зајакнување на семејствата кои се соочуваат со сериозни животни предизвици.

Преку своите програми, СОС Детско село Македонија досега има поддржано повеќе од 6.090 деца, млади, згрижувачи и семејства. За некого таа поддршка значела сигурна грижа кога не можел да расте со своите родители, за друго семејство - помош да остане заедно, а за млад човек – поддршка на патот кон самостоен живот.

И токму затоа, на 19 септември не се трчаше само по патеката во Градскиот парк.

Се трчаше за секое дете да има некого покрај себе. Се трчаше за грижа, сигурност и можност за подобра иднина. Се трчаше со срце!

Тагови: СОС Детско село

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Три значајни медали за Јулијана Петровска од Ѓорче Петров на Европско првенство на Специјална олимпијада во Малта

Градоначалникот на Општина Ѓорче Петров, Александар Стојкоски ја пречека шампионката Јулијана Петровска, која од Европското првенство на Специјалната олимпијада во Малта се врати со три медали и со уште еден голем спортски успех за Македонија.

Три значајни медали за Јулијана Петровска од Ѓорче Петров на Европско првенство на Специјална олимпијада во Малта

Јулијана освои сребрен и два бронзени медали, меѓу кои и историскиот бронзен медал во штафетата 4×50 метри.

-Нејзиниот успех е резултат на огромниот труд, посветеност, истрајност и љубов кон спортот, но и доказ дека кога постојат волја и силен дух, границите не постојат - рече Стојкоски на средбата со Петровска.

Општина Ѓорче Петров, додаде Стојкоски, е горда што меѓу своите жители има спортистка која со своите резултати го промовира Ѓорче Петров и Република Македонија и испраќа силна порака дека спортот е простор во кој сите можат да ги остварат своите соништа и потенцијали.

Тагови: Општина Ѓорче Петров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Филипче со багажот од криминални тендери и десет илјади мртви за време на короната, не може реално да расудува за ништо

На Венко Филипче, како главен во талогот на СДС, откако направи низа на криминали му текна да се грижи за работниците и минимална плата.

Петрушевски: Филипче со багажот од криминални тендери и десет илјади мртви за време на короната, не може реално да расудува за ништо

И секако, Филипче како специјализиран за криминал заедно со неговиот учител, Зоран Заев, и партиски другар се противи на се што значи економски раст и економски напредок. Се противи на секаков вид инвестиција, на се што ќе придонесе за реално минималната плата да се зголеми.

Но, што знае Филипче за реално покачување на минималната плата. Ништо.

Филипче за време на владата на СДС и додека тој беше министер, знаеше само за спроведување на сомнителни тендери во здравството како оној за вакцините, потоа сомнителни проекти за клинички во Скопје, а сакаше и неколку области во здравството да ги приватизира. Дополнително, на негово конто се десеттина илјади починати во корона кризата, 14 пациенти кои живи изгореа во модуларната болница во Тетово.

Почитувани,

Филипче по сето ова, многу е јасно дека не може реално да расудува, не може да носи реални одлуки. Затоа, на Филипче му останува само да глуми грижа за граѓаните.

Владата предводена од ВМРО-ДПМНЕ продолжува за грижата за секој еден граѓанин преку помагање на локални проекти, носење на инвестиции, подобрување на економската ситуација.

YouTube video

Бране Петрушевски, пратеник на ВМРО-ДПМНЕ

Тагови: ​Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер